Catálogo

Dípticos con información para a prevención do consumo de tabaco.

A través desta publicación, o Comité Internacional de Expertos do Camiño de Santiago ofrécenos o X Congreso Internacional de Estudios Jacobeos, en que se aborda o padroado xacobeo. Baixo o título de Jacobus patronus e, a través das achegas de recoñecidos investigadores de Cuba, Chile, Estados Unidos, Alemaña, España, Francia, Italia, Polonia e Portugal, o Comité quere afondar na relación do apóstolo Santiago co mundo exterior. O Congreso tivo lugar na cidade de Santiago, entre os días 9 e 11 de novembro de 2017.

Guía ilustrada da exposición temporal "De Punta Balea a Cabo Morás. A caza moderna da balea en Galicia" dedicada á caza da balea. Faise un percorrido pola exposición cun discurso expositivo que se desenvolve con comentarios breves e profusión de imaxes en cor das pezas expostas, con textos introdutorios e ao pé de imaxe.

Material de promoción e información do "Programa galego de detección precoz do cancro de mama. Anticiparse pode salvar vidas".

Tradución das pasaxes referidas a Galicia sobre a evolución dos viñedos, do libro Vignobles et vins du Nord-Ouest de l´Espagne de Alain Huetz de Lemps

Neste monográfico expóñense os estados fenolóxicos do ciclo vexetativo da vide máis sensibles ás enfermidades do mildio, o oídio, a podremia gris e o black rot ou podremia negra, as medidas preventivas e os factores ambientais que inflúen nas condicións de desenvolvemento destes fungos.

Actualización do libro de Benestar animal durante o transporte.

Folleto informativo sobre a Xornada técnica de micoloxía en Galicia.

Resumo gráfico dos efectos do porco celta sobre as árbores do ensaio para medir o dano e avaliar a resistencia destas árbores ao dano.

Recompilación e difusión dos datos estatísticos máis salientables dos sectores agrogandeiro, forestal e alimentario galegos.

Resumo dos resultados dos ensaios para avaliar o rendemento e a calidade das variedades de millo forraxeiro máis utilizadas en Galicia, así como outras que poidan resultar de interese.

Esta nova monografía de datos forestais estatísticos ten unha relevancia equiparable á presentada o ano anterior, pola importancia que leva consigo a continuidade na actualización, ampliación e incorporación de series históricas dos ditos datos.