Catálogo

Edición da reprodución facsimilar do exemplar conservado no ARG da Reseña de la Causa formada en el juzgado de Allariz distrito de La Coruña contra Manuel Blanco Romasanta, el hombre lobo, por varios asesinatos... publicada en 1859, xunto coa copia dixital do expediente xudicial orixinal que figura no Arquivo do Reino de Galicia.
A obra consta dun volume coa reprodución da Reseña e os estudos, e un CD coa copia da causa criminal.

Con motivo das últimas intervencións realizadas no monumento de Santa Eulalia de Bóveda, decídese facer esta publicación, na que se recolle un estudo historiográfico de Enrique Montenegro, os resultados da lectura de parametros e o levantamento topográfico da arqueóloga Rebeca Blanco-Rotea, no que se establecen as distintas fases de construción do edificio, o estudo das pinturas realizado pola restauradora Rosa Benavides e, por último, a intervención arquitectónica de César Portela no monumento e no seu contorno.

Directorio das asociacións xacobeas, confrarías e centros de estudos xacobeos nacionais e internacionais.

Libro catálogo que recolle unha serie de artigos sobre a figura de san Francisco de Asís e a contextualiza. Ten en conta aspectos como a tradición da súa viaxe como peregrino a Compostela, o nacemento da súa orde, a arte do seu tempo, etc. A publicación presenta ademais o catálogo de obra da exposición do mesmo nome, que se inaugurou o 26 de marzo de 2015 en Santiago de Compostela.

Catálogo da exposición do mesmo título que o Museo Arqueolóxico Provincial de Ourense inaugurou en setembro de 2014, dentro das actividades que desenvolve a entidade.

Recentemente foi localizado nos fondos do Arquivo Provincial de San Francisco de Santiago (APFS) un caderno manuscrito titulado "Algunos cortes de arquitectura", redactado por Francisco Antonio Fernández Sarela, arquitecto compostelán do século XVIII e pai dunha gran saga de artistas, á cabeza dos que se atopa Clemente Fernández Sarela. Esta obra recolle o estudo de Miriam Elena Cortés López verbo deste texto, a súa transcrición e mais a reprodución do orixinal a través de fotografías a toda cor.

No ano 1914 o padre Atanasio López publicaba o traballo máis completo sobre a vinda de san Francisco de Asís a España na revista fundada por el mesmo, "Archivo Ibero-Americano" (Revista Franciscana de Estudios Históricos). Preséntase aquí unha transcrición desa publicación e un breve estudo introdutorio sobre a figura do P. Atanasio López escrito polo padre Hipólito Barriguín.

Actas do VIII Congreso de Estudos Xacobeos, celebrado en Santiago de Compostela con motivo do ano xacobeo 2010. O volume continúa a colección científica da Xunta de Galicia, interrompida dende o ano 2005.

Este segundo volume contén, ademáis dunha breve introdución, cinco artigos de diversos especialistas que afondan, os uns, sobre a historia da protección do patrimonio cultural en Galicia ata o comezo da actividade da Xunta de Galicia, e os outros, sobre o panorama actual que a xestión deses bens presenta desde o punto de vista da Administración competente na materia.

O primeiro volume recolle as imaxes dos 103 documentos procedentes de diversos artigos seleccionados para a exposición (por motivos de espazo, finalmente só se expoñen 69) e as súas descricións, así como unha introdución e un índice alfabético (onomástico, toponímico e de materias) para a súa recuperación.

Fronda é unha publicación periódica en forma de folla voandeira coa que o Arquivo Histórico Provincial de Ourense (AHPOu) achega a un público amplo o contido dos seus fondos documentais e o contexto histórico no que estos foron producidos. Neste número (42), a partir do Regulamento do Hospital de San Roque de 1851, abórdanse os arquivos hospitalarios como fontes moi valiosas para reconstruír tanto a historia das súas institucións produtoras como a historia das actividades sociosanitarias en xeral.

Fronda é unha publicación periódica en forma voandeira coa que o Arquivo Histórico Provincial de Ourense (AHPOu) achega a un público amplo o contido dos seus fondos documentais e o contexto histórico no que estos foron producidos. Neste número (41), a partir do libro de actas da Xunta Provincial de Beneficencia do ano 1858, faise unha introdución xeral á orixe da idea de beneficencia pública, para a continuación enumerar os fondos de institucións benéficos-asistenciais que se custodian no AHPOu.