É un programa organizado pola Consellería de Sanidade e está dirixido a homes e mulleres de 50 a 69 anos residentes en Galicia. Mediante a detección precoz conséguese diagnosticar o cancro en etapas menos avanzadas da enfermidade aumentando así as súas posibilidades de curación. Consiste en facerse cada dous anos e no seu domicilio unha proba sinxela para detectar sangue oculta nas feces. Ademais, os programas de detección precoz, demostraron que poden reducir o risco de desenvolver cancro de colon e recto.