Os máis vendidos

Trátase dun traballo de investigación sobre os peregrinos e viaxeiros de fala inglesa que se achegaron a Santiago de Compostela. Neste primeiro volume o abano cronolóxico abrangue desde 1808 ata 1900. Este libro ofrece unha análise das vivencias destes peregrinos e viaxeiros a través dos seus diarios, cartas e relatos. O autor ofrece unha reconstrución dos seus itinerarios, explora as súas motivacións e descobre como percibiron a cidade e os seus habitantes. Isto vainos permitir coñecer a evolución da urbe do Apóstolo nos seus aspectos arquitectónicos, urbanísticos, ambientais, sociais, culturais e económicos.

Plano do espazo natural, descrición das rutas existentes no parque natural e código das boas prácticas.

Esta publicación é unha guía de consulta eminentemente práctica, útil para aquelas persoas que se queiran introducir no coñecemento dos fungos que medran nos diferentes hábitats presentes na nosa comunidade.

Guía coa que a Fundación Galicia Europa presenta de maneira breve e precisa as distintas fontes de financiamento comunitario dispoñibles, salientando os aspectos clave na preparación e o desenvolvemento de proxectos europeos.

Neste folleto recóllense aqueles fitos ou monumentos máis salientables dos Camiños de Santiago do norte de España. Trátase dun proxecto xurdido da colaboración de sete das comunidades que integran o Consello Xacobeo. No caso de Galicia aparece un total de dez puntos de especial significado no ámbito xacobeo, pertencentes aos Camiños Francés, Primitivo e do Norte. Son espazos de gran valor artístico e histórico, vinculados de xeito moi estreito á peregrinación a Compostela.

O deseño para a innovación ocupa un lugar destacado na estratexia actual de crecemento, mercado interior, industria, emprendemento e pemes da Comisión Europea. Co obxectivo de mellorar o coñecemento e a comprensión do deseño polas empresas como factor estratéxico relevante, esta primeira publicación, O deseño como motor. Casos de éxito quere poñer en valor a relación dos deseñadores coas empresas como elemento de competitividade.

Anuario dos premios do certame de creadores novos Xuventude Crea 2018 que convoca a Dirección Xeral de Xuventude, Participación e Voluntariado. Consta de notas biográficas das persoas premiadas nas doce especialidades, así como de fotografías das obras gañadoras e dos seus autores.

Este folleto fai un percorrido polos lugares relacionados co tema xacobeo da cidade de Compostela e mais da súa contorna: desde as antigas portas da cidade, pasando por Casas Reais, A Quintana ou As Praterías, ata a catedral, as rúas da zona monumental etc. Así mesmo, recolle outros lugares de vital importancia relacionados co Camiño pero que están afastados da cidade: o monte Pedroso, o Pico Sacro, Iria Flavia e Padrón. Inclúe, ademais, un plano e un mapa que reflicten os devanditos lugares.

Textos e adaptacións radiofónicas das obras finalistas do XI Premio Diario Cultural de Teatro Radiofónico de 2017.
Trátase dun certame xa consolidado no que cada ano aparecen novos nomes que achegan calidade e frescura a esta forma dramática, canalizada unicamente co soporte da voz e do son.

A mobilidade xuvenil enténdese como a adquisición de novas capacidades adquiridas, tanto a través da formación académica como das prácticas profesionais e do acceso a procesos de educación non formal . Esta publicación recolle a participación da mocidade galega nestes programas de fomento da mobilidade xuvenil: Erasmus+, Campos de Traballo e Galeuropa.