Catálogo

Conto ilustrado e elaborado para a campaña '37.000 sorrisos', promovida pola Consellería de Política Social, que ten por obxecto evitar os abusos sexuais a menores en Galicia.

Guía sobre a atención integral que as nenas e os nenos de 0 a 3 anos deben recibir para previr os trastornos do desenvolvemento e para orientar as familias e profesionais con interese nesta materia. Resulta unha ferramenta práctica sobre unha etapa da crianza clave para a súa evolución de cara a idades posteriores e, tamén, de cara a configurar a súa autoestima e a súa seguridade e xerar personalidades máis seguras, máis autónomas e máis sas.

Ferramentas básicas e pautas para a elaboración do proxecto educativo dos centros de infantil. Trátase de proporcionar un marco global que facilite unha acción coordinada e eficaz dos equipos educativos, tendo en conta a situación concreta de cada centro, a súa estrutura organizativa, análise do contexto, obxectivos e funcionamento dos centros.

Inventario dos proxectos máis representativos do programa Iniciativa Xove, ideados e levados a cabo pola xuventude de Galicia. Esta escolma realza a importancia do programa no marco da educación non formal.

Ferramenta básica que nos proporciona información sobre todas aquelas variables que interveñen no mercado de traballo relacionadas coa área de formación. Concretamente coas ocupacións utilizadas polo sistema de información dos servizos públicos de emprego (SISPE). Así, infórmanos sobre os cursos de formación para o emprego relacionados coas ocupacións máis ofertadas, demandadas ou contratadas.

Ferramenta básica que nos proporciona información sobre todas aquelas variables que interveñen no mercado de traballo relacionadas coa área de formación. Concretamente coas ocupacións utilizadas polo sistema de información dos servizos públicos de emprego (SISPE). Así, infórmanos sobre os cursos de formación para o emprego relacionados coas ocupacións máis ofertadas, demandadas ou contratadas.

O informe "Inserción laboral da formación para o emprego", que aparece editado en liña, mide os efectos das políticas formativas dende unha perspectiva do mercado de traballo. É dicir, permite coñecer o alcance e a adecuación da oferta formativa respecto dos requirimentos da actividade económica galega.
O ámbito xeográfico é Galicia, con resultados desagregados por provincias e comarcas, tendo en conta o domicilio do centro impartidor. O informe desenvolve os resultados da inserción do alumno formado, agrupado por familias profesionais e distribuído en función de diversas variables: sexo, idade, nivel académico, tipoloxía da contratación, actividade económica e grupos ocupacionais.

Unidade didáctica destinada a alumnado da ESO e Bacharelato e realizada dende a perspectiva dunha pedagoxía da igualdade de xénero. A proposta baséase no telefilme Concepción Arenal a visitadora de cárceres, unha aproximación á personaxe histórica de Concepción Arenal. O exemplar impreso acompáñase dun DVD onde consta o filme, un documental sobre a figura de Arenal, a propia unidade didáctica en versión para o alumnado e para o profesorado e as secuencias da película sobre as que se desenvolve o traballo.

Proposta de actividades para a prevención da violencia de xénero a través das obras da exposición "Cartas de amor".

Cómic que fai un breve percorrido pola vida de san Francisco de Asís, ilustrado polo debuxante M. Méndez.

Material didáctico que busca sensibilizar e motivar a mocidade cara o voluntariado. As actividades desenvólvense ao redor de 4 bloques temáticos: aprendizaxes básicas, actitudes e valores, sensibilización e orientación Acompaña a publicación unha listaxe de documentos de apoio que afondan e amplían coñecementos na materia.

Analise da problemática do bullying ou acoso escolar : que é, as súas causas e como deben actuar os diversos intervenientes neste tipo de conductas.