Ferramenta informativa para mellorar as condicións de traballo en explotacións de gando vacún de xeito que os traballadores desenvolvan as súas tarefas con seguridade e de forma saudable.
Documento informativo que aborda conceptos e figuras de interese no ámbito da coordinación de actividades empresariais en reparación de buques pesqueiros. Tamén analiza os obxectivos e procedementos de coordinación establecidos desde os preliminares das obras ata o seu fin.
Información na que se expoñen de maneira clara e sinxela os principais danos que poden causar os produtos químicos, cun especial fincapé na importancia de identificar correctamente os produtos e as situacións que poden xerar perigo, no papel do traballador na prevención destes riscos e en como actuar ante casos de emerxencia.
Documento sobre a importancia do risco químico nos salóns de peiteado, no que se indican os danos para a saúde (pel, sistema respiratorio etc.), os axentes químicos máis frecuentes, a etiquetaxe dos cosméticos e as medidas preventivas que se deben atender para evitar estes riscos.
Informe editado en formato dixital que ten como obxectivo avaliar a efectividade/eficacia e seguridade da anxioplastia con balón liberador de fármacos en doentes con cardiopatía isquémica debida a estenose coronaria, tanto se é de novo coma se se trata dunha reestenose sucedida sobre un stent previo (metálico ou liberador de fármacos).
A Memoria da Oficina de Coordinación de Transplantes correspondente ao ano 2014 recolle a actividade da propia Oficina e dos hospitais galegos referida á doazón e transplante tanto de órganos coma de tecidos. Tamén se recollen os datos do programa de garantía de calidade na doazón e transplante e detállanse os centros autorizados para a extracción e o implante de órganos e tecidos e os establecementos de tecidos.
En canto á Oficina, descríbense as actividades que desenvolveu, así como os obxectivos para o vindeiro ano.
Libro de preguntas e respostas arredor da doazón e os transplantes para informar a poboación e resolver as dúbidas máis frecuentes que se poden plantexar sobre a doazón de órganos e tecidos. Envíase un exemplar a cada persoa que solicita o carné de doador de órganos e tamén se distribúe nas mesas informativas e nas charlas que se imparten nos institutos aos alumnos de secundaria e ciclos formativos. Edición bilingüe.
O prolapso do órganos pélvicos (POP) caracterízase polo descenso do útero, cúpula da vaxina, vexiga ou intestino no interior da vaxina ou incluso máis alo da súa apertura. Esta patoloxía non causa mortalidade pero pode ter un grande impato sobre a calidade de vida. Chega a afectar ata o 50% das mulleres que tiveron partos vaxinais. Podendo ocasionar síntomas no 21 dos casos. O obxectivo deste informe á avaliar a seguridade, eficacia e costos da utilización das mallas trasvaxinais na reparación quirúrxica do POP.
Publicación dirixida a todos os profesionais do ámbito da nefroloxía. Nela descríbese a epedemioloxía da enfermidade renal terminal e os seus tratamentos tanto a diálise como o transplante na Comunidade Autónoma de Galicia. Descríbense os datos correspondentes ao ano 2012 e a evolución dos últimos anos.
A enfermidade de inxerto contra hóspede (EICH) é unha complicación frecuente despois do traspalante de médula ósea. Pode presentarse de forma aguda (EICH-a) ou crónica (EICH-c). Arredor do 50% dos doentes co EICH non responden ao tratamento con esteroides e necesitan outra terapia alternativa. A fotoaféresis extracorpórea é un procedemento que implica o filtrado dunha parte do sangue o que é exposta a un fármaco sensible á luz que se traducirá nunha resposta inmune. O obxectivo deste informe é avaliar a efectividade e seguridade da fotoaféresis como tratamento na EICH refractaria a esteroides.
O obxectivo da publicación é avaliar a efectividade da RIO como tratamento adxuvante do actual tratamento estándar do cancro colorrectal, en termos de recurrencia, supervivencia, resultados cosméticos e impacto na calidade de vida. Determinar a seguridade do procedimento en termos de toxicidade aguda e tardía.
A electroporación irreversible (IRE) é unha técnica non térmica de ablación dos texidos que permite a destrución celular por medio dunha serie de pulsos eléctricos cortos e alto voltaxe. A ausencia dun efecto térmico fai que poida ser efectiva a ablación de tumores nas proximidades de vasos sanguíneos principais, estruturas nerviosas e, no caso do fígado, de conductos biliares. O obxectivo deste informe é avaliar a afectividade e seguridade da resección tumoral mediante electroporación irreversible no tratamento do cáncer de páncreas e do cáncer hepático primario e metastásico, en comparación con outras técnicas ablativas e co tratamento estándar.
