Catálogo da exposición Camiñantes. Fotografías de Tino Martínez. Trátase dun traballo realizado polo fotógrafo compostelán con imaxes recollidas por mor dos seus percorridos polos distintos Camiños de Santiago, plasmando as distintas realidades que foi atopando e que suscitaron a súa curiosidade, e doutra banda, unha selección de posados de distintos peregrinos chegados a Santiago acompañadas ademais da reflexión manuscrita de cada un dos personaxes retratados. Ten un carácter documental e emotivo sobre aspectos cotiáns da peregrinación xacobea. A exposición estará visitable entre o día 22 de xuño e o 31 de outubro do presente ano na sala de exposicións temporais do Museo das Peregrinacións e de Santiago.