Este informe de avaliación da Lei de inclusión social de Galicia informa sobre as prestacións económicas xestionadas pola Consellería de Política Social e Igualdade, a través da Dirección Xeral de Inclusión Social durante 2025 e relativas á renda de inclusión social de Galicia (Risga) e ás axudas de inclusión social (AIS).
O trastorno obsesivo-compulsivo (TOC) é unha enfermidade neuropsiquiátrica que afecta gravemente a calidade de vida. En casos graves e refractarios a tratamentos farmacolóxicos explóranse opcións como a estimulación cerebral profunda (ECP). A través dunha revisión sistemática, realizada no marco dun proxecto de Living Evidence, identificáronse 12 ensaios clínicos aleatorizados cruzados (112 pacientes), que avaliaron o uso da ECP activa (ON) en comparanza coa ECP simulada (OFF). Os resultados amosaron reducións na gravidade do TOC (medida coa escala E-BOCS) na comparación ON vs OFF. Informouse dun total de 52 eventos adversos graves en 57 pacientes. A evidencia sobre outras variables, como a calidade de vida ou a función cognitiva, foi limitada.
A publicación ten como finalidade estandarizar o acceso das persoas con sospeita dunha enfermidade rara aos estudos xenéticos en todas as áreas do Sergas, establecendo un circuíto común e homoxéneo. Garantirase así o proceso completo de asesoramento xenético recollido na lexislación vixente, que inclúe a consulta pretest, a realización da análise xenética e a consulta postest. Ademais, defínese o circuíto de acceso para os familiares daqueles pacientes nos que se confirme o diagnóstico dunha enfermidade rara.
A presente Guía práctica de lesións por queimadura (Guía práctica nº 5, 2ª edición) intégrase dentro da Colección de guías prácticas de feridas do Servizo Galego de Saúde, de acordo coas estratexias e liñas de acción promovidas a través do programa Úlceras Fóra.
Esta segunda edición confórmase como unha síntese das últimas actualizacións da evidencia científica arredor das mellores intervencións asistenciais e prácticas preventivas na abordaxe das lesións por queimadura.
A Guía está acorde coas estratexias e liñas de acción promovidas pola Dirección Xeral de Asistencia Sanitaria e é coordinada desde o Servizo de Integración Asistencial da Subdirección Xeral de Xestión Asistencial e Innovación.
Informe no que se presenta o estado actual do desenvolvemento da responsabilidade social empresarial (RSE) nas empresas galegas, que permite coñecer a relación entre o compromiso das empresas coa RSE e o desempeño económico que pode derivarse das prácticas responsables ou outros efectos na vida das empresas; e coñecer cal é o estado actual do compromiso das empresas cos Obxectivos de Desenvolvemento Sustentable (ODS).
Cartel coas medidas preventivas que hai que ter en conta ante as picaduras de carrachas.
Cadernos de Fraseoloxía Galega rende homenaxe a fraseóloga cubana María Luisa Ortiz Alvarez no seu número 26 con seis artigos interdisciplinares sobre a fraseodidáctica, a fraseoloxía bíblica, a linguoculturoloxía comparada, as expresións gastronómicas e a fraseotradución asistida por IA xenerativa, en diferentes linguas (portugués, francés, español, italiano...). Na sección “Varia” recóllense dous artigos dedicados á fraseoculturoloxía contrastiva chinesa-francesa e ás expresións figuradas nun contexto hospitalario. No apartado “Recadádivas” preséntase un dicionario galego de linguaxe figurada animal e unha compilación de unidades fraseolóxicas das Cantigas de Santa María. Pechan o número nove apuntas de obras recentes do ámbito fraseolóxgico e unha selección das novidades bibliográficas publicadas en 2024 (Novas).
Boletín divulgativo en formato PDF aloxado na web Xanela aberta https://vida-saudable.sergas.gal/
Neste boletín inclúese información sobre temas de actualidade relacionados coa promoción da saúde, unha receita de tempada e a axenda de actividades realizadas nas áreas sanitarias.
O Observatorio de Prospectiva do Mercado de Traballo analiza neste informe a situación da muller no mercado laboral galego, pola vez que o pon en consonancia co mercado laboral nacional nos aspectos máis relevantes. O propósito é ofrecer un panorama recente da situación e do comportamento das mulleres neste ámbito, centrándonos no ano 2025, a través da súa participación nos principais indicadores de emprego.
O presente documento ten como finalidade definir un modelo organizativo de atención colaborativa en saúde mental no ámbito da Atención Primaria, incorporando de maneira efectiva a psicoloxía clínica no primeiro nivel asistencial. Este modelo oriéntase a mellorar a detección, a abordaxe e o seguimento dos trastornos mentais comúns, reforzando a coordinación entre niveis asistenciais e optimizando o uso dos recursos dispoñibles. Así mesmo, pretende garantir á cidadanía unha atención á saúde mental máis accesible, homoxénea e equitativa en todo o territorio.
O obxectivo principal do Plan galego de reprodución humana asistida é a mellora das prestacións recollidas na carteira de servizos do Servizo Galego de Saúde e, adicionalmente, mellorar as ratios de natalidade en Galicia.
Este plan está dirixido a persoas con capacidade de xestar pero que precisan axuda dada a imposibilidade de conseguilo de forma natural, non seren susceptibles para logralo con tratamentos exclusivamente farmacolóxicos ou tras o fracaso destes, así como aquelas persoas que, contando cun estado de saúde e unha idade bioloxicamente adecuadas para a maternidade (30-35 anos), deciden adiar a súa xestación por motivos persoais.
Boletín divulgativo en formato PDF aloxado na web Xanela aberta https://vida-saudable.sergas.gal/
Neste boletín inclúese información sobre temas de actualidade relacionados coa promoción da saúde, unha receita de tempada e a axenda de actividades realizadas nas áreas sanitarias.
