Publicación que recolle o resultado do traballo de investigación realizado polos autores sobre a colección numismática que forma parte dos fondos que custodia o Museo das Peregrinacións e de Santiago. O estudo contempla a catalogación minuciosa de cada peza numismática e a súa contextualización histórica e arqueolóxica.
O catálogo da mostra Balnearia bibliográfica: un percorrido gráfico e bibliográfico das augas minerais en Galicia amosa unha pequena selección gráfica e bibliográfica deste mundo impreso que acompaña o fenómeno social das nosas augas e dos nosos balnearios case desde o seu nacemento. Este catálogo compleméntase con outros tres capítulos que serven de base narrativa e científica: unha breve historia das augas mineromedicinais en Galicia, un dicionario biobibliográfico dos hidrólogos de Galicia e unha completa bibliografía das augas mineromedicinais e balnearios de Galicia ata a actualidade.
O catálogo da mostra Balnearia bibliográfica: un percorrido gráfico e bibliográfico das augas minerais en Galicia amosa unha pequena selección gráfica e bibliográfica deste mundo impreso que acompaña o fenómeno social das nosas augas e dos nosos balnearios case desde o seu nacemento. Este catálogo compleméntase con outros tres capítulos que serven de base narrativa e científica: unha breve historia das augas mineromedicinais en Galicia, un dicionario biobibliográfico dos hidrólogos de Galicia e unha completa bibliografía das augas mineromedicinais e balnearios de Galicia ata a actualidade.
Publicación monográfica sobre o centro de produción de ánforas de época romana localizado en Bueu. Inclúe un anexo sobre o proceso de restauración e reintegración dunha ánfora tipo San Martín de Bueu 1. Trátase dunha publicación ilustrada con fotografías, debuxos e mapas con carácter divulgativo.
Esta publicación, titulada "Paseantes, viaxeiros e paisaxes", recolle os traballos de especialistas que participaron nas xornadas e no seminario do mesmo nome celebradas no CGAC no marco dunha nova liña de traballo e debate sobre as estéticas da paisaxe contemporánea. Nesta publicación, cóntase coa colaboración extraordinaria do artista británico Richard Long, referencia internacional da arte conceptual e a land-art.
Publicación das actas do simposio Repensando Galiza: as Irmandades da Fala (1916-1931), celebrado o pasado ano 2016 en Santiago de Compostela, co gallo do centenario das Irmandades da Fala, movemento cívico que supuxo un punto de inflexión na historia de Galicia e no desenvolvemento da súa afirmación como suxeito colectivo.
Trátase do catálogo da exposición que se desenvolveu no edificio da Biblioteca e Arquivo de Galicia desde o 20 de decembro de 2016 ata o 20 de marzo de 2017. Complementan o catálogo das 120 pezas que figuraron na exposición dez artigos de profesionais de diferentes ámbitos que achegan a súa visión da paisaxe.
Catálogo da exposición do mesmo título organizada polo CGAC.Canda os ensaios da comisaria, Alicia Murría, e do director do CGAC, Santiago Olmo, este volume reúne unha serie de achegas textuais realizadas entre os anos oitenta e o 2016; nelas están condensados os temas fundamentais que atravesan a obra desta autora.
Catálogo da exposición do mesmo título organizada polo CGAC.Canda os ensaios da comisaria, Alicia Murría, e o director do CGAC, Santiago Olmo, este volume reúne unha serie de achegas textuais realizadas entre os anos oitenta e o 2016; nelas están condensados os temas fundamentais que atravesan a obra desta autora.
Primeira dunha serie de tres publicacións que recollen o contido dos debates sobre a crítica de arte en España. Estas xornadas de debate tiveron lugar no Centro Galego de Arte Contemporánea entre os meses de marzo e maio de 2017, e están encadradas no marco máis amplo do proxecto titulado [Ex]posicións críticas. Discursos críticos na arte española, 1975-1995, comisionado por Mariano Navarro e Armando Montesinos.
Catálogo da exposición do mesmo título, desenvolve o discurso desta e inclúe as pezas da exposición e doutras que axudan a contextualizarla.
Obra coeditada pola AGADIC e Dos Acordes, dentro da colección Ars Gallaeciae Musicae, serie Agra Vella.
Aínda que recoñecido maioritariamente polas súas 'Seis baladas galegas', para voz e piano, Juan Montes Capón abordou case todas as posibilidades de repertorio, dende relixioso a bailables, pezas para banda, orfeón, sinfónicas... a maior parte del xa publicado. Porén resulta completamente descoñecido na súa faceta de autor para piano, obra recuperada por Joám Trillo e Carlos Villanueva e xa publicada como 'Obras para piano (I). Juan Montes Capón'. Este segundo volume completa a obra pianística ata agora recuperada; inclúe a música para piano a catro e seis mans, composta, maioritariamente, por bailables (mazurcas, valses, polcas, habaneras, etc.) pensados para a súa interpretación no Círculo de Bellas Artes de Lugo, onde traballaba como pianista, e no mosteiro das Clarisas de Monforte, onde profesaba a súa sobriña.
