Este informe de avaliación da Lei de inclusión social de Galicia informa sobre as prestacións económicas xestionadas pola Consellería de Política Social e Igualdade, a través da Dirección Xeral de Inclusión Social durante 2024 e relativas á renda de inclusión social de Galicia (Risga) e ás axudas de inclusión social (AIS).
O Observatorio Galego de Dinamización Demográfica inicia, coa publicación deste primeiro dossier Mobilidade e migracións en Galicia, a colección de monografías temáticas que o Plenario do observatorio tivo a ben aprobar na sesión do 29 de novembro de 2023. Nos anteriores informes deste observatorio sobre a situación demográfica de Galicia, de 2018 e 2023, a análise dos movementos migratorios ocupa un lugar destacado en consonancia, por unha parte, coa nosa propia historia migratoria e, de maneira particular hoxe en día, coa preocupación por afondar no seu significado no contexto dun acusado cambio poboacional e social.
Publicación que inclúe as fotografías de Boris Savelev e texto do comisario Adan Lowe. Ampla retrospectiva do autor Boris Savelev, na que figuran obras de seis décadas da súa traxectoria nas que captura o cotián. Dende fotografías da extinta URSS ata as imaxes da actualidade en Galicia, o seu actual lugar de residencia.
Trátase dun protocolo asistencial consensuado entre diferentes especialidades médicas e cirúrxicas do Sergas para o manexo precoz do paciente con traumatismo grave por tratarse dun evento tempo-dependente que compromete o pronóstico do paciente.
Mediante o Plan de cirurxía menor en atención primaria, preténdese contribuír á innovación e mellora no eido da atención primaria, achegando procedementos cirúrxicos menores á contorna máis próxima dos pacientes, fortalecendo a capacidade resolutiva dos centros de saúde e garantindo unha atención de calidade, segura e centrada nas necesidades da poboación. Este enfoque permitirá reducir tempos de espera, evitar derivacións innecesarias e avanzar cara a un sistema sanitario máis accesible, eficiente e equitativo. Preténdese reforzar a atención á poboación, que, pola súa situación, ten dificultades para desprazarse ao centro de saúde, proporcionando información, educación, coidados de calidade e apoio, ao doente e á súa familia, no seu propio domicilio.
Informe que compila datos estatísticos sociolaborais referidos ao ano 2024 das áreas temáticas: conciliacións individuais e colectivas, eleccións sindicais, folgas e peches patronais, regulación de emprego, apertura de centros de traballo, empresas de traballo temporal, desprazamento transnacional de persoas traballadoras e infraccións e sancións na orde social.
Catálogo da exposición temporal co mesmo título.
O Centro Ramón Piñeiro para a Investigación en Humanidades recupera con este volume un ensaio referencial de Ramón Piñeiro publicado orixinalmente en 1984: Filosofía da saudade, unha obra que agora é reeditada pola profesora Rocío Carolo nunha edición anotada que conta cun longo estudo introdutorio da súa autoría e unha ampla bibliografía final. Filosofía da saudade reúne cinco traballos que o filósofo de Láncara fora dando a coñecer entre as décadas dos cincuenta e os setenta do pasado século: “A filosofía e o home” (1955), “Significado metafísico da saudade” (1951), “Para unha filosofía da saudade” (1953), “Saudade e soidade, dimensión do home” (1975) e “A saudade en Rosalía” (1952).
Catálogo da exposición A Escola de Belas Artes da Coruña e Picasso celebrada no Arquivo do Reino de Galicia no ano 2023, coincidindo co 50 aniversario do pasamento do pintor.
O catálogo, de acordo co percorrido da mostra, divídese en tres epígrafes:
Unha cidade para unha escola (A Coruña, unha cidade en transformación): contextualización da cidade da Coruña na segunda medade do século XIX e principios do XX, e características que propiciaron que se creara nesta cidade a primeira Escola de Belas Artes de Galicia.
Picasso na Escola de Belas Artes da Coruña (A forxa dun xenio): testemuños da actividade académica de Pablo Picasso na escola, así como aqueles aspectos da cidade e as súas xentes que influíron na súa posterior vida artística.
Unha escola para unha cidade (Unha escola integradora): mostra de diversos aspectos da actividade académica da escola e dos alumnos que pasaron polas súas aulas dende os seus inicios ata a década de 1920.
Catálogo da exposición Voar dende Galicia. O desenvolvemento das infraestruturas aeroportuarias en Galicia, celebrada no Arquivo do Reino de Galicia no ano 2022.
O catálogo fai un percorrido polo inicios da aviación en España e en Galicia, e a configuración (proxectos, construción) dos aeroportos e aeródromos galegos. Os documentos usados corresponden na súa maior parte ao fondo documental de Francisco Iglesias Brage, conservado no Arquivo do Reino de Galicia, con algunhas pezas doutros arquivos.
O catálogo divídese en catros grandes epígrafes:
- Os primeiros pasos: nacemento e impulso do transporte aéreo, deseño de aparatos e innovación técnica.
- Os grandes proxectos: centrado nos tres grandes aeroportos. Alvedro (A Coruña), A Lavacolla (Santiago de Compostela) e Peinador (Vigo).
- Pequenos aeródromos: nesta epígrafe recóllense documentos sobre todo do aeródromo de Rozas, en Lugo, o único que segue existindo na actualidade.
- Proxectos inacabados: os casos singulares dos proxectados aeroportos de Ferrol e A Toxa (O Grove).
O bailarín e coreógrafo Manuel Cajaraville Pensado (1926-1999) fixo un traballo de recuperación do folclore galego durante a maior parte da súa vida. Unha pequena mostra desa recolleita plasmouna nun libro baixo o título de Debullando folklore, editado na Coruña en 1983. Nesta publicación recolleu parte do seu traballo etnográfico como resultado das súas viaxes polas vilas e aldeas do país e no que se inclúen contos, cancións, bailes, refráns e regueifas. Sendo este ano das nosas letras o dedicado merecidamente ás cantareiras, non se pode deixar de mencionar a estreita relación de Manuel Cajaraville coas pandeireteiras de Mens, froito da cal resultou a recuperación de melodías case esquecidas. Debullando folklore é un libro de difícil busca e non hai mellor momento que neste ano para preparar unha edición facsimilar, acompañado dunhas notas introdutorias e un anexo fotográfico do autor.
Anuario dos premios do programa Xuventude Crea 2022 que convoca a Dirección Xeral de Xuventude. Consta de notas biográficas das persoas premiadas nas 14 especialidades, así como de fotografías dos/as autores/as e das obras gañadoras.
