Trátase do catálogo da exposición que se desenvolveu no edificio da Biblioteca e Arquivo de Galicia desde o 20 de decembro de 2016 ata o 20 de marzo de 2017. Complementan o catálogo das 120 pezas que figuraron na exposición dez artigos de profesionais de diferentes ámbitos que achegan a súa visión da paisaxe.
Catálogo da exposición Agion Oros. Peregrinación ao Monte Athos. Fotografías de Fernando Moleres, que recolle imaxes deste fotógrafo sobre o patrimonio monumental e paisaxístico do Monte Athos, principal centro cultural da Igrexa ortodoxa. A exposición estará visitable entre o día 7 de xullo e o 15 de outubro de 2017 na sala de exposicións temporais do Museo das Peregrinacións e de Santiago.
Repertorio, resultado dun proxecto bibliográfico elaborado conxuntamente pola Xunta de Galicia e o Ministerio de Educación e Cultura -o Catálogo colectivo do patrimonio bibliográfico-, que recolle os rexistros bibliográficos dos fondos de distintos centros que abranguen o ámbito da produción impresa en Galicia no século XIX. O catálogo está ordenado alfabeticamente por autor persoal, entidade ou primeira palabra significativa do título ou título uniforme e con diversos apéndices e índices que facilitan a súa consulta.
Boletín científico do Museo de Belas Artes da Coruña. Número monográfico que recolle as conferencias do encontro sobre arte e emocións, celebrado no museo en 2014.
Publicación que lle dá soporte bibliográfico baixo o formato de catálogo á exposición 'A pesca fluvial', a través da colección do Museo Etnolóxico. A mostra concíbese coma una aproximación ao universo da pesca de río, a partir das posibilidades comunicativas do fondo moble e documental do centro. Nasas, redes, embarcacións e artes de liña soportan o discurso, apoiado de maneira puntual por fotografías. Téntase achegarlle ao público técnicas e maneiras de proceder e, asemade, establecer un foro de reflexión sobre as mudanzas e afeccións sufridas pola pesca fluvial, con especial énfase no s. XX.
Estudo arquivístico do fondo documental da familia Aperribay Pita da Veiga. Comprende o contexto histórico-social, a forma de entrada no arquivo e o contido da documentación. Complétase co inventario da documentación, que vai acompañado de índices cronolóxicos, alfabéticos e ilustracións.
Edición actualizada da guía do conxunto patrimonial do Museo e o Castro de Viladonga, elaborada polos servizos técnicos do Museo baixo a dirección do centro, estruturada en catro capítulos que se corresponden coas salas de exposción permanente; feita nos dous idiomas oficiais de Galicia e acompañada dos textos en alemán, francés e inglés. Ademais de destinarse á venda ao público, a publicación servirá para os intercambios bibliográficos que estableceu o Museo con institucións similares, o que supón un notable incremento da súa biblioteca auxiliar especializada.
Obra que resume o proceso de romanización en Bueu e contextualízaa na península do Morrazo e na Galaecia romana. A base para iso son as escavacións realizadas nesa localidade hai uns anos dunha factoría de salgaduras e uns fornos romanos. Os datos extraídos e os materiais arqueolóxicos permiten engarzar cunha parte importante do discurso do Museo Massó cuxa orixe se encontra nunhas fábricas de conservas contemporáneas. Publicación ilustrada con fotografías, debuxos e mapas con carácter divulgativo.
Catálogo en galego da exposición A Coruña. A cidade na arte, que contén dous artigos relacionados cos contidos da exposición, xunto coa relación catalográfica de cerca de 140 obras; engádese ao final a tradución ao castelán.
Actas do Congreso Internacional sobre Musealización de Xacementos Arqueolóxicos nas que se recollen os artigos referentes aos relatorios e comunicacións presentados. Contén tamén un CD no que, mediante un índice, pode accederse aos arquivos en PDF e JPG dos pósteres que estiveron expostos durante as xornadas nas que se desenvolveu, na recepción do Palacio de Congresos e Exposicións de Galicia. Os pósteres recollen diversas experiencias, tanto de España como de Portugal, de xacementos musealizados e preparados para a visita do público. Aínda que a lingua prioritaria é o galego, mantivéronse as orixinais dos artigos (galego, castelán, portugués e inglés), debido á natureza internacional do evento.
Panorámica da traxectoria sociolóxica do libro e a lectura na Galicia do Antigo Réxime (séculos XVI ó XIX).
Libro catálogo que recolle unha serie de artigos sobre a figura de san Francisco de Asís e a contextualiza. Ten en conta aspectos como a tradición da súa viaxe como peregrino a Compostela, o nacemento da súa orde, a arte do seu tempo, etc. A publicación presenta ademais o catálogo de obra da exposición do mesmo nome, que se inaugurou o 26 de marzo de 2015 en Santiago de Compostela.
