Recompilación das festividades, refráns, ditos, cantigas, crenzas, prácticas... de cada mes. Inclúense tamén referencias á onomástica, aos calendarios de diferentes épocas, aos costumes aínda vixentes en comarcas de Galicia segundo a época do ano.
Claridad foi un semanario publicado entre 1933 e 1934 en Santiago de Compostela. De ideoloxía republicana e natureza bilingüe, chegou a tirar do prelo vinte e catro números. Laico e autonomista, dirixido á clase obreira, o campesiñado e o estudantado, o seu director foi o escritor e intelectual Luís Manteiga. Esta edición, preparada por Luís Alonso Girgado, Laura Mariño e Laura Piñeiro Pais, incorpora un amplo estudo introdutorio á revista e reproduce facsimilarmente todos os seus números nunha memoria USB con formato tarxeta.
Catálogo da exposición Camiño (A orixe), con textos dos membros do comité asesor, máis 7 textos de estudo sobre temas relacionados co Camiño e 150 imaxes correspondentes ás obras expostas.
Catálogo coa totalidade das imaxes do fondo de negativos realizados por García Garrabella nas súas viaxes pola provincia da Coruña [A Coruña, Oleiros, Santiago de Compostela e Ferrol] e a provincia de Lugo [Lugo, Barreiros, Foz...]
Guía ilustrada da exposición temporal con texto explitativo e fotografías dos fondos museográficos, bibliográficos e documentais expostos.
Os traballos desenvolvidos para o discurso e contido do Museo do Viño de Galicia reúnen a calidade e o interese necesarios para merecer a súa publicación; neste caso trátase de dar a coñecer os traballos relativos a granxas dedicadas á vitivinicultura nos ribeiros do Miño e do Avia.
Boletín científico do Museo de Belas Artes da Coruña. Monográfico dedicado ao Museo 1995-2018.
Libro en edición bilingüe galego-castelán que recolle as actas das tres edicións da Xornada sobre Bibliotecas Especializadas, nas cales se recollen os diferentes relatorios de autoras e autores que participaron. Os relatorios estrutúranse segundo a xornada a que pertencen.
A publicación recolle os instrumentos de descrición existentes sobre a Casa da Veiguiña (Quiroga, Lugo), fondo familiar pertencente á familia Quiroga e depositado no Arquivo Histórico Provincial de Lugo. A descrición, moi completa, está normalizada segundo a norma ISAD (G), e consta dun inventario, unha guía do fondo, o cadro de clasificación deste, un rexistro topográfico das unidades de instalación, un índice de series, un catálogo da parte documental do fondo correspondente á Terra de Quiroga, cos seus índices correspondentes e as árbores xenealóxicas da familia, desde 1491 ata o século XX e, ademais, unha base de datos en Access coa descrición, á cal poden asociar as imaxes dixitalizadas dos documentos.
Catálogo da exposición, con 144 imaxes, que ilustran a presenza dos nenos e as nenas nos documentos custodiados polo AHP Lugo, estruturados en 7 seccións que percorren a multiplicidade de espazos, tempos e actividades en que participan. As sete seccións titúlanse: tempo de saúde, tempo de familia, tempo de aprender, tempo de lecer, tempo de festa, tempo de deporte e tempo de traballo.
Catálogo da exposición que o Museo Arqueolóxico Provincial de Ourense inaugurará en novembro de 2016, dentro das actividades programadas polo Museo para o ano 2016, e que permanece aberta ata febreiro de 2017.
Publicación que recolle a experiencia deselvolvida polo Museo Etnolóxico no proxecto Museo Aberto, destinado a traballar con colectivos.
