Imaxes de Galicia: Fotografía etnográfica (Homenaxe a Xaquín Lorenzo): Catálogo da exposición Arquivo do Reino de Galicia/Museo Etnolóxico de Ribadavia maio-outubro 2004

Estudo arquivístico do fondo documental da familia Aperribay Pita da Veiga. Comprende o contexto histórico-social, a forma de entrada no arquivo e o contido da documentación. Complétase co inventario da documentación, que vai acompañado de índices cronolóxicos, alfabéticos e ilustracións.

A publicación recolle os instrumentos de descrición existentes sobre a Casa da Veiguiña (Quiroga, Lugo), fondo familiar pertencente á familia Quiroga e depositado no Arquivo Histórico Provincial de Lugo. A descrición, moi completa, está normalizada segundo a norma ISAD (G), e consta dun inventario, unha guía do fondo, o cadro de clasificación deste, un rexistro topográfico das unidades de instalación, un índice de series, un catálogo da parte documental do fondo correspondente á Terra de Quiroga, cos seus índices correspondentes e as árbores xenealóxicas da familia, desde 1491 ata o século XX e, ademais, unha base de datos en Access coa descrición, á cal poden asociar as imaxes dixitalizadas dos documentos.