Percorrido pola historia da cociña monacal galega, que se abre cun breve texto de presentación de Miguel Vila, para nos introducir a continuación Xavier Castro no mundo da respostaría dos conventos e mosteiros de Galicia. A publicación complétase cunha guía dos principais cenobios do país, así como cunha breve recensión histórica de cada un deles, datos prácticos e as súas principais receitas.
Publicación na que se explica o proxecto de recuperación do queixo de San Simón: como se pasou dunha elaboración manual á aplicación das novas tecnoloxías, como dunha actividade inviable economicamente pasou a ser rendible etc. En definitiva, como se conseguiu que esta ”xoia gastronómica”, que estivo a piques de desaparecer, se recuperase en moi pouco tempo.
Resumo dos resultados dos ensaios para avaliar o rendemento e calidade das variedades de millo forraxeiro máis utilizadas en Galicia, así como outras que poidan resultar de interese.
Guía confeccionada a partir da colección de sementes de tomates tradicionais galegos do banco de xermoplasma do Centro de Investigacións Agrarias de Mabegondo, para a recuperación dos cultivares máis antigos.
Este traballo fai un estudo polo miúdo da composición do solo, a análise e interpretación das mostras recollidas e a súa fertilización.
Estudo e descrición das variedades que posúen mellores características tecnolóxicas e produtivas para plantar nos soutos novos, coa finalidade de mellorar o coñecemento sobre as variedades de maior interese para os diferentes usos.
Manual para a formación de formadores que ofrece ao profesorado e aos alumnos un importante material de traballo na materia de agroecoloxía. A produción ecolóxica é un sector en auxe que representa un serio compromiso de manter o equilibrio ambiental protexendo os aspectos de rendibilidade.
15 fichas para a prevención de riscos laborais en traballos de limpeza e desinfección no sector agroalimentario: definición de produtos, etiquetas, ficha de datos de seguridade, locais de traballo, axentes químicos e biolóxicos, prácticas de traballo seguras, escadas, manipulación manual de cargas, sobreesforzos, equipos de protección individual e lexislación.
Entre os obxectivos do Plan estratéxico de prevención de riscos laborais 2011-2014 está o de analizar os accidentes laborais e e difundir os seus resultados. A modo de fichas coleccionables, edítase esta ferramenta divulgativa na que se seleccionan aqueles accidentes laborais máis representativos no sector agrario. A información sintetízase en catro epígrafes: unha descrición da actividade, o accidente de traballo, as súas causas e as medidas de prevención que se deberon adoptar. O obxectivo é sensibilizar os traballadores e empresarios sobre situacións reais e divulgar as medidas preventivas que evitarían estes accidentes.
Folleto de carácter divulgativo que nos informan sobre o emprego, riscos e medidas preventivas na utilización de instrumentos e medios mecánicos relacionados co sector agroforestal.
Analise dos perigos máis comúns e das normas de seguridade en materia de prevención de riscos laborais relacionadas coa maquinaria agrícola.
Folleto de carácter divulgativo que nos informan sobre o emprego, riscos e medidas preventivas na utilización de instrumentos e medios mecánicos relacionados co sector agroforestal.
