Catálogo

Este libro da colección Olladas no Pasado, editada polo Centro Ramón Piñeiro para a Investigación en Humanidades, consegue maxistralmente o que se propón: ofrecerlle ao público de hoxe as claves precisas que explican e permiten comprender en toda a súa complexidade tanto a figura, en certo modo inasible, de Johán Vicente Viqueira López (periplo biográfico, formación académica, empresas e anhelos intelectuais, contribucións, textos...) coma o tempo en que viviu.

Transcrición, estudo e edición crítica do epistolario de Florentino López Cuevillas, como homenaxe no centenario da Xeración Nós.

Mariana de Neoburgo, alemá de nacemento, foi a raíña de España desde 1989 ata 1770. Converteríase, por un lado, nunha figura política española de finais do século XVII, a través do seu matrimonio co rei Carlos II (1661 – 1700) e, por outro, nunha soberana pouco querida polo pobo español pola súa orixe estranxeira e a súa natureza fachendosa. Este volume é un facsímile de 11 impresos do século XVII sobre a viaxe da raíña por Galicia.

Recuperación da lembranza dunha das figuras de maior trascendencia práctica para o desenvolvemento de Galicia. Domingo Fontán, como xeógrafo, levantou o primeiro mapa de Galicia con criterios e técnicas cartográficas modernos; así mesmo, desenvolveu un labor político moi importante, baseado nun profundo coñecemento do país, no século XIX.

Memorias de Camilo José Cela. Este volume recolle os primeiros anos da súa vida, desde o seu nacemento en 1916 ata 1923. Aparecen a familia materna -de ascendecia inglesa, como indica o apelido Trulock-, a casa de Iria Flavia onde naceu e a familia paterna de Tui, os Cela. Nesta nova edición inclúense once capítulos que non apareceran en 1949, ano da primeira aparición deste texto.

Editado con motivo da exposición celebrada no Museo de Belas Artes da Coruña do 20 de febreiro ao 14 de maio de 2015, este catálogo é unha completa publicación que ofrece unha análise pormenorizada dunha etapa fundamental na formación de Picasso, a comprendida entre 1891 e 1895. Estuda con detalle as experiencias e as ensinanzas colleitadas neses anos cruciais para poder comprender dun xeito máis profundo a repercusión que tivo a súa obra. Presenta dez seccións, cos correspondentes textos que explican o contido da mostra, xunto coas imaxes das obras expostas.
Os textos realizáronos a comisaria, Malén Gual, xunto con outros especialistas, como Xosé R. Barreiro, X. Antón Castro, Rafael Inglada, Marilyn McCully, César Antonio Molina, Elena Prado, Eduard Vallès ou Rubén Ventureira.
Complétase cunha bibliografía xeral, a relación catalográfica das preto de máis de 200 obras que forman parte da mostra e e a tradución dos textos ao inglés.

Luis Celeiro fai un percorrido pola traxectoria vital de Elías Valiña, cura do Cebreiro entre 1959 e 1989, desde onde acometeu un labor pioneiro a prol da recuperación e revalorización do Camiño de Santiago. Foi o primeiro en sinalizalo con frechas amarelas e en escribir unha tese doutoral sobre este itinerario, un estudo histórico-xurídico do Camiño presentado na Universidade Pontificia de Salamanca.

Luis Celeiro fai un percorrido pola traxectoria vital de Elías Valiña, cura do Cebreiro entre 1959 e 1989, desde onde acometeu un labor pioneiro a prol da recuperación e revalorización do Camiño de Santiago. Foi o primeiro en sinalizalo con frechas amarelas e en escribir unha tese doutoral sobre este itinerario, un estudo histórico-xurídico do Camiño presentado na Universidade Pontificia de Salamanca.

No ano 1914 o padre Atanasio López publicaba o traballo máis completo sobre a vinda de san Francisco de Asís a España na revista fundada por el mesmo, "Archivo Ibero-Americano" (Revista Franciscana de Estudios Históricos). Preséntase aquí unha transcrición desa publicación e un breve estudo introdutorio sobre a figura do P. Atanasio López escrito polo padre Hipólito Barriguín.

Editado con motivo da exposición celebrada no Museo de Belas Artes da Coruña do 20 de febreiro ao 14 de maio de 2015, este catálogo é unha completa publicación que ofrece unha análise pormenorizada dunha etapa fundamental na formación de Picasso, a comprendida entre 1891 e 1895. Estuda con detalle as experiencias e as ensinanzas colleitadas neses anos cruciais para poder comprender dun xeito máis profundo a repercusión que tivo a súa obra. Presenta dez seccións, cos correspondentes textos que explican o contido da mostra, xunto coas imaxes das obras expostas.
Os textos realizáronos a comisaria, Malén Gual, xunto con outros especialistas, como Xosé R. Barreiro, X. Antón Castro, Rafael Inglada, Marilyn McCully, César Antonio Molina, Elena Prado, Eduard Vallès ou Rubén Ventureira.
Complétase cunha bibliografía xeral, a relación catalográfica das preto de máis de 200 obras que forman parte da mostra e e a tradución dos textos ao inglés.

Unidade didáctica destinada a alumnado da ESO e Bacharelato e realizada dende a perspectiva dunha pedagoxía da igualdade de xénero. A proposta baséase no telefilme Concepción Arenal a visitadora de cárceres, unha aproximación á personaxe histórica de Concepción Arenal. O exemplar impreso acompáñase dun DVD onde consta o filme, un documental sobre a figura de Arenal, a propia unidade didáctica en versión para o alumnado e para o profesorado e as secuencias da película sobre as que se desenvolve o traballo.

Unidade didáctica destinada a alumnado da ESO e Bacharelato e realizada dende a perspectiva dunha pedagoxía da igualdade de xénero. A proposta baséase no telefilme A Condesa rebelde, unha aproximación á perxonaxe histórica de Emilia Pardo Bazán. O exemplar impreso acompáñase dun DVD onde consta o filme, un documental sobre Emilia Pardo Bazán, apropia unidade didáctica en versión para o alumnado e para o profesorado e as secuencias da película sobre as que se desenvolve o traballo.