Publicación electrónica en liña do informe de seguimento do Plan galego das persoas maiores 2010-2013, Horizonte 2015, que dá conta das actuacións implantadas polo goberno galego en resposta á programación correspondente ao ano 2014. Este plan ten como principal finalidade lograr un meirande recoñecemento social das persoas maiores, a súa protección e a mellora dos seus recursos asistenciais.
Publicación electrónica en liña verbo do Programa galego para a detección precoz de enfermidades endócrinas e metabólicas en período neonatal: obxectivos, características do programa, estrutura organizativa e sistemas de información e indicadores, así como os seus resultados no período 1995-2013.
Publicación que ten como obxectivo servir de instrumento de mellora da comunicación, útil como referencia e recordatorio, cunha utilidade clara para todos os traballadores do Sergas. No manual recóllense pautas e recomendacións sobre como actuar en determinadas situacións que se dan con frecuencia entre profesionais, pacientes e usuarios nos servizos sanitarios, relacionadas coa atención, o trato e a comunicación efectiva, como comunicarse a través de diversas canles, como xestionar situacións difíciles, recomendacións para a atención a diversos colectivos especiais, breves referencias aos dereitos e valores da institución, así como ao confort, a responsabilidade social e a imaxe corporativa
Publicación electrónica en liña que recolle o informe descritivo do Programa galego para a detección da xordeira en período neonatal: obxectivo xeral, obxectivos específicos, poboación obxectivo, proba de cribado, estrutura organizativa e procedementos, así como os seus resultados no período 2013.
Memoria que con carácter anual edita a Consellería de Traballo e Benestar coas actuacións máis salientables da consellería no ano en curso. A publicación estrutúrase en tantos capítulos como ámbitos de actuación abrangue, agás o primeiro capítulo, no que se analizan temas de carácter máis transversal, como estrutura orgánica, competencias, publicacións e estatísticas etc.
Datos estatísticos da execución das medidas impostas polos xulgados de menores, relativos a 2014. A información estrutúrase en 5 bloques: medidas notificadas polos xulgados de menores, das medidas en execución, das medidas pendentes de execución, datos sobre as persoas menores que estiveron executando medidas (idade, procedencia e lugar de residencia) e un anexo.
Actualización do informe anual da tuberculose, editado anualmente polo Programa Galego de Prevención e Control da tuberculose, con datos avaliados para o ano 2013, e evolución do período 1986 ata 2013.
Publicación que presenta a actividade global desenvolvida pola Fundación Pública Urxencias Sanitarias de Galicia-061 no ano 2013, xunto cos datos de actividade das áreas de Xestión Asistencial, Coordinación, Centro de Formación en Medicina de Urxencias, Emerxencias e Catástrofes de Galicia, Gabinete de prensa, Calidade, Servizo de Sistemas e Tecnoloxías da Información e Servizo de Atención ao Usuario.
Esta guía describe o Programa galego de detección precoz do cancro de mama: obxectivo xeral, obxectivos específicos, poboación, proba de cribo, sistema de información, estrutura asistencial, programa de garantía de calidade e os principais resultados e indicadores do período 1992-2012.
A escola considérase unha área estratéxica clave para fomentar e consolidar habilidades en todos os ámbitos do desenvolvemento e do autocoidado da saúde, se se orienta o alumnado cara a acadar hábitos saudables desde etapas precoces da vida. Considerouse necesaria a elaboración desta guía, cuxo obxectivo é contribuír a mellorar a calidade nutricional dos menús escolares ofertados nos centros educativos. Pretende ser un instrumento de apoio para os responsables do menú escolar. Nela menciónanse consellos, suxestións prácticas, ideas e fotografías de pratos, racións e menús completos para dirixir a oferta alimentaria do menú cara a programacións cunha calidade nutricional óptima, de acordo coas recomendacións actuais das sociedades científicas para a alimentación nestas etapas da vida.
Libro sobre preguntas e respostas arredor da doazón e os transplantes para informar a poboación e resolver as dúbidas máis frecuentes que se poden formular sobre a doazón de órganos e tecidos. Envíase un exemplar a cada persoa que solicita o carné de doador de órganos e tamén se distribúe nas mesas informativas e nas charlas que se imparten nos institutos ao alumnado de secundaria e ciclos formativos.
Publicación electrónica en liña que trata verbo da obesidade como enfermidade crónica cunha elevada prevalencia no noso medio. A súa orixe é multifactorial e está determinada pola interacción de numerosos factores que actúan a través de mediadores fisiolóxicos de inxestión e gasto de enerxía. O exceso de peso é hoxe o terceiro factor de risco para todas as causas de morte e discapacidade, despois do tabaco e a hipertensión arterial.
Constitúe ademais un factor de risco para o desenvolvemento doutras enfermidades crónicas, polo que actualmente, e dada a súa prevalencia, constitúe un problema de saúde pública de alcance mundial.
Con este documento técnico preténdese sentar as bases e definir as estratexias e liñas de acción que permitan levar a cabo intervencións tendentes a diminuír a prevalencia da obesidade infantil en Galicia.
