Malia os anos transcorridos desde a emerxencia da música electrónica en Galicia, nunca antes se sistematizara o seu corpus cunha mínima amplitude. “Selectronic.gal” ofrece unha visión global, desde un posicionamento imparcial e desprexuizado, deste tipo de música en Galicia.
Libro catálogo que recolle unha serie de artigos sobre a figura de san Francisco de Asís e a contextualiza. Ten en conta aspectos como a tradición da súa viaxe como peregrino a Compostela, o nacemento da súa orde, a arte do seu tempo, etc. A publicación presenta ademais o catálogo de obra da exposición do mesmo nome, que se inaugurou o 26 de marzo de 2015 en Santiago de Compostela.
Estudo realizado por Belén Castro Fernández sobre o arquitecto Pons-Sorolla que recolle as súas intervencións no Camiño de Santiago: o traslado e nova ordenación de Portomarín, a liberación da muralla romana de Lugo, a musealización das pallozas do Cebreiro ou a restauración medievalizante da catedral de Tui, entre outras moitas.
As fotografías de "Miradoiro Galicia", de Vari Caramés, propóñense como etapas sucesivas dun enriquecedor percorrido, dunha viaxe estética ao corazón de Galicia que se reflice en retratos, paisaxes, escenas da vida cotiá, etc.
Catálogo da exposición “Lume na fonte. Antón Lamazares na Domus Nai", que tivo lugar no Ano Santo 2010 en Santiago de Compostela, na igrexa da Universidade, e que presentaba un diálogo íntimo entre a súa obra daquela máis recente –pezas creadas en Berlín entre 2007 e 2009– e a antiga igrexa da Compañía de Xesús, a súa arquitectura, os seus retablos e a súa rica imaxinería barroca.
Catálogo de arte, no que se amosa a obra do pintor lucense Xoán Guerreiro. No libro reprodúcese unha selección de obras e inclúense un texto crítico, xunto coa biografía e a bibliografía do citado autor.
Catálogo de arte no que se afonda na obra do pintor coruñés Teo Soriano.
Unha selección da obra de Berta Cáccamo, realizada na última década, na que se ofrece a relación entre o debuxo e a pintura; esa relación compróbase.
Número especial da revista "Ad Limina", dedicado a aspectos relevantes do franciscanismo vinculado á cultura xacobea, editado no marco da celebración do VIII Centenario da Peregrinación de San Francisco de Asís a Compostela.
Recentemente foi localizado nos fondos do Arquivo Provincial de San Francisco de Santiago (APFS) un caderno manuscrito titulado "Algunos cortes de arquitectura", redactado por Francisco Antonio Fernández Sarela, arquitecto compostelán do século XVIII e pai dunha gran saga de artistas, á cabeza dos que se atopa Clemente Fernández Sarela. Esta obra recolle o estudo de Miriam Elena Cortés López verbo deste texto, a súa transcrición e mais a reprodución do orixinal a través de fotografías a toda cor.
Percorrido pola historia da cociña monacal galega, que se abre cun breve texto de presentación de Miguel Vila, para nos introducir a continuación Xavier Castro no mundo da respostaría dos conventos e mosteiros de Galicia. A publicación complétase cunha guía dos principais cenobios do país, así como cunha breve recensión histórica de cada un deles, datos prácticos e as súas principais receitas.
Coedición da Xunta de Galicia coa Editorial Alvarellos. Trátase dunha tradución a galego (inédita), desde o italiano medieval, de Darío Xohán Cabana do libro “I Fioretti di san Francesco”, con ilustracións feitas ad hoc por Darío Basso.
