Este número aborda unha temática moi variada, que inclúe aspectos relacionados co sector forestal, cultivos, viticultura e enoloxía..., e conta coa participación de investigadores e investigadoras de diversos centros colaboradores da revista.
Graxa é un conto profundamente introspectivo e poético que explora a relación dunha persoa co seu corpo obeso. A narrativa é densa e rica en detalles, con descricións vívidas e, por veces, incómodas, que capturan a sensación de aprisionamento físico e emocional do protagonista, namentres reflexiona sobre a súa vida, marcada pola vergoña, a auto-aversión e a necesidade de aceptación.
A Sociedade de Cirurxía de Galicia e o Grupo Galego de Coloproctoloxía, conscientes do incremento do cancro de recto na nosa Comunidade e do cambio porcentual progresivo na incidencia desta enfermidade en pacientes mozos, celebraron unha reunión de consenso co fin de mellorar a calidade das prestacións que as unidades de Coloproctoloxía da nosa Comunidade deben achegar aos cidadáns e de elaborar unhas guías con pautas consensuadas sobre o tratamento cirúrxico do cancro de recto que lles sirvan aos cirurxiáns para unha mellor toma de decisións.
As recomendacións plasmadas nesta guía deben ser interpretadas no contexto dun traballo multidisciplinar e representan fundamentalmente a parte cirúrxica.
Este atlas mostra o resultado da análise da información recompilada polos observadores da Unidade Técnica de Pesca de Baixura (UTPB) da Consellería do Mar no período 2000-2018 xunto coa serie histórica da actividade da frota rexistrada nas bases de datos oficiais da administración pesqueira galega.
O atlas componse de dúas seccións; a primeira está dedicada ás vinte modalidades de pesca principais utilizadas pola frota de baixura galega, a segunda sección trata sobre os recursos pesqueiros capturados pola frota nas costas de Galicia.
A Táboa Input-Output Pesca-Conserva Galegas 2019 é unha ferramenta análitica básica para o coñecemento da estrutura produtiva dos sectores da pesca, industria conserveira, marisqueo e miticultura.
Nela ponse de manifesto o peso relativo das diferentes ramas produtivas, as relacións existentes entre os diferentes sectores, os seus vínculos con outras áreas económicas, a orientación da produción cara a outros sectores, ou cara ao consumo final. Todo isto a través das matrices básicas de calquera táboa inputs-intermedios, matriz de inputs primarios, matriz demanda final e matriz de coeficientes técnicos, aos que lles engade unha matriz de intermediarios e unha composición bruta de capital fixo.
A proposta de libro en esta ocasión, seguindo a idea orixinal de tratar por separado cada un dos filos animais presentes en augas de Galicia, está dedicado aos Nemertinos. O libro trata de ofrecer unha ferramenta visual de identificación de estos animais sumamente interesantes, pero que, en xeral, son moi descoñecidos. As especies que o compoñen non presentan un valor comercial, ainda que que si un elevado valor ecolóxico, estando presentes en multitude de hábitats diferentes e moitas veces en grandes cantidades. Mediante fotografías realizadas no seu hábitat natural, as especies coñecidas en Galicia son caracterizadas de maneira detallada, o que permite que o libro poida ser de utilidade para toda persona interesada, tanto profesional como aficionada, desde biólogos, educadores cientificos, mergulladores curiosos, pescadores e ata calquera que da maneira ocasional goste de achegarse a observar as zonas intermareais.
Os platelmintos están considerados por moitos autores como os animais bilaterais máis primitivos coñecidos. As especies aquí descritas, especialmente as pertencentes á orde Polycladida non só completan o coñecemento da fauna de invertebrados de Galicia, senón que tamén da biodiversidade e distribución desta orde na súa totalidade. Moitas das novas citas teñen un carácter fortemente cosmopolita e outras considerábanse endémicas do Mediterráneo ata a data, sen esquecer a contribución ao coñecemento xeral da biodiversidade deste taxón, grazas á descrición de novas especies. Por tanto, a contribución deste libro ao coñecemento dos policládidos, en xeral e, en particular, para os da Península ibérica pódese considerar decisiva.
Folleto no que se recollen as medidas preventivas contra as caídas de altura na instalación e mantemento de paneis solares en cubertas.
Publicación estruturada a través da recompilación de fichas. Preséntase como un recurso de utilidade para o equipo docente encargado de poñer en marcha o Plan Proxecta, que ten como finalidade asesorar e facilitar a aprendizaxe da sexualidade por parte da nosa xuventude. Preténdese que aprendan a se coñecer, a se aceptar e a vivir a súa sexualidade dun xeito positivo e satisfactorio, e contribuír, deste xeito, ao seu pleno desenvolvemento persoal e social.
O presente documento intégrase dentro dunha colección de protocolos que se corresponden coa adaptación ao contexto do Servizo Galego de Saúde das sucesivas guías publicadas no Boletín Oficial del Estado (BOE) para a indicación, uso e autorización de dispensación de medicamentos suxeitos á prescrición médica por parte das/dos enfermeiras/os no ámbito da febre.
Este protocolo está acorde coas estratexias e liñas de acción promovidas pola Dirección Xeral de Asistencia Sanitaria e está coordinado desde o Servizo de Integración Asistencial da Subdirección Xeral de Xestión Asistencial e Innovación.
O boletín ten catro apartados:
1º exponse un caso clínico: home que presenta dependencia ao uso do fentanilo e o seu proceso de
recuperación. Caso notificado ao Centro de Farmacovixilancia de Galicia. Así como, os casos notificados en
FEDRA (Farmacovixilancia Española Datos das Sospeitas das Reaccións Adversas) relacionados co fentanilo e a
dependencia.
2º. Resumo dás sospeitas de notificacións de reaccións adversas en Galicia no ano 2023.
3º. Resumo dás cartas de seguridade enviadas aos sanitarios entre xaneiro e maio do 2024.
4º. Información dás XIII xornadas de farmacovixilancia, Oviedo 2024. Inscripción, temas a tratar con idea de
publicitar dita información e que favorezca a participación dos sanitarios dende Galicia.
Publicación que engloba os datos de 2023 relativos ás operacións estatísticas 3803-01-OE05 cooperativas, 3803-02-OE05 sociedades laborais e 2401-OE05 centros especiais de emprego.
