Catálogo

A RSE caracterízase pola súa transversabilidade e ten aplicación en múltiples sectores e áreas de actividade como é o caso do turismo, unha das principais industrias do país. Un magnífico exemplo de turismo sostible e respectuoso co medio é o Camiño de Santiago, que serve de inspiración nesta guía como “camiño á competitividade”. As múltiples rutas a Compostela percorren os aspectos a ter en conta na estratexia de RSE dunha peme e nas relacións co seu contorno.
A través da valorización e difusión turística do Camiño de Santiago, contribúese ao fortalecemento do tecido económico, á creación de emprego e ao estímulo dos factores de competitividade.

Este manual pretende dar resposta á necesidade de ter unha ferramenta escrita que apoie a formación na prevención de danos músculoesqueléticos para as traballadoras do mar.
Está dividido en 9 grandes bloques:
Os dous primeiros explican dunha forma moi breve o que significa a prevención de riscos e como a ciencia da ergonomía pode aplicarse ao traballo diario.
Nos seguintes sete bloques explícanse unha serie de exercicios que se asocian ao grupo muscular que pode estar danado.

Esta guía serve de ferramenta de traballo para que os profesionaos e as familias coñezan os recursos dispoñibles en Galicia en canto o sistema de detección de maltrato, medidas de prevención, axudas ou sistemas de asesoramento e para atender a nenos en situación de especial vulnerabilidade.

Publicación periódica mensual na que se recollen novas sobre as actuacións máis salientables da Xunta de Galicia nos eidos laboral e do benestar. Acompaña á publicación unha recompilación normativa de lexislación relacionada con estes ámbitos de carácter autonómico (DOG e diarios das restantes comunidades autónomas), estatal (BOE) e comunitario (DOUE). Tamén se dá unha relación das publicacións editadas en rede cos seus enlaces para a súa descarga.

Trátase do anuario dos premios Xuventude Crea convocados pola Dirección Xeral de Xuventude e Voluntariado, nas modalidades de Relato breve, poesía, graffiti, música, artes plásticas, banda deseñada, carteis, teatro, videocreación e deseño de xoias.

Este curso, estruturado en cinco módulos, enmárcase dentro dunha política de envellecemento activo que pretende axudar a mellorar a calidade de vida daquelas persoas que se enfrontan á xubilación de forma activa e saudable.
O curso, de carácter eminentemente práctico, abarca aspectos tan diversos como a saúde física e mental, as novas tecnoloxías, o tempo libre e a participación social ou aspectos xurídicos e económicos. Trata, polo tanto, de proporcionar coñecementos e recursos útiles que redundan nunha mellora na calidade de vida e promoven a autonomía dos colectivos aos que vai destinado.

Manual do alumno correspondente a un taller de prevención de danos musculoesqueléticos dirixido a traballadoras do mar. Estrutúrase en 9 bloques de contidos con exercicios.

Operación estatística extraída da información facilitada polos propios interesados sobre outorgamento ou renovación dos títulos de familia numerosa entre o 1 de xaneiro e o 31 de decembro do ano en curso. Informa así mesmo, sobre a normativa aplicable e os requisitos que se deberán cumprir para o recoñecemento da condición de familia numerosa.

Publicación periódica mensual na que se recollen novas sobre as actuacións máis salientables da Xunta de Galicia nos eidos laboral e do benestar. Acompaña á publicación unha recompilación normativa de lexislación relacionada con estes ámbitos de carácter autonómico (DOG e diarios das restantes comunidades autónomas), estatal (BOE) e comunitario (DOUE). Tamén se dá unha relación das publicacións editadas en rede cos seus enlaces para a súa descarga.

O sector pesqueiro continúa sendo un dos primeiros axentes da economía galega. Non obstante, de todas as actividades laborais consideradas de alto risco, o traballo do mar é o que ten un índice de accidentalidade máis alto. Por iso, é importante desenvolver o traballo de maneira eficiente e ao mesmo tempo evitar, na medida do posible, os seus perigos a través das medidas preventivas deste DVD

Traballo de investigación, froito da colaboración entre a Universidade de Santiago de Compostela e a Consellería de Traballo e Benestar, que se converte nun referente para todas aquelas persoas que queiran coñecer a realidade actual do cooperativismo galego e a súa máis recente evolución a partir do Libro branco do cooperativismo en Galicia.

Publicación de periodicidade anual dedicada á estatística descritiva da sinistralidade laboral en Galicia. Elabórase coa información obtida dos partes de accidentes de traballo e enfermidades profesionais notificados á autoridade laboral galega. A explotación estatística realízase clasificando os accidentes segundo o grao da lesión e outras variables como sectores de actividade, natureza da lesión, etc. Tamén se ten en conta os accidentes de traballo con baixa en xornada laboral, indicándose de xeito separado, o número de accidentes in itínere. A información agrúpase en cinco epígrafes: Accidentes de traballo con baixa, Accidentes de traballo mortais, Enfermidades profesionais, Variación interanual dos accidentes con baixa en xornada de traballo nos últimos dez anos, ndices de incidencia