Catálogo

DVD explicativo dos riscos e medidas preventivas que hai que ter en conta na actividade do cultivo e recollida do mexillón.

DVD explicativo dos riscos e medidas preventivas que hai que ter en conta na actividade de colleita de recursos específicos en mergullo.

Folleto con 21 carteis que nos recuerdas as boas prácticas en distintos ámbitos do sector da pesca.

Manual do alumno correspondente a un taller de prevención de danos musculoesqueléticos dirixido a traballadoras do mar. Estrutúrase en 9 bloques de contidos con exercicios.

Este manual pretende dar resposta á necesidade de ter unha ferramenta escrita que apoie a formación na prevención de danos músculoesqueléticos para as traballadoras do mar.
Está dividido en 9 grandes bloques:
Os dous primeiros explican dunha forma moi breve o que significa a prevención de riscos e como a ciencia da ergonomía pode aplicarse ao traballo diario.
Nos seguintes sete bloques explícanse unha serie de exercicios que se asocian ao grupo muscular que pode estar danado.

Folleto que acompaña ao xornal de La Voz de Galicia sobre boas prácticas na prevención de riscos laborais na extracción de recursos específicos na pesca.

Traballo divulgativo que ao longo das súas páxinas nos achega o estudo integral das rías de Ribadeo, Foz, Viveiro, O Barqueiro e Ortigueira realizado polos investigadores Grupo Rías Altas.

Descrición da orixe e desenvolvemento dos cultivos multitróficos nos países de tradición pesqueira. Explicación divulgativa dos comentarios dos contidos do programa JACUMAR relativo á acuicultura multitrófica e das experiencias realizadas en Galicia nesa materia. Testemuñas e reflexións.

Esta guía xorde como ferramenta de desenvolvemento da Estratexia Galega de Acuicultura e supón unha aposta da Xunta de Galicia por proxectos de acuicultura viables social e económicamente, ao mesmo tempo que respectuosos co medio e a paisaxe.

Memoria anual de actividades do Centro de Investigacións.

Esta publicación consiste na difusión dos resultados das enquisas feitas a todos os buques que tivesen porto base en Galicia. Diferenciouse entre a frota de baixura, a frota de altura e a frota de gran altura. As necesidade de contar con información suficiente sobre outros sectores produtivos relacionados cos recursos mariños levou a que, adicionalmente se trasladáse a experiencia adquirida aos establecementos que realizasen cultivos mariños nas augas desta comunidade.

Catálogo que conta cunha presentación institucional do director xeral do Patrimonio Cultural e tres artigos en lingua galega -traducidos para o castelán na parte final da obra-, que falan da historia da pesca da balea en Galicia e das fotografías de Félix Lorrio. Nestas amósase o que era o traballo cotián na factoría baleeira dos Massó en Cangas a principios dos oitenta e nas vésperas da moratoria que impediu a súa caza.