Fronda : Voandeira do Arquivo Histórico Provincial de Ourense | Núm. 42: ano 7: setembro-outubro 2012

Fronda é unha publicación periódica en forma de folla voandeira coa que o Arquivo Histórico Provincial de Ourense (AHPOu) achega a un público amplo o contido dos seus fondos documentais e o contexto histórico no que estos foron producidos. Neste número (42), a partir do Regulamento do Hospital de San Roque de 1851, abórdanse os arquivos hospitalarios como fontes moi valiosas para reconstruír tanto a historia das súas institucións produtoras como a historia das actividades sociosanitarias en xeral.