Ferramenta para mellorar as condicións de traballo das persoas que realizan a súa actividade profesional en explotacións de gando vacún. Axuda a desenvolver as tarefas de xeito seguro e saudable.
Consellos en materia de prevención de riscos laborais nas explotacións de gando vacún.
Breve recompilación de riscos e medidas preventivas que se deben ter en conta para mellorar as condicións de traballo nas explotacións de gando vacún e para o desenvolvemento das tarefas de xeito seguro e saudable.
Recomendacións en materia de prevención de riscos laborais nas explotacións de gando vacún: lugares de traballo, manexo dos animais, maquinaria e equipos, fitosanitarios e manipulación de cargas.
Publicación periódica mensual na que se recollen novas sobre as actuacións máis salientables da Xunta de Galicia nos eidos laboral e do benestar. Acompaña á publicación unha recompilación normativa de lexislación relacionada con estes ámbitos de carácater autonómico (DOG e diarios oficiais das restantes comunidades autónomas), estatal (BOE) e comunitario (DOUE)
Coa publicación deste traballo, o Instituto Galego das Cualificacións persegue acadar un dos seus obxectivos prioritarios: coñecer a situación e a evolución do mercado de traballo galego nos distintos ámbitos territoriais, co fin de comprobar cales son as ocupacións máis representativas, e proporcionarlles esa información aos profesionais do emprego, da formación e da orientación laboral.
Escolma das disposicións normativas máis salientables no eido laboral e do benestar elaboradas por esta consellería e publicadas ao longo dun ano no Diario Oficial de Galicia (DOG). Clasificadas en 6 grandes epígrafes. De cada rexistro danse os seguintes datos: título da disposición, núm. de DOG e data de publicación e acceso á norma en formato PDF e HTML.
Informe que analiza o campo de colaboración potencial entre as empresas cooperativas e o ámbito cultural e artístico, con incidencia en tres aspectos: as cooperativas culturais que destacan polo uso de boas prácticas, as iniciativas públicas e privadas de fomento do cooperativismo cultural con resultados destacables e as experiencias de colaboración comercial entre artistas e cooperativas.
Libro do alumno para a aprendizaxe do galego para o nivel CELGA 3.
Estatística descritiva da sinistralidade laboral en Galicia correspondente ao ano 2014.
Documento sobre a importancia do risco químico nos salóns de peiteado, no que se indican os danos para a saúde (pel, sistema respiratorio etc.), os axentes químicos máis frecuentes, a etiquetaxe dos cosméticos e as medidas preventivas que se deben atender para evitar estes riscos.
Galardoada co VIII premio Manuel María de literatura dramática infantil, edición 2014, e coeditada por Edicións Xerais de Galicia e a Agadic, "Xogando con gatos", de Antón Cortizas Amado, é unha historia para lembrarmos a arte de xogar e para descubrirmos o xogo popular, que bebe nese rico acervo da transmisión oral, cancións, adiviñas, lengalengas, contos de fórmula, de nunca acabar e sortes de botar, e recupera para as persoas lectoras ou espectadoras moitos exemplos desoutra forma de xogo social, creativo e en liberdade; tamén denuncia coa súa mensaxe como os xogos tecnolóxicos condenan as nenas e os nenos á soidade, ao lecer pasivo e ao confinamento nas casas.
