Carta de Servizos de nivel auditado da EGAP, que foi elaborada consonte os criterios metodolóxicos definidos no Decreto 117/2008, do 22 de maio, polo que se regulan as Cartas de Servizos da Xunta de Galicia e o Observatorio da Calidade e da Administración Electrónica de Galicia (DOG núm. 113, do xoves 12 de xuño de 2008).
Esta publicación reproduce os relatorios presentados nas Xornadas sobre demografía e desenvolvemento, claves para unha política de inversión das inercias demográficas en Galicia, organizadas pola Escola Galega de Administración Pública, os días 26, 27 e 28 de outubro de 2011, coa finalidade de achegar información sobre a situación demográfica de Galicia e sobre as posibles actuacións que desde o ámbito das políticas públicas e da sociedade civil se poidan articular sobre o particular, ademais de realizar unha análise desde a perspectiva comparada, reflexionando sobre a situación actual, con especial énfase no ámbito rural galego e ponderando as posibles liñas de actuación.
Catálogo que recolle as obras presentes na exposición "As que comen silencios, as que toman a palabra", que versa sobre a arte e violencia de xénero. Selección de 14 artistas e textos explicativos que acompañan as ilustracións das obras.
O volume A dama solitaria & Fantomina, é o número 13 da colección "As letras das Mulleres", e recolle dúas obras da autora británica que por primeira vez son editadas en galego. Eliza Haywood inaugurou un tipo de ficción que, con pretensións didácticas, ensinaba ás mulleres a sacaren proveito nas relacións sentimentais, propugnando unha ruptura co modelo pasivo e presentando heroínas impetuosas e decididas, que non se dobregaban aos roles establecidos.Eliza Haywood (1693-1756) foi unha escritora moi prolífica e popular no seu momento. Á parte de novelista, foi actriz, dramaturga, escritora de "libros de conduta", tradutora, propietaria dun negocio de impresión e venda de libros, e editora de varios xornais. É difícil atopar algunha persoa con mais actividade profesional no mundo das letras, e moito máis entre as mulleres desa época.
O multimedia Fíos violeta, Convivir en igualdade para dunha filosofía coherente coa pluralidade e valores democráticos, respectuosa cos dereitos humanos, inclusiva coa interculturalidade e promove explicitamente a convivencia nun marco de tolerancia e respecto onde o artigo 2.1 da Carta dos dereitos humanos se asume como punto de partida.
Esta obra, a número doce da colección "As Letras das Mulleres", nos achega á vida da escritora Edith Wharton (1862-1937) e nos mostra o paralelismo entre ela e a súa obra, así como a súa relación con España, e con Galicia en particular, xa que Edith Wharton peregrinou a Santiago en dúas ocasións a comezos do século. A idade da inocencia, que "retrata as escasas oportunidades das que dispuñan as mulleres na sociedade norteamericana de finais de século XIX, cando a beleza, equiparada ao decoro e a inocencia, pero tamén asimilada á ignorancia, das mulleres, era o atributo máis prezado, negándoselle ás mulleres a capacidade de aprender, e, por suposto, de decidir por si mesmas"
Dirixido á información e sensibilización das/dos profesionais do ámbito xurídico sobre a trata de persoas con fins de explotación sexual que inclúe o mapa de recursos das entidades que traballan nesta problemática en Galicia.
Número catro da revista científica Ad limina, de carácter interdisciplinar e internacional, multilingüe, de investigación sobre o camiño de Santiago e o fenómeno das peregrinacións.
Libro catálogo que recolle unha serie de artigos sobre a figura de san Francisco de Asís e a tradición da súa peregrinación a Santiago de Compostela hai 800 anos. Ademais presenta o catálogo de obra da exposición do mesmo nome que se inaugurou en agosto de 2013 en Asís (pintura, ourivería, escultura, etc.).
O libro “Memoria Xacobeo 2010” recolle os eventos máis salientables da programación deseñada pola S.A. de Xestión do Plan Xacobeo para o Ano Santo 2010.
Esta memoria percorre os 10 camiños temáticos que estruturaron os contidos da programación: os camiños da arte como o da Música, o das Artes Escénicas, ou o Audiovisual; outros como o Camiño Infantil, o da Gastronomía ou o do Deporte; o Camiño da Historia e o Contemporáneo para as exposicións, ou o Camiño da Reflexión e o da Espiritualidade para a palabra, o debate e o entendemento.
Libro catálogo que recolle as pezas da exposición San Francisco e O Belén, máis dous artigos de Juan Monterroso e David Chao sobre a historia e evolución dos Beléns desde san Francisco ata hoxe.
Catálogo que complementa a exposición "Regreso á orixe. Unha viaxe contemporánea, Xerusalén, Roma, Santiago", e que documenta a viaxe do fotógrafo Manuel Valcárcel e mais do músico Alexandro González desde Xerusalén a Santiago de Compostela.
