Catálogo

Número 13, 2011 de 'Cadernos de Fraseoloxía Galega'. Contén 13 artigos verbo de diferentes aspectos da fraseoloxía e paremioloxía (en perspectiva taxonómica, cognitiva, histórica, xeográfica, literaria, didáctica ou de uso por idades). Ofrécense unhas 3.000 unidades fraseolóxicas galegas recollidas recentemente na Terra de Bergantiños (Galicia). Faise recensión de dez libros publicados recentemente e que conteñen traballos de 150 especialistas de todo o mundo. Dáse noticia de 6 congresos desenvolvidos no ano 2011, de 133 artigos ou libros de recente aparición e de 23 recensións desta especialidade: entre elas está a referencia detallada da aparición dun dicionario de fraseoloxía castelán-galego en formato electrónico e dunha aplicación paremiolóxica galega para Iphone. A información e a análise que forman este volume de 515 páxinas está elaborada por investigadores de todas as idades e niveis de ensino (incluído o básico) e de diferentes países europeos.

Boletín de periodicidade trimestral que recolle novas e artigos de opinión en materia de responsabilidade social empresarial de Galicia.

Guía electrónica en liña que recolle o conxunto de medidas e prestacións que a Xunta de Galicia lles ofrece ás familias, as prestacións económicas da Seguridade Social, o conxunto de permisos e excedencias, os beneficios fiscais de ámbito autonómico, as medidas e beneficios fiscais de ámbito estatal e os servizos, plans e programas. Todo iso encamiñado a apoiar e favorecer todos os membros da unidade familiar.

Guía electrónica en liña que recolle o conxunto de medidas e prestacións que a Xunta de Galicia lles ofrece ás familias, as prestacións económicas da Seguridade Social, o conxunto de permisos e excedencias, os beneficios fiscais de ámbito autonómico, as medidas e beneficios fiscais de ámbito estatal e os servizos, plans e programas. Todo iso encamiñado a apoiar e favorecer todos os membros da unidade familiar.

Manual de conversa en galego dirixido ás persoas de orixe anglófona ou de fala hispana que visitan Galicia. Para distribuír a través das oficinas de Turismo de Galicia.

Boletín que ofrece artigos científicos recentes, relacionados coa asistencia sanitaria á urxencia e a emerxencia, considerados de referencia para profesionais da sanidade.

Publicación electrónia en liña con contido dirixido ao persoal técnico sanitario e ao persoal das ONG que traballan no campo do VIH-sida. Trata o tema das novas infeccións polo virus da inmunodeficiencia humana, de maneira que se informa sobre o importante cambio que se produce cando este problema sanitario se considera desde a perspectiva da infección e non do dunha enfermidade; así coñecemos as características actuais da epidemia, tanto no que se refire ás persoas afectadas coma ás prácticas de risco e a distribución temporoespacial.

Resumo da actividade global de descrición detallada da actividade realizada polos distintos servizos da Xerencia de Xestión Integrada de Ferrol ao longo do ano 2014, tanto no hospital coma nos centros de saúde.

Documento de actualización sobre coidados paliativos. O enfoque previsto do texto é multidisciplinar; tenta abranguer todas as necesidades que se producen na atención a pacientes que precisan esta atención, na que se inclúen necesidades asistenciais ou a abordaxe psicosocial, emocional ou espiritual. Trátase dun boletín que pretende ofrecer un enfoque práctico, no que se describen as últimas evidencias en coidados paliativos.

Publicación electrónica en liña da instrución que recolle os obxectivos a acadar na campaña 2015, así como os aspectos técnicos relacionados coas vacinas que se van utilizar, e outra información relativa a súa xestión, distribución e rexistro das doses. Vai dirixida a todos os profesionais sanitarios dos puntos de vacinación (públicos e privados) que participan nela.

Díptico divulgativo do novo marco de actuación da Estratexia galega de envellecemento activo desde a innovación 2016-2020 para as persoas maiores.

Documento explicativo dun protocolo orientado ás persoas profesionais da sanidade implicadas na extracción de mostras biolóxicas para a análise de alcol e outras determinacións de drogas, en persoas que, conducidas polos axentes de seguridade, solicitan voluntariamente unha determinación analítica destas substancias. Quedan excluídas, xa que logo, as extraccións con fins asistenciais.
O seu obxectivo é garantir que se cumpran correctamente os requisitos técnicos, organizativos e médico-legais do noso ordenamento xurídico.