Catálogo

Incidencia muller pedra, de AveLina Pérez, conforma o número 20 da colección Biblioteca Dramática Galega, que integra as obras gañadoras dos premios Álvaro Cunqueiro para textos teatrais e Manuel María de literatura dramática infantil convocados pola Axencia Galega das Industrias Culturais.

Gañadora do Premio Álvaro Cunqueiro para textos teatrais 2024, Incidencia muller pedra é un canto á liberdade do individuo, unha reflexión sobre o animal que levamos dentro, domesticado pola lei do home (ese home que perverte a natureza das cousas). A través dunha proposta dramatúrxica sinxela, baseada na acción verbal, preséntanos personaxes complexos, cheos de arestas, que convidan á reflexión a través das súas palabras e os seus silencios. Ponse en valor unha voz de muller non normativa, construída sen apelar a lugares comúns, a perspectivas ortodoxas. Mediante unha linguaxe sólida, de enorme riqueza estética, a autora tece unha historia singular e lúcida que foxe do convencional e se nos presenta coma unha construción teatral emocionante, delicada e profundamente intelixente.

Incidencia muller pedra, de AveLina Pérez, conforma ou número 20 dá colección Biblioteca Dramática Galega, que integra as obras gañadoras dous premios Álvaro Cunqueiro para textos teatrais e Manuel María de literatura dramática infantil convocados pola Axencia Galega das Industrias Culturais.

Gañadora do Premio Álvaro Cunqueiro para textos teatrais 2024, Incidencia muller pedra é un canto á liberdade do individuo, unha reflexión sobre ou animal que levamos dentro, domesticado pola lei do home (ese home que perverte a natureza dás cousas). A través dunha proposta dramatúrxica sinxela, baseada na acción verbal, preséntanos personaxes complexos, cheos de arestas, que convidan á reflexión a través dás súas palabras e vos seus silencios. Ponse en valor unha voz de muller non normativa, construída sen apelar a lugares comúns, a perspectivas ortodoxas. Mediante unha linguaxe sólida, de enorme riqueza estética, a autora tece unha historia singular e lúcida que foxe do convencional e preséntallenos coma unha construción teatral emocionante, delicada e profundamente intelixente.

Este XLVII Caderno Ramón Piñeiro reúne un diverso abano de voces para falar da homenaxeada no Día das Letras Galegas deste ano 2024, Luísa Villalta. Así pois, ademais do limiar, a Cronobiografía construída por Armando Requeixo tamén serve como apertura. Sucédense tras ela vinte artigos agrupados en seis seccións: poesía, narrativa, teatro, ensaio e pensamento, tradución e música. Todos eles analizan a tan excelsa como poliédrica traxectoria de Villalta. Deste modo, sitúana nunha posición dialogante con outros autores e tendencias, ademais de pór en valor aquelas facetas do seu traballo que tenden a resultar eclipsadas. Conclúe o volume cunha bibliografía activa e pasiva da homenaxeada.

O libro é unha presentación da totalidade da obra de Viqueira. Como profesor de filosofía no IES Eusebio da Guarda, engarza coas doutrinas de Leonardo Coimbra (Portugal), Bergson (Francia) e Risco (Xeración Nós). Como poeta, toma o lirismo da cultura galego-portuguesa como fío vermello que une todos os produtos culturais galegos. Na música popular galega pon a améndoa da cultura galega. Trátase dun libro en que a filosofía queda reducida á estética.

Volume inaugural da colección "Tesouro paleogalaico" que presenta o primeiro estudo lingüístico das aras dedicadas ao deus Lar Berobreus aparecidas no santuario tardorromano (s. III-VI d. C.) do monte do Facho, na parroquia de Donón, Cangas, Pontevedra. O traballo consta de tres capítulos: un comentario arqueolóxico de José Suárez Otero, que serve de marco introdutorio á análise lingüística propiamente dita; un comentario lingüístico das epígrafes, de Juan Carlos Búa Carballo, e un catálogo dos altares do Facho con texto total ou parcialmente lexible, do mesmo Juan Carlos Búa en coautoría con Beatriz García Turnes e Isabel Beltrán López.

