O informe describe o Programa galego para a detección da xordeira en período neonatal: obxectivo xeral, obxectivos específicos, poboación obxectivo, proba de cribado, estrutura organizativa e procedementos, así como os resultados no período 2002-2008.
Memoria da actividade desenvolvida por Galaria, Empresa Pública de Servizos Sanitarios durante o ano 2011, que inclúe actividade asistencia, consultoría e protección radiolóxica, produción de radiofármacos, participación en actividades de eficiencia enerxética e xestión do servizo de cita previa telefónica "Saúde en liña", así como datos de recursos humanos, actividade científica, estrutura organizativa e novas tecnoloxías incorporadas á empresa.
O final da vida pon en evidencia que a medicina ten límites e que hai procesos non susceptibles de curación que requiren ser atendidos, procesos aos que a sociedade e o sistemasanitario deben prestar especial atención para ofrecer ás persoas unha asistencia integral centrada en acadar a maior calidade de vida posible. Esta comisión, na súa preocupación consciente polos dilemas éticos que suscitan os coidados nesta etapa, impulsou un proceso de reflexión cuxo resultado é o presente documento e, cuxo obxectivo é servirlles de marco de referencia e orientación aos profesionais sobre os conflictos éticos e contribuir a mellorar o desenvolvemento dos dereitos fundamentais.
A obesidade é unha enfermidade crónica cunha elevada prevalencia no noso medio. A súa orixe é multifactorial e está determinada pola interacción de numerosos factores que actúan a través de mediadores fisiolóxicos de inxestión e gasto de enerxía. O exceso de peso é hoxe o terceiro factor de risco para todas as causas de morte e discapacidade, despois do tabaco e a hipertensión arterial. Constitúe, ademais, un factor de risco para o desenvolvemento doutras enfermidades crónicas, polo que hoxe en día, e dada a súa prevalencia, constitúe un problema de saúde pública de alcance mundial. Con este documento técnico pretendemos sentar as bases e definir as estratexias e liñas de acción que permitan levar a cabo intervencións tendentes a diminuír a prevalencia da obesidade infantil en Galicia.
O prolapso do órganos pélvicos (POP) caracterízase polo descenso do útero, cúpula da vaxina, vexiga ou intestino no interior da vaxina ou incluso máis alo da súa apertura. Esta patoloxía non causa mortalidade pero pode ter un grande impato sobre a calidade de vida. Chega a afectar ata o 50% das mulleres que tiveron partos vaxinais. Podendo ocasionar síntomas no 21 dos casos. O obxectivo deste informe á avaliar a seguridade, eficacia e costos da utilización das mallas trasvaxinais na reparación quirúrxica do POP.
Publicación dirixida a todos os profesionais do ámbito da nefroloxía. Nela descríbese a epedemioloxía da enfermidade renal terminal e os seus tratamentos tanto a diálise como o transplante na Comunidade Autónoma de Galicia. Descríbense os datos correspondentes ao ano 2012 e a evolución dos últimos anos.
Publicación dirixida a todos os profesionais do ámbito da nefroloxía. Nela descríbese a epedemioloxía da enfermidade renal terminal e os seus tratamentos tanto a diálise como o transplante na Comunidade Autónoma de Galicia. Descríbense os datos correspondentes ao ano 2012 e a evolución dos últimos anos.
A Dirección Xeral de Asistencia Sanitaria do Servizo Galego de Saúde, co obxecto de solucionar os problemas de saúde no menos tempo posible e os máis preto posible dos cidadáns, desenvolve o procesos asistencial integrado enfermidade pulmonar obstrutiva crónica (EPOC). A elaboración dos contidos técnicos de este documento levouse a cabo por profesionais do Servizo Galego de Saúde. Este traballo enmárcase no desenvolvemento do Plan de Prioridades Sanitarias.
A enfermidade de inxerto contra hóspede (EICH) é unha complicación frecuente despois do traspalante de médula ósea. Pode presentarse de forma aguda (EICH-a) ou crónica (EICH-c). Arredor do 50% dos doentes co EICH non responden ao tratamento con esteroides e necesitan outra terapia alternativa. A fotoaféresis extracorpórea é un procedemento que implica o filtrado dunha parte do sangue o que é exposta a un fármaco sensible á luz que se traducirá nunha resposta inmune. O obxectivo deste informe é avaliar a efectividade e seguridade da fotoaféresis como tratamento na EICH refractaria a esteroides.
O obxectivo da publicación é avaliar a efectividade da RIO como tratamento adxuvante do actual tratamento estándar do cancro colorrectal, en termos de recurrencia, supervivencia, resultados cosméticos e impacto na calidade de vida. Determinar a seguridade do procedimento en termos de toxicidade aguda e tardía.
A electroporación irreversible (IRE) é unha técnica non térmica de ablación dos texidos que permite a destrución celular por medio dunha serie de pulsos eléctricos cortos e alto voltaxe. A ausencia dun efecto térmico fai que poida ser efectiva a ablación de tumores nas proximidades de vasos sanguíneos principais, estruturas nerviosas e, no caso do fígado, de conductos biliares. O obxectivo deste informe é avaliar a afectividade e seguridade da resección tumoral mediante electroporación irreversible no tratamento do cáncer de páncreas e do cáncer hepático primario e metastásico, en comparación con outras técnicas ablativas e co tratamento estándar.
Guía coa información necesaria sobre que facer en caso de ser vítima ou de coñecer un caso de violencia de xénero así como sobre os recursos e axudas existentes na nosa Comunidade Autónoma. Trátase por tanto dunha ferramenta informativa práctica en relación ás distintas posibilidades que a normativa vixente pon ao teu alcance para poder exercer os teus dereitos, tanto a nivel persoal como cara ao maltratador.
