Catálogo

O informe "Inserción laboral da formación para o emprego", que aparece editado en liña, mide os efectos das políticas formativas dende unha perspectiva do mercado de traballo. É dicir, permite coñecer o alcance e a adecuación da oferta formativa respecto dos requirimentos da actividade económica galega.
O ámbito xeográfico é Galicia, con resultados desagregados por provincias e comarcas, tendo en conta o domicilio do centro impartidor. O informe desenvolve os resultados da inserción do alumno formado, agrupado por familias profesionais e distribuído en función de diversas variables: sexo, idade, nivel académico, tipoloxía da contratación, actividade económica e grupos ocupacionais.

Documento sobre a prevención de riscos no manexo de grandes máquinas agropecuarias: rutinas de enganche e parada, preparación do terreo, fertilización, semeneira, recolleita, alimentación, actuación en caso de emerxencia, primeiros auxilios e normativa.

Publicación periódica mensual na que se recollen novas sobre as actuacións maís salientables da Xunta de Galicia nos eidos laboral e do benestar. Acompaña á publicación unha recompilación normativa de lexislación relacionada con estes ámbitos de carácter autonómico (DOG e diarios oficiais das restantes comunidades autónomas), estatal (BOE) e comunitario (DOUE).

Operación estatística extraída da información facilitada polos propios interesados sobre outorgamento ou renovación dos títulos de familia numerosa entre o 1 de xaneiro e o 31 de decembro do ano en curso. Informa tamén sobre a normativa aplicable e os requisitos que se deberán cumprir para o recoñecemento da condición de familia numerosa.

Boletín de periodicidade mensual que recolle as novas máis salientables no ámbito da xuventude.

Publicación periódica mensual na que se recollen novas sobre as actuacións máis salientables da Xunta de Galicia nos eidos laboral e do benestar. Acompaña á publicación unha recompilación nomartiva de lexislación relacionada con estes ámbitos de carácter autonómico (DOG e diarios oficiais das restantes comunidades autónomas), estatal (BOE) e comunitario (DOUE).

Publicación periódica mensual na que se recollen novas verbo das actuacións máis salientables da Xunta de Galicia nos eidos laboral e do benestar. Acompaña a publicación unha recompilación normativa de lexislación de carácter autonómico relacionada con estes ámbitos [DOG e diarios oficiais das restantes comunidades autónomas, estatal (BOE) e comunitario (DOUE)].

Redactado en primeira persoa, a protagonista deste relato narra o día a día nun centro residencial de persoas maiores e dá recomendacións que axudan a mellorar a relación entre usuarios e profesionais. Supón, xa que logo,unha reflexión para os profesionais da xerontoloxía.

A Memoria da Oficina de Coordinación de Transplantes correspondente ao ano 2014 recolle a actividade da propia Oficina e dos hospitais galegos referida á doazón e transplante tanto de órganos coma de tecidos. Tamén se recollen os datos do programa de garantía de calidade na doazón e transplante e detállanse os centros autorizados para a extracción e o implante de órganos e tecidos e os establecementos de tecidos.
En canto á Oficina, descríbense as actividades que desenvolveu, así como os obxectivos para o vindeiro ano.

Directorio das asociacións xacobeas, confrarías e centros de estudos xacobeos nacionais e internacionais.

Guía para fomentar as boas prácticas agrícolas, gandeiras e forestais máis axeitadas en materia de conservación e sostibilidade ambiental, a través da formación e información de profesionais vinculados a estes sectores.

Guía para fomentar as boas prácticas forestais, na que se propón un conxunto de técnicas e metodoloxías de traballo como referencia para os profesionais do sector forestal no desenvolvemento da súa actividade, para acadaren a viabilidade económica, a sostibilidade ambiental e a aceptación social dos aproveitamentos dos montes.