Catálogo

Cartel coas medidas preventivas que hai que ter en conta ante as picaduras de carrachas.

Cadernos de Fraseoloxía Galega rende homenaxe a fraseóloga cubana María Luisa Ortiz Alvarez no seu número 26 con seis artigos interdisciplinares sobre a fraseodidáctica, a fraseoloxía bíblica, a linguoculturoloxía comparada, as expresións gastronómicas e a fraseotradución asistida por IA xenerativa, en diferentes linguas (portugués, francés, español, italiano...). Na sección “Varia” recóllense dous artigos dedicados á fraseoculturoloxía contrastiva chinesa-francesa e ás expresións figuradas nun contexto hospitalario. No apartado “Recadádivas” preséntase un dicionario galego de linguaxe figurada animal e unha compilación de unidades fraseolóxicas das Cantigas de Santa María. Pechan o número nove apuntas de obras recentes do ámbito fraseolóxgico e unha selección das novidades bibliográficas publicadas en 2024 (Novas).

O solucionario do manual do Curso de introdución á lingua e á cultura galegas está pensado para axudarche no teu proceso de aprendizaxe dun xeito gradual, práctico e conectado coa realidade galega. Cada unidade integra contidos de fonética, de gramática, léxico útil e cultura. Nel atoparás as respostas aos exercicios e actividades propostos no manual para aprender e practicar a lingua dun xeito ameno e activo.

Este curso está dirixido a aquelas persoas que teñan interese pola lingua galega e a súa cultura, tanto se teñen coñecementos previos como se comezan desde cero.

O polígrafo noiés Álvaro de las Casas foi un dos intelectuais galegos máis sobranceiros da primeira metade do século XX. Entre os seus innumerables traballos arredor da nosa cultura, salientan os dedicados á literatura de tradición oral. Neste Caderno Ramón Piñeiro recupérase, en edición facsimilar, un deses valiosos volumes centrados na literatura de transmisión oral: o Cancioneiro popular galego, un texto publicado orixinariamente na diáspora chilena en 1939 e que era ata agora de moi difícil acceso. Como limiar ao facsímile, os profesores José Luis Forneiro e Armando Requeixo dispoñen cadanseu texto introdutorio en que se dá conta da vizosa figura autorial e da peripecia vital de De las Casas.

Este volume reúne, desde unha perspectiva interdisciplinaria, unha selección de traballos vencellados a proxectos predoutorais actualmente en desenvolvemento, ao coidado de novas investigadoras e investigadores. O eixo temático común é o estudo das diversas tipoloxías e modalidades de expresión da relixiosidade na Galicia medieval. A análise inédita de fontes literarias (lírica trobadoresca, literatura científica, Liber Sancti Iacobi), documentais (legados testamentarios) e artísticas (patrimonio monástico, escultura funeraria, arte románica) permite abordar a complexidade das prácticas relixiosas e a súa representación cultural no contexto histórico galego.

O manual do Curso de introdución á lingua e á cultura galegas está pensado para acompañarte no teu proceso de aprendizaxe dun xeito gradual, práctico e conectado coa realidade galega. Cada unidade integra contidos de fonética, gramática, léxico útil e cultura. Ademais, inclúense exercicios e actividades para aprender e practicar a lingua dunha forma amena e activa. Este curso está dirixido a aquelas persoas que teñan interese pola lingua galega e pola súa cultura, tanto se teñen coñecementos previos como se comezan desde cero.

Anuario dos premios do programa Xuventude Crea 2024 que convoca a Dirección Xeral de Xuventude. Consta de notas biográficas das persoas premiadas nas 14 especialidades, así como de fotografías dos/as autores/as e das obras gañadoras.

Incidencia muller pedra, de AveLina Pérez, conforma o número 20 da colección Biblioteca Dramática Galega, que integra as obras gañadoras dos premios Álvaro Cunqueiro para textos teatrais e Manuel María de literatura dramática infantil convocados pola Axencia Galega das Industrias Culturais.