O número XLV dos Cadernos Ramón Piñeiro (XLV), titulado Estudos arredor de Florencio Delgado Gurriarán xunta unha vintena de artigos centrados en diferentes aspectos da vida e obra do autor homenaxeado no Día das Letras Galegas de 2022. A súa poesía, os traballos de tradución, as vicisitudes do exilio ou o epistolario con varios compañeiros galeguistas son algúns dos asuntos tratados neste volume editado polo Centro Ramón Piñeiro para a Investigación en Humanidades.

No volume "Francisco Fernández del Riego no río do tempo", entrega número 46 da serie de Cadernos Ramón Piñeiro, converxen dezaseis achegas que, en proxección calidoscópica, conforman un retrato substancial da vida e obra do autor homenaxeado no Día das Letras Galegas 2023. Organízase arredor de tres grandes eixos: "Intelectual e cidadán" —sobre a traxectoria vital e o percorrido do de Lourenzá como integrante de diversas institucións—, "Literatura e pensamento" —centrado no perfil máis autorial— e "Relacións e amizades" —no que se dá conta da súa ligazón con outros escritores e ámbitos—.

Texto de 55 autores galegos desde a Idade Media ata os contemporáneos pertencentes á xeración da postguerra.

Compilación dos autores máis destacados da literatura galega entre os anos 1981 a 2011.

Edición facsimilar da publicación periódica Mensajes de Poesía, dirixida por Eduardo Moreira e coa participación decisiva de Luz Pozo Garza. Trátase dunha das publicacións máis importantes da Galicia da Posguerra, na cal, entre 1948 e 1952, colaboraron algunhas das máis grandes voces da poesía galega e castelá deste tempo, como Vicente Aleixandre, Álvaro Cunqueiro, Carmen Conde, Pura Vázquez, Ánxel Fole ou Blas de Otero, entre outros.

A literatura medieval e a lingüística románica, disciplinas, a miúdo, entrelazadas de forma enriquecedora— trazan os vieiros polos que a profesora Mercedes Brea ten transitado ao longo da súa carreira docente e investigadora na Universidade de Santiago de Compostela e no Centro Ramón Piñeiro para a Investigación en Humanidades.
O presente volume recolle unha serie de contribucións da profesora, que foron seleccionadas tanto pola súa importancia para o estudo da poesía galega medieval como por seren paradigmáticas da actividade que promoveu no seo do grupo de investigación que creou (GI-1350-Románicas: Filoloxía e Literatura Medieval da USC), e no que conseguiu formar unha auténtica escola. A ela vai ofrecido este libro como recoñecemento ao seu traballo e, sobre todo, ao seu xeneroso maxisterio.

Na cidade portuguesa de Porto, no bienio 1960-1961, apareceu a revista Céltica, Caderno de Estudos Galaico-Portugueses, que fundou e dirixiu Manuel Oliveira Guerra. A súa curta existencia -tirou unicamente catro números- non impide que recoñezamos a súa importancia e interese para a cultura, a literatura e a lingua galegas, que teñen xenerosa acollida nestas páxinas. Nomes como o de Xosé María Álvarez Blázquez, José María Castroviejo, María Victoria Armesto, Celso Emilio Ferreiro, M. González Garcés, Xohana Torres, Pura Vázquez, Uxío Novoneyra, Manuel María, Antón Tovar, xunto cos de Rosalía de Castro ou Eduardo Pondal entre outros, acreditan a galeguidade destas páxinas que agora recuperamos para coñecelas mellor.

Verbas amigas reúne máis de medio cento de colaboracións escritas en homenaxe á profesora Blanca-Ana Roig Rechou por mor da súa xubilación. O volume, alén de diversos textos prologais de carácter institucional, incorpora tamén unha extensa cronobiografía sobre a homenaxeada que asinan os editores da publicación.