Obra referida á historia das mulleres en Galicia en dúas etapas históricas, a prehistoria e a historia antiga, segundo o seguinte plan de obra, 1. Prehistoria, a arqueoloxía das mulleres, as "deusas Madre" e o matriarcado, 2. Historia antiga, as fontes e o territorio, economía, matrimonio e familia. O estatuto das mulleres, a fortuna do matriarcado.
As fotografías de "Miradoiro Galicia", de Vari Caramés, propóñense como etapas sucesivas dun enriquecedor percorrido, dunha viaxe estética ao corazón de Galicia que se reflice en retratos, paisaxes, escenas da vida cotiá, etc.
Catálogo da exposición de Jorge Peteiro realizada na Casa da Parra no ano 2000.
Esta publicación da Axencia Galega da Calidade Alimentaria (Agacal), en colaboración co Grupo de Enxeñería de Organización da Universidade de Vigo, fai unha recompilación ordenada dos requisitos administrativos, orientada ás adegas (de xeito especial ás pequenas e medianas) pertencentes ás diferentes denominacións de orixe protexidas (DOP) e indicacións xeográficas protexidas (IXP) de Galicia, co propósito de que estas poidan mellorar o seu coñecemento e comprensión destes, e, como consecuencia, o seu cumprimento.
Tradución das pasaxes referidas a Galicia sobre a evolución dos viñedos, do libro Vignobles et vins du Nord-Ouest de l´Espagne de Alain Huetz de Lemps
Obra referida á historia das mulleres en Galicia nunha etapa histórica, a Idade Moderna. Contidos referidos ao marco legal da muller, migración, ocupación, vida familiar, cultura e educación, asi como a evolución das ideas durante esta época histórica.
Trátase dun traballo de investigación sobre os peregrinos e viaxeiros de fala inglesa que se achegaron a Santiago de Compostela. Neste primeiro volume o abano cronolóxico abrangue desde 1808 ata 1900. Este libro ofrece unha análise das vivencias destes peregrinos e viaxeiros a través dos seus diarios, cartas e relatos. O autor ofrece unha reconstrución dos seus itinerarios, explora as súas motivacións e descobre como percibiron a cidade e os seus habitantes. Isto vainos permitir coñecer a evolución da urbe do Apóstolo nos seus aspectos arquitectónicos, urbanísticos, ambientais, sociais, culturais e económicos.
Estudo de como se debe pontenciar o cultivo de cerdeiras mediante a plantación de materiais seleccionados para a obtención de madeira.
Estudo do profesor Henrique Monteagudo dun conxunto de composicións poéticas en galego do século XV, descubertas nas partes posteriores (verso) de diversas escrituras notariais do ano 1434. Trátase de versos escritos ou copiados probablemente por un escribán ou un axudante seu da zona de Ferrol, probablemente nos comezos do segundo terzo do século XV, que reutilizou con este fin as partes non escritas dun caderno de notas ou minutas da escribanía. É poesía galega inédita dunha época ata agora só coñecida polas copias doutras composicións feitas por copistas casteláns (Cancioneiro de Baena), que descoñecián a lingua galega e transcribiron erroneamente moitas palabras.
Este libro da colección Olladas no Pasado, editada polo Centro Ramón Piñeiro para a Investigación en Humanidades, consegue maxistralmente o que se propón: ofrecerlle ao público de hoxe as claves precisas que explican e permiten comprender en toda a súa complexidade tanto a figura, en certo modo inasible, de Johán Vicente Viqueira López (periplo biográfico, formación académica, empresas e anhelos intelectuais, contribucións, textos...) coma o tempo en que viviu.
