Exposición que mostra unha colección de imaxes recuperadas sobre os cines galegos, algún deles en perigo de desaparecer. O traballo, do fotógrafo Manuel Sendón, é tamén un testemuño da súa liña creativa.
Publicación na que se dá a coñecer unha colección privada inédita de fotografías realizadas entre 1890 e 1950, e que pertenceron a Arthur Ginnings, misioneiro protestante británico, que viviu durante 40 anos na localidade de Ares, tentando difundir na zona a idea evanxélica. Esta colección constitúe un importante arquivo documental para o coñecemento da implantación e posterior evolución das comunidades evanxélicas en Galicia e, asemade, constitúe un referente de interese desde o punto de vista etnográfico, xa que contén interesantes imaxes inéditas de monumentos, espazos naturais e persoas, tanto de Galicia coma de España, tomadas por fotógrafos afeccionados e anónimos.
A orde das primeiras cousas é o catálogo da exposición do mesmo título organizada polo Centro Galego de Arte Contemporánea no inverno de 2015.
Desde os seus inicios, a obra de Carlos León (Ceuta, 1947) evidenciouse coma unha das propostas fundamentais para comprender o proceso de ruptura que, operando desde o corazón mesmo da pintura, derivou as prácticas pictóricas cara a unha creba consciente do réxime de visibilidade e abriunas ao espazo baleiro dunha expresividade que extraviou o suxeito dos seus requirimentos, unha expresividade que traza -no plano desolado en que deveu o cadro- os rastros desa gozosa procura. Ademais dos textos de Fernando Castro Flórez e do propio artista, o catálogo inclúe unha introdución asinada polos comisarios da mostra, Ángel Cerviño e Alberto González-Alegre, e unha entrevista con Carlos León.
Publicación que recompila o traballo realizado polo artista Joan Morey no contexto de Proxecto-Edición. A triloxía de perfomances realizadas no CGAC baixo o título "OBEY, Humillados & Ofendidos" explora temas relacionados coa práctica artística e o papel da persoa creadora, para pescudar verbo das sombras do pesimismo e do tremendo; do que reduce o ser humano á involución de estar sumido nunha impotencia aprendida.Invisibilidade e interrogación combínanse para ofrecer un proxecto fecundo en equívocos, no que aparece un artista máis digresivo ca discursivo, en consonancia coa poética da desolación que caracteriza os seus últimos traballos. A partir de intrincadas estruturas narrativas sobre a degradación, a perda e o baleiro, saltos no tempo e no espazo e reiterada desorde temporal, o que quedará é o núcleo inescrutable que transmite a súa obra: o fracaso.
En "Compostela. Gabriele Basilico" o artista presenta a súa obra "Fuoricentro", coa que nos propón unha mirada alongada do territorio, estruturada en tres eixes, que crean os núcleos urbanos periféricos. A partir do percorrido en coche polas áreas por onde a cidade está a crecer, Basilico retratou os edificios como testemuñas mudas dun xeito de habitar o espazo.
Catálogo da exposición dedicada a Xaquín Lorenzo, realizada nunha colaboración entre o Arquivo do Reino de Galicia e o Museo Etnolóxico de Ribadavia, centros dependentes da Consellería de Cultura, Comunicación Social e Turismo. Baséase principalmente na colección fotográfica do Arquivo, concretamente naquelas pezas nas que se reflicte a paisaxe ou a vida cotiá de Galicia: territorio, hábitats rurais, labores agrícolas e gandeiros, traballos téxtiles, aproveitamento fluvial, vida doméstica, feiras e mercados. En definitiva, aqueles aspectos que deron lugar a unha imaxe idílica de Galicia e centraron os estudos etnográficos de Xaquín Lorenzo.
Catálogo da exposición de idéntico título que recolle contribucións de varios autores sobre a obra de "Compostela" (pseudónimo de F. Vázquez Díaz) e contextualízana no seu ambiente na Compostela de 1935-1936, período en que realizou os debuxos que serven de guía a esta exposición. Como material complementario leva un cartafol adxunto con 26 debuxos do autor.
Preséntase unha colección fotográfica da peregrinación que cristiáns ortodoxos coptos realizaban a Lalibela (Etiopía) e acompáñase de textos sobre esta interesante peregrinación a un enclave incluído pola Unesco na lista de bens patrimonio da humanidade.
Catálogo da exposición do mesmo nome que recolle estudios de especialistas nacionais sobre a obra de Exeria e os panoramas cultural, histórico e político da época tardoantiga no Mediterráneo. Na segunda parte do catálogo recóllense as pezas presentes na exposición.
Catálogo da exposición do mesmo nome que recolle estudios de especialistas nacionais sobre a obra de Exeria e os panoramas cultural, histórico e político da época tardoantiga no Mediterráneo. Na segunda parte do catálogo recóllense as pezas presentes na exposición.
Proxecto para a Biblioteca Ánxel Casal considerando as condicións espaciais do edificio (no seu interior). O escritor Álvaro de la Vega realiza unha serie de obras pensadas para este lugar.
Catálogo da exposición temporal do mesmo título, que pretende cos textos e as imaxes achegar ao público o mundo do deporte e a súa representación fotográfica a través do século XX, no contorno do Ribeiro.
Catálogo de la exposición temporal del mismo título, que pretende con los textos y las imágenes acercar al público el mundo del deporte y su representación fotográfica a través del siglo XX en el entorno de O Ribeiro.
