Catálogo

O solucionario do manual do Curso de introdución á lingua e á cultura galegas está pensado para axudarche no teu proceso de aprendizaxe dun xeito gradual, práctico e conectado coa realidade galega. Cada unidade integra contidos de fonética, de gramática, léxico útil e cultura. Nel atoparás as respostas aos exercicios e actividades propostos no manual para aprender e practicar a lingua dun xeito ameno e activo.

Este curso está dirixido a aquelas persoas que teñan interese pola lingua galega e a súa cultura, tanto se teñen coñecementos previos como se comezan desde cero.

O manual do Curso de introdución á lingua e á cultura galegas está pensado para acompañarte no teu proceso de aprendizaxe dun xeito gradual, práctico e conectado coa realidade galega. Cada unidade integra contidos de fonética, gramática, léxico útil e cultura. Ademais, inclúense exercicios e actividades para aprender e practicar a lingua dunha forma amena e activa. Este curso está dirixido a aquelas persoas que teñan interese pola lingua galega e pola súa cultura, tanto se teñen coñecementos previos como se comezan desde cero.

Plan de nova arquitectura pedagóxica da Xunta de Galicia. Espazos educativos post-covid19. Manuais de nova arquitectura, rehabilitación e determinacións construtivas. Pendente de converter en norma mediante orde. A súa distribución será principalmente en formato dixital e incidentalmente en formato papel, sempre sen custo.

Dicionario bilingüe galego-ucraíno/ucraíno-galego coas palabras tamén en castelán, coa transliteración do ucraíno e co pictograma ARASAAC correspondente, para uso maioritariamente escolar.
Preséntase en formato nunha única publicación que monta o dobre dicionario.

Proposta didáctica para o programa “Vexo Veo Xacobeo”, dirixida ao alumnado de 2º ciclo de Educación Infantil e Primeiro Ciclo de Educación Primaria. Conxunto de actividades que amosan a riqueza do patrimonio cultural, material e inmaterial, patrimonio natural e valores que definen o Camiño de Santiago.

Informe de avaliación dun estudo de investigación sobre a lectura na adolescencia e a influencia do programa de clubs de lectura da Asesoría de Bibliotecas Escolares da Dirección Xeral de Centros e Recursos Humanos.

Informe sobre o percorrido do programa das bibliotecas escolares de Galicia durante o período 2005-2020.

Esta unidade didáctica pretende transmitir ao alumnado da ESO e Bacharelato os coñecementos sobre as bases e consecuencias do Estatuto de autonomía, para así convertérense no futuro en cidadáns e cidadás conscientes da súa realidade política e administrativa, e que poidan exercer os seus dereitos e cumprir cos seus deberes de forma plenamente responsable. Ademais de traballar de xeito transversal diferentes contidos, tanto relativos a conceptos e procedementos como ao desenvolvemento de valores, aborda os elementos prescritivos do currículo para cada un dos cursos.

Esta unidade didáctica ten como obxectivo achegar ao alumnado de 3º e 4º de ESO a importancia da vacinación, ao tempo que pon de manifesto a relevancia histórica da Real Expedición que partiu a comezos do século XIX desde A Coruña para levar a vacina da varíola ao continente americano.

Así mesmo, destácase o papel fundamental que tivo na expedición a galega Isabel Zendal, enfermeira e reitora do orfanato da Coruña, considerada pola Organización Mundial da Saúde a primeira enfermeira da historia en misión internacional. Deste xeito, a guía facilita aos docentes recursos innovadores aplicables ás materias de Bioloxía e Xeoloxía, Xeografía e Historia ou Cultura Científica.

Protocolo que é o resultado dun traballo multidisciplinar co cal se pretende a detección temperá das dificultades educativas do alumnado con discapacidade auditiva e ofrecerlle unha axeitada intervención educativa que facilite o seu éxito educativo.

Esta obra é unha guía de literatura infantil e xuvenil de libros publicados entre os anos 2014 e 2016 dirixidos á infancia e mocidade. Pretende destacar aqueles libros que superan a discriminación de xénero, salvando estereotipos, prexuízos e roles tradicionais. Recolle 51 títulos de libros coa súa temática e xénero, e cun resumo de cada un deles, así como un fragmento significativo, actividades para o profesorado, pais e nais, e as ligazóns que nos remiten a cada libro, ao autor/a e ao ilustrador/a.

Protocolo que recolle a rutina educativo-sanitaria que hai que contemplar no caso do alumnado que padece diabetes, contribuíndo a facilitar a plena integración das nenas e nenos diabéticos na comunidade educativa mediante a colaboración voluntaria do profesorado.