Catálogo

Documento explicativo dun protocolo orientado ás persoas profesionais da sanidade implicadas na extracción de mostras biolóxicas para a análise de alcol e outras determinacións de drogas, en persoas que, conducidas polos axentes de seguridade, solicitan voluntariamente unha determinación analítica destas substancias. Quedan excluídas, xa que logo, as extraccións con fins asistenciais.
O seu obxectivo é garantir que se cumpran correctamente os requisitos técnicos, organizativos e médico-legais do noso ordenamento xurídico.

Memoria que recolle as accións e indicadores máis destacables da Dirección Xeral de Innovación e Xestión da Saúde Pública para o ano 2014. Recompilouse a información relevante para cada un dos catorce servizos cos que conta esta dirección xeral. Faise amais unha síntese dos sistemas de información xestionados e das publicacións realizadas na web e na intranet.

Actualización do protocolo de cribado da enfermidade de Chagas en mulleres embarazadas destinado a profesionais do Sergas que atenden á muller durante o embarazo e puerperio, así como aos seus fillos e fillas para previr, detectar e tratar precozmente a enfermidade de Chagas

Publicación anual con información estatística sobre os menores en situación de desprotección e sobre adopcións. Define as distintas figuras legais que protexen a situación de risco e desamparo: garda, tutela e acollemento, ben sexa familiar ou residencial. Tamén define e analiza o proceso legal das adopcións, na súa dobre vertente, nacional e internacional. Por último, describe os programas de apoio ás persoas menores e ás súas familias levadas a cabo polos servizos especializados de protección da infancia.

Cartel relativo ao programa CONECTA 72, que pretende mellorar a comunicación entre a enfermería de atención primaria e o paciente tras a alta hospitalaria deste, ao tempo que se procura a integración entre profesionais de enfermería de distintos niveis asistenciais o que permitirá mellorar a continuidade dos coidados.
Coa publicación do póster preténdese dar a coñecer o programa entre profesionais e persoas usuarias.

Publicación dirixida a todos os profesionais do ámbito da nefroloxía. Nela descríbese a epidemioloxía da enfermidade renal terminal e os seus tratamentos tanto a diálise como o transplante na comunidade autónoma de Galicia. Descríbense os datos correspondentes ao ano 2013 e a evolución dos últimos anos.

Boletín que trata de dar a coñecer aqueles artigos científicos recentes relacionados coa asistencia sanitaria á urxencia e a emerxencia considerados de referencia para profesionais sanitarios.

Boletín electrónico en liña que trata de dar a coñecer aqueles artigos científicos recentes relacionados coa asistencia sanitaria á urxencia e a emerxencia considerados de referencia para os profesionais da Sanidade.

Publicación electrónica en liña do informe de seguimento do Plan galego das persoas maiores 2010-2013, Horizonte 2015, que dá conta das actuacións implantadas polo goberno galego en resposta á programación correspondente ao ano 2014. Este plan ten como principal finalidade lograr un meirande recoñecemento social das persoas maiores, a súa protección e a mellora dos seus recursos asistenciais.

Publicación electrónica en liña verbo do Programa galego para a detección precoz de enfermidades endócrinas e metabólicas en período neonatal: obxectivos, características do programa, estrutura organizativa e sistemas de información e indicadores, así como os seus resultados no período 1995-2013.

Publicación que ten como obxectivo servir de instrumento de mellora da comunicación, útil como referencia e recordatorio, cunha utilidade clara para todos os traballadores do Sergas. No manual recóllense pautas e recomendacións sobre como actuar en determinadas situacións que se dan con frecuencia entre profesionais, pacientes e usuarios nos servizos sanitarios, relacionadas coa atención, o trato e a comunicación efectiva, como comunicarse a través de diversas canles, como xestionar situacións difíciles, recomendacións para a atención a diversos colectivos especiais, breves referencias aos dereitos e valores da institución, así como ao confort, a responsabilidade social e a imaxe corporativa

Publicación electrónica en liña que recolle o informe descritivo do Programa galego para a detección da xordeira en período neonatal: obxectivo xeral, obxectivos específicos, poboación obxectivo, proba de cribado, estrutura organizativa e procedementos, así como os seus resultados no período 2013.