Catálogo

Manfred Gnädinger (Radolfzell, 1936-Camariñas, 2002), máis coñecido como Man de Camelle, foi un creador polivalente que desenvolveu o conxunto do seu labor en Camelle (Camariñas), totalmente á marxe do sistema artístico. Ao longo da súa vida dedicouse a integrar obxectos que o mar lle traía no contorno do seu xardín, formando esculturas e conxuntos artísticos en constante evolución que deron forma ao seu museo. O seu legado deixóunolo en forma de proxecto museográfico, seguindo un proxecto totalmente innovador, no que se plasmaban conceptos moi actuais sobre xestión, difusión e divulgación museística. Sistematizouno nun compendio de 606 fotografías, debuxos e escritos denominado "Museum vom Einsiedler Man". Camelle (A Coruña) Spanien, no que se recolle a esencia da súa creación artística entre os anos 1969 e 1978.

O proxecto expositivo "Work (always) in progress" formula un discurso secuencial que permite abordar os principais aspectos do traballo de Pedro Cabrita Reis (1956) a través de series representativas como Compounds, Favorite Places, True Gardens ou Floresta nun arco temporal que percorre tres décadas. A mostra articúlase por medio dunha trintena de obras que ocupan o vestíbulo e as plantas baixa e primeira do CGAC, xunto con intervencións site specific no exterior do edificio. As obras reunidas dan conta da súa extensa produción artística, que evidencia o potencial dialéctico do seu traballo, entre referencias a principios construtivistas e procesuais, cuestións formais minimalistas e o uso prominente do obxecto preexistente.

Que axentes interveñen nunha paisaxe e a transforman? Que é cales son os seus lindes? Na exposición "In Landscape Mode" (En modo paisaxe), Christian Villamide (Lugo, 1966) reflexiona acerca da distancia que as persoas adoitamos tomar fronte ao territorio que habitamos para poñer o foco sobre a forza e a violencia con que sometemos a natureza. Na procura dunha maior sensibilización que permita cambiar a nosa maneira de concibir a natureza e de achegarnos a ela, Villamide lévanos a cavilar sobre a nosa paisaxe e o noso territorio desde a introspección, repensándonos a partir da relación que establecemos coa nosa contorna máis inmediata.

Vestiges d'un ici, vestixios de si é un dispositivo aberto e complexo onde conflúen experiencias. iniciativas, instantes privilexiados, colaboracións e reflexións críticas acerca do acontecido no transcurso da exposición homónima de Loreto Martínez Troncoso (Vigo, 1978) no CGAC.
A través da palabra e a imaxe, propícianse momentos íntimos, instantes poéticos que permiten expresar todo aquilo que non pode ser dito, furgar nos recunchos, nas entrañas, nos vestixios dun aquí...

Novo número dos Cadernos Ramón Piñeiro onde se recollen máis de corenta achegas de diversos autores con motivo do centenario da publicación do primeiro número da revista “Nós”.

O informe "Xestión, reciclaxe, formación e acción cultural na era da dixitalización" é o resultado dunha encarga que a Consellería de Cultura, Educación e Universidade, a través da Secretaría Xeral de Cultura, realiza a un equipo interuniversitario do Sistema Universitario Galego (UDC, USC, UVIGO) para realizar, en primeiro lugar, unha análise das realidades dos sectores cultural e creativo, tomando como referencia os perfís formativos (socioprofesionais e laborais) dos responsables técnicos e dos xestores e dinamizadores da acción pública cultural en Galicia.
Os resultados desta investigación aplicada propoñen liñas de actuación que buscan facilitar a toma de decisións nas administracións públicas para concretar e optimizar as oportunidades formativas, profesionais e laborais reais que achega o sector.
A investigación constata a progresiva incorporación das mulleres ao sector e recoñece este colectivo como experimentado e cada vez máis preparado, e identifica a necesidade de ampliar a formación xurídica e tecnolóxica para incentivar a estabilidade deste tipo de xestores no cadro de persoal das administracións locais.

Memoria da actividade desenvolvida pola Fundación Pública Urxencias Sanitarias de Galicia-061 ao longo do ano 2018. Describe diferentes áreas, entre elas, recursos globais, actividade global, Centro de Formación en Medicina de Urxencias, Emerxencias e Catástrofes de Galicia, Área de Calidade, Gabinete de Comunicación, Servizo de Sistemas e Tecnoloxías da Información e Servizo de Atención ao Usuario.

A presente Guía Práctica de Feridas traumáticas agudas de partes brandas. Guía nº8, intégrase dentro da Colección de Guías Prácticas de Feridas do Servicio Galego de Saúde (Sergas); de acordo coas estratexias e liñas de acción promovidas a través do Programa Úlceras Fóra que coordina a Subdirección Xeral de Ordenación Asistencial e Innovación Organizativa.
Esta guía confórmase como unha síntese das mellores intervencións e prácticas preventivas ou terapéuticas dispoñibles para o coidado das persoas con feridas traumáticas agudas nas partes brandas, segundo a práctica clínica baseada na evidencia científica máis actual.

Catálogo coa totalidade das imaxes do fondo de negativos realizados por García Garrabella nas súas viaxes pola provincia da Coruña [A Coruña, Oleiros, Santiago de Compostela e Ferrol] e a provincia de Lugo [Lugo, Barreiros, Foz...]

Esta publicación dános unhas nocións básicas sobre algunhas das especies de mamíferos comunmente usados na investigación, o seu manexo, comportamento, reprodución, patoloxías, condicións de aloxamento e necesidades alimenticias e ambientais.

Díptico informativo actualizado en 2021 sobre as variedades de millo forraxeiro en Galicia.

Informar a poboación dos resultados do programa de vixilancia sanitaria das zonas de baño de Galicia no ano 2020.