Catálogo

Formato libro en papel e formato electrónico en pdf para poñer na web do Sergas co obxectivo de rexistrar información clínica antecedentes médicos persoais e familiares, antecedentes obstétricos, datos dos controis prenatais do actual embarazo e probas complementarias, atención ao parto e posparto co fin de que a muller posúa un documento con toda a información de interese sobre a súa xestación que lle permita ser atendida en calquera centro ante calquera urxencia pero tamén facilita a comunicación entre os distintos profesionais que atenden á muller durante o embarazo e parto. O documento leva unha segunda parte que contén información sanitaria de interese para a muller tanto sobre o embarazo, parto e puerperio como sobre a crianza, lactación materna e enlaces para ampliar a información e lograr mellorar a saúde perinatal. O nº de partos nos hospitais públicos do Servizo Galego de Saúde no 2011 foi de case 19.000 por iso se pretende realizar unha tirada de 20.000 exemplares por ano.

Esta guía contén consellos para a alimentación das persoas maiores, así como recomendacións para o seu coidador, considerando a alimentación como factor determinante clave no estado nutricional e de saúde neste grupo.

Publicación que recolle a actividade da oficina e dos hospitais galegos referida a doazón e transplante tanto de órganos como de tecidos. Tamén recolle os datos do programa de garantía de calidade na doazón e transplante e detállanse os centros autorizados para extracción e o implante de órganos e tecidos e os establecementos de tecidos. En canto á Oficina descríbense as actividades desenvolvidas pola mesma así como os obxectivos para o vindeiro ano.

Memoria da actividade desenvolvida ao longo do ano 2010 por Galaria, Empresa pública de Servizos Sanitarios, na que se inclúe actividade asistencial, consultoría, radiofísica e protección radiolóxica, así como información sobre estrutura organizativa, recursos humanos, actividade científica, resultados das enquisas de opinión aos pacientes e incorporación de tecnoloxías á empresa.

Publicación en galego para colgar, en formato PDF, na web da Consellería de Sanidade. Vai dirixida a técnicos e ONG que traballan no campo do VIH-sida, sobre as novas infeccións polo virus da inmunodeficiencia humana. De maneira que se informa sobre o importante cambio que se produce cando a problemática considérase desde a perspectiva da infección e non da enfermidade. E así coñecemos as características actuais da epidemia, tanto no que se refire ás persoas afectadas, prácticas de risco e distribución temporoespacial.

Nesta instrucción recóllese a información técnica sobre as vacinas antigripais e antipneumocócia, así como os procedementos relativos á xestión da campaña.

O informe describe o Programa galego para a detección da xordeira en período neonatal, obxectivo xeral, obxectivos específicos, población obxectivo, proba de cribado, estrutura organizativa e procedementos. Así como os resultados do mesmo no período 2002-2010.

O informe describe o Programa galego paraa detección precoz de enfermidades endócrinas e metabólicas en período neonatal, obxectivos, características do programa, estrutura organizativa e sistemas de información e indicadores. Así como os resultados do mesmo período 1995-2010.

O plan de prioridades sanitarias 2011-2014 é un documento estratéxico da Consellería de Sanidade que presenta cales son as accións de mellora sobre cada un dos problemas sanitarios priorizados para o periodo 2011-2014 e a metodoloxía que se utilizou para seleccionalas.

Publicación electrónica que reflicte a actividade desenvolvida así como os recursos dispoñibles no Sistema Público de Saúde de Galicia, ao longo do ano 2009.

O obxectivo desta publicación é avaliar a bioompedandicia vectorial (BIVA) como método de análise da composición corporal e de obtención de datos do estado de hidratación e nutrición do doente con insuficiencia renal crónica.

Manual do paciente anticoagulante, pautas, xeralidades, complicacións, recomendacións, alimentación, procedementos, embarazo, fármacos que interfiren e puntos a destacar en relación coa terapia anticoagulante.