O obxectivo principal deste informe é a análise da inserción laboral dos alumnos formados nas accións formativas dirixidas ao colectivo de desempregados. Parte dos resultados descritos para aqueles alumnos que obtiveron o seu certificado acreditativo e considéranse inseridos os que conseguiron un contrato laboral no ano natural seguinte á realización do curso.
O ámbito xeográfico é Galicia con resultados desagregados por provincias e comarcas tendo en conta o domicilio do centro impartidor. O informe desenvolve os resultados da inserción dos alumnos formados agrupados por familia profesional e distribuídos en función de diversas variables: sexo, idade, nivel académico, tipoloxía da contratación, actividade económica e grupos ocupacionais. A análise complétase cunha evolución da inserción do alumnado contemplada dende unha perspectiva que abarca os alumnos formados nos anos 2008, 2009 e 2010.