Catálogo

Versión ao galego do Tartufo de Moliére, produción do Centro Dramático Galego estreada no Salón Teatro de Santiago de Compostela en setembro de 2016. Abre a colección "O papel do teatro" para lles dar cabida ás obras producidas polo CDG.
Coeditada pola AGADIC e Positivas, este Tartufo reflexiona desde a comedia sobre os perigos da impostura e do artificio poñendo o foco sobre aquelas persoas que posúen a capacidade de detectar as debilidades e vulnerabilidade dos demais, para as empregar no seu beneficio.

Volume no que se recollen diversos traballos lingüísticos, biográficos e bibliográficos que queren honrar a traxectoria vital e académica do profesor Xesús Ferro Ruibal. Estudoso da onomástica galega e fraseólogo internacionalmente recoñecido, Ferro Ruibal é un divulgador incansable da lingua e cultura galegas. O Centro Ramón Piñeiro para a Investigación en Humanidades ten a honra de contar co seu saber e o seu indiscutible compromiso, polo que se lle dedica esta colección de traballos como agradecemento.

Recuperación da lembranza dunha das figuras de maior trascendencia práctica para o desenvolvemento de Galicia. Domingo Fontán, como xeógrafo, levantou o primeiro mapa de Galicia con criterios e técnicas cartográficas modernos; así mesmo, desenvolveu un labor político moi importante, baseado nun profundo coñecemento do país, no século XIX.

Catálogo da exposición organizada en 1990 polo Museo de Belas Artes da Coruña e o Ministerio de Cultura a partir da recuperación da táboa de Rubens, "Dédalo e o Minotauro", roubada na antiga sede do museo en 1985 xunto con outra táboa do mesmo autor, "Psique (La Aurora)". Contén varios artigos sobre o roubo e o proceso de recuperación das dúas obras, así como un completo estudo sobre o proxecto de Rubens para a Torre da Parada, do que ambos os bosquexos formaban parte.

Catálogo da exposición colectiva dos principais artistas plásticos que teñen a cerámica como material básico do seu traballo e da súa expresión artística.

Tectónica es una prospección en el universo creativo y poético de Manuel Vilariño, pero con una perspectiva que nos permite aproximarnos a su obra desde un ángulo o una visión inédita. Se trata, efectivamente, de posibilitar un trabajo de corte tectónico, en un uso metafórico del término; es decir, indagar y evidenciar cuáles son las líneas de sostenimiento que fundamentan su reflexión estética y que explican, a modo de un impulso continuo y de un contrapunto, todas las realizaciones plásticas y poéticas -la propia experiencia vital- de este creador tan singular. Tectónica escruta los lugares donde se acoge el silencio, el asombro original del acto creativo; también el esplendor de las imágenes, allí donde estas fulguran.

Guía ilustrada da exposición temporal A arte de navegar. A colección de Antonio Rama. Faise un percorrido pola exposición seguindo o discurso expositivo con comentarios breves e profusión de imaxes en cor das pezas expostas, con textos introdutorios e textos a pé de imaxe.

Guía ilustrada da exposición temporal A arte de navegar. A colección de Antonio Rama. Faise un percorrido pola exposición seguindo o discurso expositivo con comentarios breves e profusión de imaxes en cor das pezas expostas, con textos introdutorios e textos a pé de imaxe.

A Táboa Input-Output Pesca-Conserva Galegas 2011 é unha ferramenta análitica básica para o coñecemento da estrutura produtiva dos sectores da pesca,industria conserveira, marisqueo e miticultura.
Nela ponse de manifesto o peso relativo das diferentes ramas produtivas, as relacións existentes entre os diferentes sectores, os seus vínculos con outras áreas económicas, a orientación da produción cara a outros sectores, ou cara ao consumo final. Todo isto a través das matrices básicas de calquera táboa inputs-intermedios, matriz de inputs primarios, matriz demanda final e matriz de coeficientes técnicos, aos que lles engade unha matriz de intermediarios e unha composición bruta de capital fixo.

A obra desenvolve o discurso museográfico que se seguiu para a elaboración da exposición Álbums para o reencontro IV. Ribadavia e os ribadavienses, co repertorio completo de todas as fotografías que a integraron.

Guía ilustrada con textos e imaxes en cor sobre a exposición "O calendario agrícola".

Publicación que lle dá soporte bibliográfico baixo o formato de catálogo á exposición 'A pesca fluvial', a través da colección do Museo Etnolóxico. A mostra concíbese coma una aproximación ao universo da pesca de río, a partir das posibilidades comunicativas do fondo moble e documental do centro. Nasas, redes, embarcacións e artes de liña soportan o discurso, apoiado de maneira puntual por fotografías. Téntase achegarlle ao público técnicas e maneiras de proceder e, asemade, establecer un foro de reflexión sobre as mudanzas e afeccións sufridas pola pesca fluvial, con especial énfase no s. XX.