Catálogo

Folleto divulgativo sobre as características e potencialidades do cooperativismo para o emprendemento e a creación de emprego.

Fortunato Cruces Angueira (1870-1961), xornalista, poeta, autor de relatos e incluso dramaturgo foi un dos autores máis prolíficos do Rexusrdimento. A súa obra narrativa, recollida neste volume publicouse en numerosos xornais e revistas da emigración galega en Anxertina. Vanesa Solís Cortizas baixo a dirección de Modesto Hermida García, fai nesta edición un completo estudo bibliográfico do autor e unha análise pormenorizada da súa obra narrativa.

Antoloxía poética de Víctor Campio, dirixida por Xesús Alonso Montero.

A obra é unha análise do proceso de configuración da representación nacionalista do pasado de Irlanda entre o momento do nacemento do nacionalismo moderno irlandés e a consolidación do Estado Libre Irlandés, que consagra dito relato como historia oficial. Fúndase no estudo dos textos fundamentais da historiografía nacionalista , tanto das historias literarias/populares como das académicas, a partir da década final do XIX. Analízase a evolución da representación nacionalista do pasado dun modo comparado atendendo á definición do suxeito nacional, os contidos e a súa estruturación, os aspectos formais e a mensaxe política que trasmiten. Conclúese que o relato canónico final vén ser o resultado do proceso de perfeccionamento dunha interpretación inicial do pasado que permanece inalterable nos seus elementos historiográficos constitutivos, que son adaptados en función da evolución do contexto político e as esixencias da práctica académica do traballo histórico. En consecuencia, o estatuto científico da historia de Irlanda elaborada desde a perspectiva ideolóxica nacionalista resulta certamente precario.

Recompilación de termos e conceptos de uso habitual documentados en repertorios terminolóxicos, lexicográficos e especializados do ámbito dos recursos humanos e das relacións laborais.

A sección do Turreiro consta de máis de douscentos relatos en galego feitos por Avelino Rodríguez Elías e publicados no xornal El Tea e na revista viguesa Vida Gallega.

Atopámonos cun dicionario galego-latino clásico e moderno que achega o galego á lingua latina e a súa cultura. Tamén dá boa conta do estado da nosa lingua mostrando un léxico galego normalizado en todos os eidos. Traballo básico para os latinistas e para todos os estudosos das linguas románicas.

Segunda antoloxía dos capítulos emitidos (07.06.2010-22.04.2011) de Ben falado!, microespazo sobre a lingua galega creado, dirixido e presentado por Xesús Ferro Ruibal e realizado pola produtora Pórtico para a CRTVG por encarga da Secretaría Xeral de Política Lingüística (SXPL). Emitiuse de luns a venres en horario de máxima audiencia, a través de todas as canles da TVG, entre o 21 de xullo de 2008 e o 6 de xullo de 2009. A solvencia dos textos (redactados en moitos casos polos mellores especialistas), a presentación visualmente dinámica e atractiva, a audiencia conseguida na primeira emisión televisiva e a constante baixada de vídeos da páxina da CRTVG suxeriron a edición, por parte da Secretaría Xeral de Política Lingüística, dun estoxo cunha selección de 82 capítulos da primeira etapa.

Guía visual do Museo Massó. Faise un percorrido pola exposición permanente do museo con textos breves e profusión de imaxes das pezas da colección, en cor, con textos ao pé da imaxe.

Extensa e representativa mostras das imaxes inéditas dun dos fotógrafos máis laureados na historia da fotografía en Galicia.

Catálogo da exposición do pintor César Taboada A música de Epicuro, celebrada na Casa da Parra entre o 20 de novembro de 2013 e o 30 de xaneiro de 2014. Cunha evidente carga narrativa, a súa obra ofrece diversas vertentes e lecturas, que se estenden a novos espazos que o autor inventa.

Son moitos os artistas contemporáneos -desde Marcel Duchamp ou Man Ray a Andy Warhol- que se revelan debedores das actitudes iconoclastas dos dandis, en tanto que personaxes incómodos e críticos co establishment da arte do seu tempo. A pegada que o dandismo, nas súas múltiples facetas, deixou na arte contemporánea é obxecto de análise desta publicación, concibida polos membros do equipo de curadores formado por Rocío Gracia Ipiña, Sergio Rubira e Marta de la Torriente, como complemento da mostra colectiva Sur le dandysme aujourd'hui. Máis que un catálogo de exposición, este libro é unha monografía que recolle as contribucións de reputados especialistas do campo da historia da arte, a literatura e os estudos culturais sobre a figura do dandi en ámbitos como a moda, a cultura popular, a música pop ou punk ou as artes visuais.