Catálogo

Cronología jacobea. Una visión de conjunto de las peregrinaciones compostelanas describe cunha óptica diacrónica o desenvolvemento das peregrinacións xacobeas. Desde a súa primeira lectura encarámonos cunha realidade múltiple, con altos e baixos, cunha articulación complexa que reflicte o vaivén da historia e cunha gran sorpresa final: o incontido renacemento das peregrinacións dos nosos días. Un proceso que vemos desenvolverse a través do gran material recollido e ordenado por datas, coas súas correspondentes referencias bibliográficas esenciais, e introducido en cada século polo comentario claro, esencial e certeiro de Francisco Singul —tamén do propio Manuel F. Rodríguez en varios casos—, e prologado por Paolo Caucci von Saucken.

As actas do XII Congreso internacional de estudos xacobeos son o resultado de darlle continuidade ao longo proceso que o Comité Internacional de Expertos do Camiño de Santiago iniciou no ano 1992, abrindo novas fronteiras á investigación. Nesta ocasión, un grupo de profesionais reuniuse na cidade de Santiago de Compostela, do 22 ao 26 de marzo de 2022, co propósito de analizar a peregrinación xacobea das derradeiras décadas; unhas xornadas divididas en tres epígrafes: o saber da investigación, o andar das redes de itinerarios e hospitais, e o crer da espiritualidade e das devocións do Camiño. O congreso pon de manifesto, unha vez máis, a relevancia dos relatores e a calidade e variedade das intervencións, con recoñecidos investigadores de España, Alemaña, Canadá, Italia, Francia, Polonia, Xapón, Grecia e os Estados Unidos.

Catálogo da exposición Códices. Xoias das catedrais galegas na Idade Media que presenta os principais códices das dioceses galegas, entre eles o Códice Calixtino.

Catálogo da exposición que, sobre o fondo fotográfico de Mary Quintero, se atopa no Arquivo Histórico Provincial de Pontevedra. Amosa a obra da fotógrafa entre os anos 50 e 90, e finaliza cunha mostra do traballo realizado polo arquivo.

Esta publicación é unha guía de consulta eminentemente práctica, útil para aquelas persoas que se queiran introducir no coñecemento dos fungos que medran nos diferentes hábitats presentes na nosa comunidade.

Catálogo da exposición Barreiro. O silencio que chove luz na xanela, comisariada por Pilar Corredoira e Antón Castro, que reflicte o relato pictórico do artista José María Barreiro, fundindo diacronía e sincronía, é dicir, amosa a súa obra a través do tempo, pero tamén rompe esa idea de evolución cronolóxica co obxectivo de exhibir as transformacións nas súas creacións do presente. O catálogo conta con textos dos comisarios e de amigos, como Lugrís, Oroza, Barciela ou Álvaro Cunqueiro e reproduce todas as obras da exposición.

Trátase do catálogo da exposición que perdurará no tempo.

Vigo no tempo é unha celebración do fenómeno urbano en Galicia e a súa contribución á configuración da identidade local e galega, centrada na cidade de Vigo. O enfoque expositivo parte da memoria do visitante para deconstruír o espazo urbano e comprender as claves do seu cambio, relacionando as transformacións da cidade coas lembranzas locais. A mostra entende a cidade como un sistema cultural que constrúe parte da identidade dos seus habitantes e explorará esa rede de símbolos, palabras e relatos compartidos que son tamén herdeiros do tempo.

O libro “Memoria Xacobeo 21-22" recolle os eventos máis destacados da programación deseñada pola Xunta de Galicia para o Ano Santo 2021-2022. A cultura (música, exposicións, audiovisual, concertos etc.), o pensamento, o aspecto social etc., conformaron unha programación especial para un Xacobeo diferente, condicionado pola COVID-19, que obrigou a repensar e reformular esta programación.

Número XIV da revista científica multilingüe Ad Limina, de carácter multidiscipliar e internacional, de investigación sobre o Camiño de Santiago e o fenómeno das peregrinacións. Nesta ocasión trátase dun número monográfico especial dedicado a Cataluña e o Camiño de Santiago.

Catálogo da exposición Luz na terra, que conmemora o centenario da fundación SEG como unha posta en valor dunha obra colectiva que tratou de actuar de acordo coas esixencias dos seu tempo para lograr a modernización da cultura galega e unha proxección exterior desta, conectando ou intercambiando experiencias e publicacións con institucións análogas de España, Portugal, Bretaña, Irlanda, Reino Unido, Alemaña ou diversos países do continente americano.

Amosar o vínculo singular que desenvolveron con Galicia científicos, escritores, artistas plásticos ou cineastas foráneos do último século e medio. Ese é o obxectivo de Detrás do espello, unha mostra que explora a biografía e o traballo dunha serie de autores foráneos que imaxinaron, construíron e proxectaron Galicia na súa obra, xa for a partir de representacións sobre referentes reais ou inventados.