Información estruturada a través de fichas nas que se nos proporciona un estudo pormenorizado do mercado laboral galego nas 53 comarcas da Comunidade Autónoma de Galicia e nas que se achegan datos de poboación, paro rexitrado e contratación.
Publicación periódica mensual na que se recollen novas sobre as actuacións máis salientables da Xunta de Galicia nos eidos laboral e do benestar. Acompaña á publicación unha recompilación normativa de lexislación relacionada con estes ámbitos de carácter autonómico (DOG e diarios das restantes comunidades autónomas), estatal (BOE) e comunitario (DOUE). Tamén se dá unha relación das publicacións editadas en rede cos seus enlaces para a súa descarga.
O estudo do mercado laboral de Galicia elaborado polo Observatorio das Ocupacións, servizo do Instituto Galego das Cualificacións, pretende servir de instrumento eficaz dirixido ao servizo público de emprego e ás institucións e profesionais que desenvolven as súas actividades no ámbito laboral da orientación e a formación profesional, co fin de que teñan un coñecemento pormenorizado sobre a estrutura do mercado laboral da Comunidade Autónoma, proporcionando para este obxectivo información detallada dos principais variables que determinan e condicionan o funcionamento do mercado galego.
Esta guía facilita información xurídica sobre os procesos de incapacitación xudicial, tutela, fundacións tutelares e ingresos non voluntarios en centros. Vai dirixida a familiares/titores, profesionais de servizos sociais, directores e outros profesionais de centros para persoas con discapacidade de Galicia.
Apróbase a carta de servizos do Sistema para a Autonomía e Atención á Dependencia, primeira carta audita en materia de servizos sociais, que persegue ser un instrumento que contribúa ao impulso da mellora continua de toda a organización e da avaliación permanente dos servizos prestados, co obxectivo de proporcionar uns servizos máis eficaces e eficientes acordes ás expectativas e requirimentos dos cidadáns.
Análise das radiacións ópticas incoherentes: ultravioleta, visible e infravermellas, os seus valores límite de exposición e magnitudes e unidades de radiación óptica artificial.
A avaliación de riscos resultará imprescindible para xestionar o risco de manipulación manual de pacientes. Os seus obxectivos serán por tanto mellorar as condicións de traballo, diminuíndo a carga biomecánica, como a implementar unha mellora da calidade asistencial. A avaliación dos risco requirirá ademais dunha planificación, e constará de varias etapas, entre as que sinalamos a identificación do problema, a estimación e avaliación do nivel de risco e a proposta das medidas preventivas axeitadas aos riscos detectados.
Recompilación normativa en materia de persoas maiores.
Selección das disposicións normativas máis salientables no eido laboral e do benestar elaboradas por esta consellería e publicadas ao longo dun ano no Diario Oficial de Galicia (DOG)
Neste libro danse as claves de por qué a creatividade é tan importante para acadar un emprego e para o desenvolvemento das empresas actuais. Nun mundo tan cambiante como o que nos tocou vivir, a creatividade e a imnovación son elementos imprescindibles para adaptarse ás necesidades laborais e desenvolver unha boa carreira profesional.
Esta é unha publicación seriada na que se recolle información diversa do Instituto Galego das Cualificacións, para a súa divulgación.
Traballo divulgativo que ao longo das súas páxinas nos achega o estudo integral das rías de Ribadeo, Foz, Viveiro, O Barqueiro e Ortigueira realizado polos investigadores Grupo Rías Altas.
