Obra coeditada pola Agadic e Edicións Xerais de Galicia dentro da colección Biblioteca Dramática Galega, galardoada co XX Premio Álvaro Cunqueiro para textos teatrais, edición 2011. A cegueira, de Marcos Abalde Covelo, é unha reflexión sobre a banalidade do mal, na que os seus personaxes participan nunha cerimonia do horror da que ninguén pode fuxir, e onde a xestión da barbarie vira norma sagrada.
Publicación da obra gañadora da X edición do premio Barriga Verde de textos para teatro de monicreques na súa modalidade infantil, coeditada pola AGADIC e Baía Edicións.
Publicación da obra gañadora da VIII edición do premio Barriga Verde de textos para teatro de monicreques na súa modalidade infantil, coeditada pola AGADIC e Baía Edicións.
Obra de Xosé A. Neira Cruz gañadora do IV edición do Premio Manuel María de literatura dramática infantil, coeditada con Edicións Xerais de Galicia dentro da colección Biblioteca Dramática Galega.
Publicación da obra gañadora da VIII edición do premio Barriga Verde de textos para teatro de monicreques na súa modalidade adultos, coeditada pola AGADIC e Baía Edicións.
Publicación da obra gañadora da VII edición do premio Barriga Verde de textos para teatro de monicreques na súa modalidade adultos, coeditada pola AGADIC e Baía Edicións.
Galardoada co premio XI Barriga Verde de textos para teatro de monicreques na súa modalidade adultos, Ela, piedade dos suicidas, de Xavier Lama, e coeditada pola Agadic e Bahía Edicións, é unha nova visita ao vello mito grego de Orpheo e Eurídice, unha historia órfica de descenso aos infernos na procura da muller idealizada, na que o autor dá conta, en clave poética, do abismo entre a vida e a morte, entre a realidade e o desexo. A vontade transgresora da peza move os marcos do gusto hoxe dominante cunha orixinal mestizaxe de xéneros, pois presenta unha proposta en verso libre, de marcado carácter obxectual, cohabitada por sombras, pantallas, máscaras...
Galardoada co XI Premio Barriga Verde de textos para teatro de monicreques, modalidade infantil, e coeditada pola Agadic e Bahía Edicións, O lobo e a lúa, de Andrea Bayer Lloves, tece unha trama clara e atraente, na que adapta claves de intriga e suspense ao imaxinario dos máis pequenos; unha historia de amizade, superación dos propios medos e de amor que pon en valor, á vez, a singularidade da arte dos monicreques para engaiolar un público familiar.
Volume epistolar, na liña de anteriores achegas a un xénero no que Ramón Piñeiro deixou varios milleiros de mostras, maxistrais algunhas delas. Trátase, neste caso, da revelación da amizade persoal e das relacións profesionais de dous rigorosos intelectuais galegos, personalidades significativas no terreo das humanidades. Introdución, notas aos textos, índices e repertorios bibliográficos son parte desta edición respectuosa cos textos orixinais e ilustrada.
Co título de Cáliz fervendo!, o Centro Ramón Piñeiro presenta unha colectánea de vinte e catro traballos arredor da vida e da obra (co poemario Nimbos, Galaxia, 1961) de Xosé María Díaz Castro, o poeta de Guitiriz do que en 2014 celebramos o centenario do seu nacemento e dedicóuselle o Día das Letras Galegas. Métrica, retórica, estrutura ou temática dos poemas son obxecto de análise por especialistas, coñecedores a fondo de Díaz-Castro. Arcadio López-Casanova, Torres Queiruga, Darío X. Cabana, Olga Novo, Claudio R. Fer e outros prestixian este libro de homenaxe ao intelectual chairego.
Un ano máis, o Centro Ramón Piñeiro para a Investigación en Humanidades, réndelle homenaxe ao persoeiro elixido pola Real Academia Galega para conmemorar o Día das Letras Galegas, do ano 2015 neste caso. Homenaxe concretada nun libro, coordinado por Luís Cochón, que integra un heteroxéneo conxunto de breves estudos, pertencentes a aqueles terreos do saber que Filgueira Valverde, un humanista erudito, cultivou.
Son arredor de trinta estes estudos, rigorosos e anotados, escritos por especialistas, que discorren polos vieiros da historia, a literatura, a biografía, o pensamento e outros asuntos relacionados sempre con Galicia.
Obra de Manuel Lourenzo gañadora da XVIII edición do Premio Álvaro Cunqueiro para textos teatrais, coeditada con Edicións Xerais de Galicia dentro da colección Biblioteca Dramática Galega.
