O Mundo Antigo no Museo Massó e a Romanización en Bueu

Obra que resume o proceso de romanización en Bueu e contextualízaa na península do Morrazo e na Galaecia romana. A base para iso son as escavacións realizadas nesa localidade hai uns anos dunha factoría de salgaduras e uns fornos romanos. Os datos extraídos e os materiais arqueolóxicos permiten engarzar cunha parte importante do discurso do Museo Massó cuxa orixe se encontra nunhas fábricas de conservas contemporáneas. Publicación ilustrada con fotografías, debuxos e mapas con carácter divulgativo.