Catálogo

Boletín co obxectivo de describir os acontecementos adversos notificados en Galicia cos medicamentos preventivos COVID-19 e recalcar a importancia de notificar as sospeitas de reaccións adversas a medicamentos.
Na devandita publicación recóllense os apartados seguintes: introdución. acontecementos adversos que deron orixe a notas informativas, notificacións de acontecementos adversos do ciclo menstrual, notificacións de acontecementos adversos en nenos e embarazo, notificacións de casos mortais, novas reaccións adversas identificadas despois da comercialización, novos medicamentos relacionados coa prevención do COVID-19.

Instrución con información técnica e de loxística para o sistema sanitario sobre a implementación do novo calendario común de vacinación ao longo de toda a vida do Programa Galego de Vacinación, que se porá en marcha o 15 de setembro de 2022 e que incorpora importantes novidades de inmunización para a poboación galega.

Programa do evento de presentación do Plan de Obesidade Zero en Galicia da Dirección Xeral de Saúde Pública, que se celebrará o día 13 de maio de 2022

A avaliación da terapia con ventosas aplicada a patoloxías diferentes das osteomusculares realizouse dentro do Plan para a protección da saúde fronte ás pseudoterapias. A técnica consiste na aplicación de ventosas (copas), sobre a pel en diferentes puntos do corpo que son quentadas previamente para xerar un baleiro ou poden estar conectadas a un dispositivo que xere este baleiro de forma automática. Ten diferentes indicacións, da cales son as condicións non osteomusculares as estudadas neste informe. Os estudos presentan erros, polo cal non se recomenda o uso da terapia con ventosas en ningunha das súas modalidades e en ningunha das indicacións.

O obxectivo desta Guía de práctica clínica é servir como instrumento para mellorar a atención sanitaria das persoas en situación de últimos días e das súas familias, nos distintos ámbitos e centros onde sexan atendidos (atención hospitalaria, atención primaria, atención en domicilio, servizos de urxencias e centros sociosanitarios). Abórdanse as seguintes áreas clínicas: recoñecemento da situación de últimos días, comunicación e información, toma de decisións compartida e desenvolvemento do plan de coidados, hidratación, manexo de síntomas (dor, dispnea, náuseas e vómitos, ansiedade, delirium e estertores) e sedación paliativa. Tamén se inclúe información sobre aspectos ético-legais e un documento de información para familiares e achegados.

Publicación anual con información estatística sobre menores en situación de desprotección e sobre adopcións. Define as distintas figuras legais que protexen en situación de risco e desamparo: garda, tutela e acollemento, sexa familiar ou residencial. Tamén define e analiza o proceso legal das adopcións, na súa dobre vertente: nacional e internacional. Por último, describe os programas de apoio ás persoas menores e ás súas familias levados a cabo polos servizos especializados de protección da infancia.

Operación estatística extraída da información facilitada polas propias persoas interesadas sobre a concesión ou renovación dos títulos de familia numerosa entre o 1 de xaneiro e o 31 de decembro do ano en curso. Informa tamén sobre a normativa aplicable e os requisitos que se deben cumprir para o recoñecemento da condición de familia numerosa.

Operación estatística extraída da información facilitada polas propias persoas interesadas sobre a concesión ou renovación dos títulos de familia numerosa entre o 1 de xaneiro e o 31 de decembro do ano en curso. Informa tamén sobre a normativa aplicable e os requisitos que se deben cumprir para o recoñecemento da condición de familia numerosa.

Guía de consulta para o persoal médico e de enfermaría que desenvolve o seu traballo en centros de coordinación telefónica para a atención ás urxencias e ás emerxencias sanitarias. Está estruturada en 12 capítulos nos que describen os principais protocolos de actuación para a asistencia ás patoloxías máis comúns atendidas no ámbito de urxencias extra hospitalarias.

Informe de avaliación sobre a eficacia e seguridade do tratamento con nutrición enteral domiciliaria mediante suplementos nutricionais orais (SNO) en pacientes oncolóxicos que requiren modificación da dieta ordinaria habitual por mucosite oral (MO). Non se puido incluír ningún estudo debido a que non se localizou ningún ensaio clínico que estude a utilidade dos SNO no manexo de pacientes oncolóxicos que presentan MO. Estes pacientes deberían recibir apoio mediante un correcto asesoramento nutricional dirixido a medidas hixiénicas e dietéticas encamiñadas a facilitar a deglución dos alimentos mentres sexa posible.

Informe de avaliación do tratamento nutricional enteral domiciliario con suplementos nutricionais orais (SNO) en pacientes maiores de 65 anos con fractura de cadeira e desnutrición que no reverte mediante a inxesta única de alimentos comúns. A evidencia localizada foi limitada, atopando que os SNO foron seguros e presentaron un efecto positivo sobre a inxesta enerxética a curto prazo, que non se asociou cunha melloría clínica como a mortalidade e supervivencia, taxa de complicacións ou recuperación das funcións físicas. Tampouco se observou un efecto claro sobre a calidade de vida nin sobre unha redución da estadía hospitalaria. Soamente algúns pacientes comunicaron falta de apetito. A administración dos SNO foi custo-efectiva na mellora do peso corporal, pero sen efecto sobre a calidade de vida e anos vividos.

Informe de avaliación sobre a eficacia e seguridade da nutrición enteral oral domiciliaria con suplementos nutricionais orais (SNO) en pacientes con cancro en tratamento activo e con desnutrición moderada-grave. A limitada evidencia localizada non é concluínte sobre o uso dos SNO na mellora do estado nutricional, a taxa de mortalidade ou supervivencia e a calidade de vida, nin se reduce a estancia hospitalaria. A aceptabilidade dos SNO é dispar e parece estar directamente relacionada co grao de implicación dos profesionales sanitarios.