Catálogo

Documento relativo ao xeito de avaliar a efectividade e seguridade da LDL aférese no tratamento da xantomatose cerebrotendinosa.

Boletín de actualizaciones bibliográficas en urgencias prehospitalarias nº 6, editado pola Comisión de Investigación da Fundación Pública Urxencias Sanitarias de Galicia-061. Presenta as últimas novidades no campo da urxencia e a emerxencia sanitaria na atención extrahospitalaria.

Boletín de actualizaciones bibliográficas en urgencias prehospitalarias nº 6, editado pola Comisión de Investigación da Fundación Pública Urxencias Sanitarias de Galicia-061. Presenta as últimas novidades no campo da urxencia e a emerxencia sanitaria na atención extrahospitalaria.

Publicación que actualiza o informe "Efectividad y seguridad de la electroporación irreversible en el tratamiento de los cánceres de páncreas e hígado. Revisión sistemática" publicado en 2014, no que se pretendía avaliar a efectividade e seguridade da resección tumoral mediante electroporación irreversible no tratamento do cancro de páncreas e do cancro hepático primario e metastásico, en comparación con outras técnicas ablativas e co tratamento estándar.

Boletín informativo de periodicidade bimestral elaborado pola Sección de Publicacións e Estatísticas da Secretaría Xeral Técnica da Consellería de Política Social. Estrutúrase en varias seccións: Actualidade, Estatísticas, Alertas e Normativa, e ten como principal obxectivo informar sobre as actuacións máis salientables da Consellería no seu ámbito competencial e a información e formación dos seus usuarios.

A norma que regula a responsabilidade penal dos menores (Lei orgánica 5/2000) pon o acento nas funcións rehabilitadoras e reeducadoras máis que nas sancionadoras. Establece un catálogo de medidas de natureza sancionadora-educativa que, baseado no superior interese do menor, persegue a integración e a reinserción social dos/as menores que delinquen. Esta memoria recolle os datos estatísticos de execución relativos ao ano 2015 e preséntase dividida en seis bloques: Medidas notificadas polos xulgados de menores, Medidas en execución, Medidas pendentes de execución, Datos sobre as persoas menores que estiveron executando medidas e Actuacións no ano 2015. Acompaña á publicación un anexo cun resumo do programa de traballo remunerado e formación ocupacional de menores infractores que cumpren unha medida de internamento nun centro.

Protocolo de actuación ente casos de mulleres en situación de violencia de xénero, dirixido a profesionais da sanidade, no que se indica que actuación deberá levarse a cabo segundo o caso de que se trate, a partir dun fluxograma de decisión que aparece na primeira páxina. Consta dun fluxograma de decisión en caso de sospeita de violencia de xénero, definición e tipos de maltrato, pautas de actuación na consulta, como cubrir un parte de lesións, datos de interese e bibliografía.

Memoria da actividade desenvolvida por GALARIA, Empresa Pública de Servizos Sanitarios, ao longo do ano 2015, que inclúe actividade asistencial, consultoría e protección radiolóxica, producción de radiofármacos, xestión do servizo de cita previa telefónica "Saúde en liña", así como datos de estrutura organizativa, recursos humanos, actividade científica e novas tecnoloxías incorporadas á empresa.

Informe que describe o Programa galego para a detección precoz de enfermedades endócrinas e metabólicas en período neonatal: obxectivos, características do programa, estrutura organizativa e sistemas de información e indicadores, así como os resultados do mesmo no período 1995-2015.

Boletín informativo de periodicidade bimestral elaborado pola Sección de Publicacións e Estatísticas da Secretaría Xeral Técnica da Consellería de Política Social. Estrutúrase en varias seccións: Actualidade, Estatísticas, Alertas bibliográficas e Normativa, e ten como principal obxectivo informar sobre as actuacións máis salientables da Consellería no seu ámbito competencial e a información e formación dos seus usuarios.

Publicación electrónica en soporte físico que ten como obxectivo coñecer a efectividade sobre o cancro de pulmón da tomografía computarizada de baixa dose de radiación (TCBD) para reducir a mortaldade por esta patoloxía en pacientes fumadores con historia de máis de 20 paquetes/ano ou exfumadores con menos de 10 anos de abstinencia.

Publicación que ten como obxectivo garantir o correcto cumprimento dos requirimentos técnicos, organizativos e médico-legais establecidos no noso ordenamento xurídico relativos á obtención de probas biolóxicas para a análise da alcolemia ou presenza de drogas no sangue que se levan a cabo nos centros do Servizo Galego de Saúde en colaboración coas forzas de seguridade do Estado.