Catálogo

Libro de alumno para a aprendizaxe do galego para o nivel CELGA 2.

Edición bilingüe galego-éuscaro de Nimbos, poemario do escritor Xosé María Díaz Castro, autor ao que se lle dedicou o Día das Letras Galegas 2014.

Libro de alumno para a aprendizaxe do galego para o nivel CELGA 4.

Libro do alumno para a aprendizaxe do galego para o nivel CELGA 3.

Galardoada co VIII premio Manuel María de literatura dramática infantil, edición 2014, e coeditada por Edicións Xerais de Galicia e a Agadic, "Xogando con gatos", de Antón Cortizas Amado, é unha historia para lembrarmos a arte de xogar e para descubrirmos o xogo popular, que bebe nese rico acervo da transmisión oral, cancións, adiviñas, lengalengas, contos de fórmula, de nunca acabar e sortes de botar, e recupera para as persoas lectoras ou espectadoras moitos exemplos desoutra forma de xogo social, creativo e en liberdade; tamén denuncia coa súa mensaxe como os xogos tecnolóxicos condenan as nenas e os nenos á soidade, ao lecer pasivo e ao confinamento nas casas.

O número 16, 2014 de Cadernos de Fraseoloxía Galega, dedicado a Fernando Varela Iglesias, contén 8 artigos na sección Estudos, verbo de diferentes aspectos da fraseoloxía e paremioloxía (de carácter semántico, didáctico,histórico, xeográfico ou contrastivo) sobre as seguintes linguas: asturiano, aragonés, catalán, italiano, romanche, galego, ruso, español, latín, turco, persa, árabe e grego antigo. A sección de Recadádivas ofrece catro recompilacións de material fraseolóxico de Valdeorras, As Neves, Ortegal e unha inédita de Antonio Couceiro Freijomil, o que suma en total 2.177 unidades fraseolóxicas. Faise a recensión de 11 obras de especialidade publicadas recentemente, e na sección Novas dáse conta de 1.054 referencias bibliográficas de actualidade; congresos, xornadas ou asembleas do ano 2014 e previstos para 2015; novidades de recursos e proxectos de investigación e o que chamamos “fraseografía espontánea”. Nos seus 14 anos de existencia, xa colaboraron nesta revista 177 investigadores de 22 países europeos.

Coedición da Xunta de Galicia coa Editorial Alvarellos. Trátase dunha tradución a galego (inédita), desde o italiano medieval, de Darío Xohán Cabana do libro “I Fioretti di san Francesco”, con ilustracións feitas ad hoc por Darío Basso.

O Centro Ramón Piñeiro ten xa publicado máis dun título da extensa e polifacética obra do filósofo ourensán Ely Luís André, europeísta e rexeneracionista. Escritor en castelán, deixou porén os seus escritos máis intimistas, os seus versos, en lingua galega. Eses textos poéticos son os que, adecuadamente preparados e anotados por César Camoira, conforman esta entrega poética da Colección Láncara, que revela así a un poeta en lingua galega, ata agora descoñecido, no que é unha edición póstuma.

Adaptación en papel do material didáctico en liña dos cursos de linguaxe xurídica galega. Neste manual recóllese o material teórico, os exercicios e información complementaria para a realización do curso. Material para uso didáctico nas clases presenciais.

Adaptación en papel do material didáctico dos cursos de linguaxe administrativa e xurídica. Neste manual recóllense os modelos de documentos e orixinais incorrectos comentados cos erros máis frecuentes. Material para uso didáctico nas clases presenciais.

Fortunato Cruces Angueira (1870-1961), xornalista, poeta, autor de relatos e incluso dramaturgo foi un dos autores máis prolíficos do Rexusrdimento. A súa obra narrativa, recollida neste volume publicouse en numerosos xornais e revistas da emigración galega en Anxertina. Vanesa Solís Cortizas baixo a dirección de Modesto Hermida García, fai nesta edición un completo estudo bibliográfico do autor e unha análise pormenorizada da súa obra narrativa.

A gaita, presente nos poetas galegos desde hai douscentos anos, non tiña unha antoloxía propiamente dita. Teñen cantando a gaita algún dos poetas máis imprtantes de Galicia: Rosalía de Castro, Curros Enríquez, Ramón Cabanillas, García Lorca e Celso Emilio Ferreiro. Mesmo hai dous poemas excelsos, Escolma de poemas dende 1853 ata 2012.