Catálogo

Comentarios, anotacións e xurisprudencia sobre a Lei 4/2019, do 17 de xullo, de administración dixital de Galicia.

Estudo sobre as políticas rexionais na Galiza en materia de innovación empresarial. Este traballo resultou gañador na XXVI edición do Premio Manuel Colmeiro organizado pola Escola Galega de Administración Pública. (ORDE da Consellería de Facenda e Administración Pública, do 26 de decembro de 2022, pola que se aproban as bases reguladoras e se convoca a XXVI edición do Premio Manuel Colmeiro para traballos de investigación que teñan como obxecto a Administración pública de Galicia).

A Guía legal para autores e artistas de Galicia, do avogado especializado en dereito de autor, Ramón Rey García, é un documento de primeira necesidade para os protagonistas da industria cultural.
Coeditada pola Xunta de Galicia e a Universidade de Santiago de Compostela, esta publicación aborda as principais cuestións xurídicas en materia de propiedade intelectual dos principais eidos artísticos e culturais co ánimo de ofrecer coñecemento xurídico da aplicación da lei de propiedade intelectual no ámbito da industria cultural.
Unha obra concibida dende unha vocación divulgativa que, sen obviar o rigor académico e a laboriosidade que implica o estudo do dereito, emprega unha metodoloxía accesible para o lector non xurista e que se ve apoiada, así mesmo, por achegas de expertos nos distintos campos da propiedade intelectual relacionados coas industrias culturais.
Unha obra concibida dende unha vocación divulgativa que, sen obviar o rigor académico e a laboriosidade que implica o estudo do dereito, emprega unha metodoloxía accesible para o lector non xurista e que se ve apoiada, así mesmo, por achegas de expertos nos distintos campos da propiedade intelectual relacionados coas industrias culturais.

Estudo sobre o réxime de intervención municipal nas verbenas de Galicia. Este traballo resultou premiado na XXI edición do Premio Manuel Colmeiro organizado pola Escola Galega de Administración Pública.

Estudo sobre a Galicia do Antigo Réxime que analiza polo miúdo unha época en que a comunidade galega contaba cun mapa administrativo moi fragmentado e complexo, con sete provincias divididas en incontables xurisdicións, concellos e partidos. Este traballo presenta desde unha óptica multidisciplinar as particularidades máis destacables das vilas de Muros, Noia e Corcubión durante o citado período histórico. O estudo pon de relevo aquelas características comúns a todos estes territorios –emanadas do seu carácter urbano, marítimo-portuario, señorial e galaico- así como as diferencias existentes entre elas, facendo fincapé na pluralidade do fenómeno municipal do noroeste peninsular. Este traballo resultou premiado na XX edición do Premio Manuel Colmeiro organizado pola Escola Galega de Administración Pública.

Obra de consulta para aqueles que queiran coñecer e afondar no tema da ordenación territorial e urbanística do litoral en Galicia, con referencias á recente Lei 2/2016, do 10 de febreiro, do solo de Galicia.

Obra que ten por obxecto destacar as liñas fundamentais dunha institución xurídico-administrativa - tal e como foi cualificada polo TS- cuxa configuración no ordenamento español se esgotase desde distintas normas de diverso rango e carácter. Trátase da conservación do patrimonio urbanístico-arquitectónico ou, dito noutros termos, do patrimonio ordinario das nosas cidades, inxustificadamente abandonado en favor do patrimonio monumental, completamente tratado pola doutrina científica. Un estudo cuxo orixe se remonta á cidade clásica romana e ao máis sabio dos arquitectos antigos, Vitrubio, e os seus principios da boa edificación. A súa nota de influencia e aplicación na conservación das cidades proxéctase no momento actual no dereito urbanístico e no dereito da edificación.

Lei 11/2008, do 3 de decembro, da pesca de Galicia e a súa modificación: lei 6/2009 do 11 de decembro.

Consulta de referencia básica para aqueles que queiran obter un coñecemento imprescindible á hora de entender e profundar no funcionamento interno da economía pública.

Esta publicación recolle parte das resolucións ditadas no ano 2010 pola Axencia de Protección da Legalidade Urbanística (APLU), tanto de expedientes de reposición da legalidade urbanística que se tramitan segundo o establecido na lexislación urbanística (LOUGA) como os que se tramitan na denominada liña de servidumbre de dominio público marítimo terrestre.

Recompilación normativa en materia de persoas maiores.

Publicación que aborda temas de gran relevancia dentro do ámbito xacobeo: o Camiño público e o Camiño como ben de interese cultural, o estudo da regulación que debe aplicárselle, a ordenación urbanística do Camiño de Santiago, a súa protección e promoción, así como o réxime sancionador ante as condutas que se entenden como constitutivas de infracción contra o patrimonio.