Publicación monográfica sobre o centro de produción de ánforas de época romana localizado en Bueu. Inclúe un anexo sobre o proceso de restauración e reintegración dunha ánfora tipo San Martín de Bueu 1. Trátase dunha publicación ilustrada con fotografías, debuxos e mapas con carácter divulgativo.
O catálogo da mostra Balnearia bibliográfica: un percorrido gráfico e bibliográfico das augas minerais en Galicia amosa unha pequena selección gráfica e bibliográfica deste mundo impreso que acompaña o fenómeno social das nosas augas e dos nosos balnearios case desde o seu nacemento. Este catálogo compleméntase con outros tres capítulos que serven de base narrativa e científica: unha breve historia das augas mineromedicinais en Galicia, un dicionario biobibliográfico dos hidrólogos de Galicia e unha completa bibliografía das augas mineromedicinais e balnearios de Galicia ata a actualidade.
Nesta guía preséntanse todos os establecementos de turismo rural de Galicia con fotografía de cada un deles, os seus datos e mais os servizos que ofrece. Aparecen distribuídos por provincias e, dentro de cada unha, por categorías. Saliéntanse os que teñen o Q de Calidade. Inclúese un mapa cos principais espazos naturais e unha listaxe coas asociacións de turismo rural.
Nesta guía preséntanse todos os establecementos hoteleiros, apartamentos turísticos e albergues turísticos de Galicia cos seus datos e os servizos que ofrecen. Aparecen distribuídos por provincias e dentro de cada unha por categorías. Destácanse os que teñen o Q de Calidade con tres fotografías de cada un.
Nesta guía preséntanse todos os cámpings de Galicia cos seus datos e os servizos que ofrecen. Aparecen distribuídos por provincias e dentro de cada unha por categorías. Destácanse os que teñen o Q de Calidade con tres fotografías de cada un.
Boletín informativo de periodicidade bimestral elaborado pola Sección de Publicacións e Estatísticas da Secretaría Xeral Técnica da Consellería de Política Social. Estrutúrase en varias seccións: Actualidade, Estatísticas, Alertas e Normativa, e ten como principal obxectivo informar verbo das actuacións máis salientables da Consellería no seu ámbito competencial e a información e formación das persoas usuarias.
O Plan de prevención do suicidio en Galicia nace cun dobre obxectivo: reducir a taxa de suicidio e establecer medidas para diminuír o sufrimento das persoas que presentan un intento de suicidio e das súas familias. Este plan establece un compromiso claro do Goberno galego con relación ao problema do suicidio, a prol dunha resposta integral das institucións para a súa prevención. Un aspecto considerado clave é conseguir que a prevención do suicidio sexa una prioridade multisectorial, integrando a todos os axentes implicados nunha mesma estratexia. Con este plan quérese priorizar a prevención do suicidio na axenda da atención á saúde mental e concienciar acerca do suicidio como un problema global.
Guía didáctica dirixida ao público infantil co obxecto de dar a coñecer o significado do compromiso social a través da acción voluntaria
Publicación anual con información estatística sobre menores en situación de desprotección e sobre adopcións. Define as distintas figuras legais que protexen a situación de risco e desamparo: garda, tutela e acollemento, sexa familiar ou residencial. Tamén define e analiza o proceso legal das adopcións, na súa dobre vertente: nacional e internacional. Por último, describe os programas de apoio ás persoas menores e ás súas familias levadas a cabo polos servizos especializados de protección da infancia.
A irrupción na vida cotiá dos contornos 2.0, os servizos de mensaxería instantánea e as redes sociais, proporcionan numerosas vantaxes e comodidades. O seu potencial é indiscutiblemente inmenso, pero tamén o son os riscos para a intimidade e a honra das persoas. A formación nas normas básicas de xestión da identidade dixital de todos os membros da comunidade educativa, en calidade de usuarios da comunidade global da internet, facilitará a creación dun adecuado clima e hábito de uso, e forneceraos de ferramentas axeitadas.
Esta guía fai un repaso, empregando un formato dinámico de preguntas e respostas, tanto en texto como en pílulas de vídeo, por aqueles conceptos, cuestións e inquedanzas que se deben enfrontar como comunidade educativa.
Informe elaborado polas universidades da Coruña, Oviedo e Minho no cal se aborda a análise dos deberes escolares tomando en consideración os tres axentes implicados neste proceso: estudantes, docentes e familias.
O proxecto Nutriage nace co obxectivo de asegurar o envellecemento saudable da poboación a través dunha alimentación baseada na dieta atlántica. Neste manual de identidade corporativa da marca gráfica de Nutriage decríbense algunhas regras para a súa correcta aplicación e colocación, segundo os casos: en convivencia con outras marcas, medios audiovisuais, papelería, publicidade en prensa e outras aplicacións.