Gañadora do Premio Álvaro Cunqueiro para textos teatrais 2024, Incidencia muller pedra é un canto á liberdade do individuo, unha reflexión sobre o animal que levamos dentro, domesticado pola lei do home (ese home que perverte a natureza das cousas). A través dunha proposta dramatúrxica sinxela, baseada na acción verbal, preséntanos personaxes complexos, cheos de arestas, que convidan á reflexión a través das súas palabras e os seus silencios. Ponse en valor unha voz de muller non normativa, construída sen apelar a lugares comúns, a perspectivas ortodoxas. Mediante unha linguaxe sólida, de enorme riqueza estética, a autora tece unha historia singular e lúcida que foxe do convencional e se nos presenta coma unha construción teatral emocionante, delicada e profundamente intelixente.

Incidencia muller pedra, de AveLina Pérez, conforma ou número 20 dá colección Biblioteca Dramática Galega, que integra as obras gañadoras dous premios Álvaro Cunqueiro para textos teatrais e Manuel María de literatura dramática infantil convocados pola Axencia Galega das Industrias Culturais.

Gañadora do Premio Álvaro Cunqueiro para textos teatrais 2024, Incidencia muller pedra é un canto á liberdade do individuo, unha reflexión sobre ou animal que levamos dentro, domesticado pola lei do home (ese home que perverte a natureza dás cousas). A través dunha proposta dramatúrxica sinxela, baseada na acción verbal, preséntanos personaxes complexos, cheos de arestas, que convidan á reflexión a través dás súas palabras e vos seus silencios. Ponse en valor unha voz de muller non normativa, construída sen apelar a lugares comúns, a perspectivas ortodoxas. Mediante unha linguaxe sólida, de enorme riqueza estética, a autora tece unha historia singular e lúcida que foxe do convencional e preséntallenos coma unha construción teatral emocionante, delicada e profundamente intelixente.

O bailarín e coreógrafo Manuel Cajaraville Pensado (1926-1999) fixo un traballo de recuperación do folclore galego durante a maior parte da súa vida. Unha pequena mostra desa recolleita plasmouna nun libro baixo o título de Debullando folklore, editado na Coruña en 1983. Nesta publicación recolleu parte do seu traballo etnográfico como resultado das súas viaxes polas vilas e aldeas do país e no que se inclúen contos, cancións, bailes, refráns e regueifas. Sendo este ano das nosas letras o dedicado merecidamente ás cantareiras, non se pode deixar de mencionar a estreita relación de Manuel Cajaraville coas pandeireteiras de Mens, froito da cal resultou a recuperación de melodías case esquecidas. Debullando folklore é un libro de difícil busca e non hai mellor momento que neste ano para preparar unha edición facsimilar, acompañado dunhas notas introdutorias e un anexo fotográfico do autor.

Anuario dos premios do programa Xuventude Crea 2022 que convoca a Dirección Xeral de Xuventude. Consta de notas biográficas das persoas premiadas nas 14 especialidades, así como de fotografías dos/as autores/as e das obras gañadoras.

Anuario dos premios do programa Xuventude Crea 2023 que convoca a Dirección Xeral de Xuventude. Consta de notas biográficas das persoas premiadas nas 14 especialidades, así como de fotografías dos/as autores/as e das obras gañadoras.

Este libro presenta a experiencia de creación conxunta entre artesanía e gastronomía, dous ámbitos vinculados a Galicia, á súa identidade e aos seus recursos locais, que se está a impulsar desde a Xunta de Galicia a través da iniciativa Artesanía no Prato. O proxecto nace no ano 2013 co obxectivo de establecer sinerxías entre artesanía, gastronomía e deseño, grazas á colaboración de cociñeiros que comezaron a empregar pezas da marca Artesanía de Galicia nos seus restaurantes. Ao longo destes anos, son moitos xa os profesionais da artesanía que centran unha parte da súa produción na gastronomía, traballando en conxunto con cociñeiros para a elaboración de vaixelas exclusivas e pezas personalizadas.
Neste libro preséntanse propostas fotográficas conxuntas de 15 restaurantes e 33 artesáns especializados en diferentes oficios artesanais, así como tres casos de éxito do traballo entre chefs e artesáns.