Catálogo

Estudo sobre fíos e cores utilizados na elaboración do encaixe, que posibilitará a súa utilización como manual por parte do usuario final. Recóllense ademais vinte e cinco novos motivos, coas súas correspondentes variantes e cor e fichas informativas de cada deseño. Esta publicación servirá de orientación ás entidades e colectivos que elaboren, comercialicen e fagan uso de produtos de encaixe, entre os que se atopan palilleiras, asociacións de palilleiras, deseñadoras, interiorstas e profesionais do deseño en xeral.

Catálogo da exposición do mesmo nome, celebrada na cidade de Lugo entre os meses de setembro e decembro de 2006. Ademais da relación de pezas da exposición, este libro recolle, entre outros, estudos referentes á vida do santo, a evolución do seu culto, a historia das festas de San Froilán etc.

Volume preparado para presentar a totalidade da obra escrita do ensaísta García-Sabell dentro dun mesmo paradigma hermenéutico. Está dividido en dúas partes: a primeira debulla os principios teóricos, mentres que a segunda remata por ser unha aplicación á cultura galega do tempo que lle tocou vivir (segunda parte do século XX). Como pano de fondo que se mantén ao longo de todas as epígrafes esculcados, mantense unha mesma secuencia: unha breve introdución a cada capítulo seguida dun desenvolvemento tripartito.

Revista de carácter científico que recolle artigos dos mellores especialistas do mundo, no que atinxe ao Camiño de Santiago (arte, historia etc.).

Catálogo da exposición dedicada a Xaquín Lorenzo, realizada nunha colaboración entre o Arquivo do Reino de Galicia e o Museo Etnolóxico de Ribadavia, centros dependentes da Consellería de Cultura, Comunicación Social e Turismo. Baséase principalmente na colección fotográfica do Arquivo, concretamente naquelas pezas nas que se reflicte a paisaxe ou a vida cotiá de Galicia: territorio, hábitats rurais, labores agrícolas e gandeiros, traballos téxtiles, aproveitamento fluvial, vida doméstica, feiras e mercados. En definitiva, aqueles aspectos que deron lugar a unha imaxe idílica de Galicia e centraron os estudos etnográficos de Xaquín Lorenzo.

Número especial da revista "Ad Limina", dedicado a aspectos relevantes do franciscanismo vinculado á cultura xacobea, editado no marco da celebración do VIII Centenario da Peregrinación de San Francisco de Asís a Compostela.

No ano 1914 o padre Atanasio López publicaba o traballo máis completo sobre a vinda de san Francisco de Asís a España na revista fundada por el mesmo, "Archivo Ibero-Americano" (Revista Franciscana de Estudios Históricos). Preséntase aquí unha transcrición desa publicación e un breve estudo introdutorio sobre a figura do P. Atanasio López escrito polo padre Hipólito Barriguín.

Percorrido pola historia da cociña monacal galega, que se abre cun breve texto de presentación de Miguel Vila, para nos introducir a continuación Xavier Castro no mundo da respostaría dos conventos e mosteiros de Galicia. A publicación complétase cunha guía dos principais cenobios do país, así como cunha breve recensión histórica de cada un deles, datos prácticos e as súas principais receitas.

Catálogo da exposición do mesmo título. Faise un percorrido polos ritos de paso e polos actos festivos, para facer ver as súas diferenzas e polo tanto o específico da celebración. A tese exposta exemplifícase a través das dúas manifestacións de festa nunha mesma sociedade como é a Festa da Virxe do Portal e a Festa da Historia. Finalmente faise alusión a outras festas do calendario festivo de Ribadavia.

Trátase dun folleto-guía visual con textos e imaxes en cor da exposición temporal do mesmo título e un anexo coa tradución en castelán.

A gaita, presente nos poetas galegos desde hai douscentos anos, non tiña unha antoloxía propiamente dita. Teñen cantando a gaita algún dos poetas máis imprtantes de Galicia: Rosalía de Castro, Curros Enríquez, Ramón Cabanillas, García Lorca e Celso Emilio Ferreiro. Mesmo hai dous poemas excelsos, Escolma de poemas dende 1853 ata 2012.

Trátase dunha guía visual con textos e imaxes en cor da exposición temporal do mesmo título e un anexo coa tradución en castelán.