Fronda é unha publicación en forma de folla voandeira coa que o Arquivo Histórico Provincial de Ourense (AHPOu) achega a un público amplo o contido dos seus fondos documentais e o contexto histórico no que estos foron producidos. Neste número (32), a partir dunha acta do libro de acordos de 1835 do Concello de Ourense, faise un breve percorrido pola historia dos concellos e das súas competencias como xeradores de documentación de arquivo.
Trátase dunha guía visual con textos e imaxes en cor da exposición temporal do mesmo título e un anexo coa tradución en castelán.
O Parque Arqueolóxico da Arte Rupestre é unha infraestrutura desenvolvida dentro da Rede Galega de Patrimonio Arqueolóxico, destinada á investigación e difusión dos petróglifos de Campo Lameiro en Pontevedra. A infraestrutura consta dunha zona exterior preparada para a visita ás distintas estacións de arte rupestre con camiños, zonas de descanso, etc., e un centro de interpretación onde, mediante unha montaxe expositiva, explícanse as claves para o coñecemento e comprensión dos petróglifos e os pobos que os crearon. Esta publicación é unha guía de visita para completar a oferta divulgativa do Parque Arqueolóxico e profundar máis no que pode verse na exposición.
Cumprindo cun designio xa tradicional nesta institución, o de permitir o contacto con universos creativos que transformaron a nosa percepción da arte nas últimas décadas. Este volume sobre o artista italiano Gilberto Zorio é o catálogo da exposición coproducida no ano 2010 polo CGAC e o MAMbo de Boloña. Trátase dunha das publicacións máis completas editadas até agora sobre un dos nomes de referencia da "Arte Povera", cuxo universo creativo contribuíu decisivamente a transformar a nosa percepción da arte nas últimas décadas.
No longo periplo da abstración, de cuxa partida logo fará un século, é constante a súa deriva en dous sentidos opostos e complementarios: ben polo camiño que prima a expresión inmediata, espontánea e directa, ben polo que se orienta segundo o cálculo, o rigor e a norma. Nas dúas últimas décadas, pintores procedentes de tradicións nacionais moi diferentes coinciden, non obstante, nun entendemento común, que sustenta as súas prácticas nunha base racional, que non constitúe nunca un sistema impositivo e pechado, e que se abre ao impulso momentáneo e impensado do artista. O catálogo da exposición Abstración racional reúne obras de catro pintores de distintas nacionalidades que, nin constitúen grupo ou colectivo organizado, nin pretenden facelo: o norteamericano Richard Aldrich, o portugués José Loureiro e os españois Nico Munuera e Juan Uslé.
Fronda é unha publicación periódica bimestral en forma de folla voandeira coa que o Arquivo Histórico Provincial de Ourense (AHPOu) achega a un público amplo o contido dos seus fondos documentais e o contexto histórico no que estes foron producidos. Neste número (31), a partir dunha certificación de armas, faise un percorrido polas distintas manifestacións da heráldica nos documentos de arquivo e unha introdución á xénese e desenvolvemento desta ciencia auxiliar da historia.
Fronda é unha publicación periódica bimestral en forma de folla voandeira coa que o Arquivo Histórico Provincial de Ourense (AHPOu) achega a un público amplo o contido dos seus fondos documentais e o contexto histórico no que estes foron producidos. Neste número (30) faise a segunda entrega da serie dedicada aos arquivos dos mosteiros, neste caso a partir dun privilexio rodado que serve de exemplo para abordar os documentos monásticos que acreditan bens e dereitos.
Fronda é unha publicación periódica bimestral en forma de folla voandeira coa que o Arquivo Histórico Provincial de Ourense (AHPOu) achega a un público amplo o contido dos seus fondos documentais e o contexto histórico no que estes foron producidos. Neste número (29) iníciase unha serie dedicada á colección de impresos do AHPOu, neste caso a partir dun fragmento das Decretais de Gregorio IX, impreso en Maguncia en 1476. Trátase do impreso máis antigo que se conserva en Galicia.
Jane & Louise Wilson. Tempo suspenso é o catálogo da exposición do mesmo título celebrada no CGAC entre os meses de novembro de 2010 e xaneiro de 2011. No contexto da arte contemporánea, as obras de Jane e Louise Wilson están fóra do común polo seu pronunciado sentido do presente como parte do tempo histórico e, en particular, pola súa preocupación por un sentido concreto do presente europeo como época do final da posguerra. Os seus traballos funcionan internamente de acordo coas formas de conciencia histórica características da cultura literaria, fílmica, radiofónica e televisiva dominante no Reino Unido, aínda que a modulan e a reinverten de modos novos.
Catálogo correspondente á exposición Isaac Díaz Pardo. Pinturas e Fracasos, na que se mostra un conxunto de obras do artista, e na que se referencia a súa traxectoria como pintor, etapa curta pero de grande importancia.
Catálogo da exposición organizada polo Museo das Peregrinacións e de Santiago "Le gens du chemin" sobre as peregrinacións ao santuario de Saintes Maries de la Mer (Francia).
Edición do número 23 (ano 2013) da revista Croa, órgano de expresión científica e difusión cultural do Museo do Castro de Viladonga, elaborado polo propio centro, coa colaboración da súa Asociación de Amigos, con dez artigos ou apartados de tema patrimonial (arqueolóxico, histórico e etnográfico). Este boletín serve ademais para establecer intercambios bibliográficos con outras institucións e asociacións similares, o que supón un notable incremento da biblioteca auxiliar especializada do Museo.
