Triptico anunciando a convocatoria do IX Concurso de Curtametraxes dirixido a rapaces e rapazas do curso escolar 2022/23, que ten como tema a doazón e os transplantes. A finalidade é achegar esta realidade á poboación escolar da nosa comunidade autónoma, de modo que os máis novos sexan capaces de valorar os beneficios que o fomento da doazón ten para a cidadanía.
Cartel que anuncia a convocatoria do VIII concurso universitario de curtametraxes relacionado coa doazón e os transplantes de medula ósea, dirixido ao alumnado matriculado durante a curso 2022/23 nas universidades do Sistema Universitario de Galicia. A finalidade é promover a sensibilización social de maneira responsable sobre a doazón, entendida como acto voluntario e altruista.
Tríptico que anuncia a convocatoria do VIII concurso universitario de curtametraxes relacionado coa doazón e os transplantes de medula ósea, dirixido ao alumnado matriculado durante a curso 2022/23 nas universidades do Sistema Universitario de Galicia. A finalidade é promover a sensibilización social de maneira responsable sobre a doazón, entendida como acto voluntario e altruista.
A termoplastia bronquial (TB) é un procedemento de ablación das vías respiratorias cuxo obxectivo é mellorar o control da asma e a calidade de vida. Está indicado para o tratamento da asma grave que non responde ao tratamento farmacolóxico habitual; realízase en tres sesións e de forma ambulatoria. A evidencia suxire que a TB podería ser moderadamente beneficiosa nalgúns pacientes, pero non está exenta de riscos. Durante as primeiras semanas tras a intervención, o risco de complicacións que necesitan hospitalización ou visitas a urxencias é maior que o tratamento farmacolóxico, pero estas diferenzas desaparecen co tempo.
Selección das disposicións normativas máis salientables no ámbito das políticas sociais elaboradas por esta consellería e publicadas ao longo do ano 2022 no Diario Oficial de Galicia (DOG). Clasificadas en cinco grandes epígrafes, danse os seguintes datos de cada rexistro: título da disposición, número do DOG e data de publicación e acceso á norma en formato PDF e HTML. Así mesmo, no rexistro de cada disposición poden aparecer todas aquelas disposicións relacionadas con ese rexistro: extracto, modificación, corrección de erros ou posibles resolucións (de requirimento, ampliación do prazo, incremento de crédito, adxudicación etc.).
Informe que describe o Programa galego para a detección da xordeira en período neonatal: obxectivo xeral, obxectivos específicos, poboación obxectivo, proba de cribado, estrutura organizativa e procedementos así como os resultados no período 2021.
Resultados do Programa galego de detección precoz do cancro de mama correspondentes ao período 1992-2021.
O número 4 desta colección céntrase na situación que presentan os menores con problemas e o mundo xudicial. Tenta limar as diferenzas que existen entre medidas xudiciais que se poden aplicar a quen comete infraccións e o seu tratamento psicolóxico e médico para que non sexan contraproducente en termos de saúde e de xustiza e buscar un permanente diálogo entre a atención médica e a situación xudicial.
Por outra banda, considéranse os aspectos xudiciais, desde a reforma xuvenil, e explícanse os tipos e problemática do acollemento residencial.
Como afrontar a situación desde o punto de vista dos centros e desde o punto de vista das familias é o obxectivo principal desta guía.
O número 4 desta colección céntrase na situación que presentan os menores con problemas e o mundo xudicial. Tenta limar as diferenzas que existen entre medidas xudiciais que se poden aplicar a quen comete infraccións e o seu tratamento psicolóxico e médico para que non sexan contraproducente en termos de saúde e de xustiza e buscar un permanente diálogo entre a atención médica e a situación xudicial.
Por outra banda, considéranse os aspectos xudiciais, desde a reforma xuvenil, e explícanse os tipos e problemática do acollemento residencial.
Como afrontar a situación desde o punto de vista dos centros e desde o punto de vista das familias é o obxectivo principal desta guía.
Esta guía é unha revisión actualizada dunha iniciativa anterior elaborada por ACOUGO, Asociación Galega de Familias de Acollida e que conta coa colaboración da Dirección Xeral de Familia, Infancia e Dinamización Demográfica da Consellería de Política Social da Xunta de Galicia. Séguese practicamente o mesmo esquema de contidos de 2002, pero actualízanse ata a data de decembro de 2021 e déixase permanentemente aberta a posibilidade de ir engadindo sucesivas cuestións prácticas.
A publicación parte da base de que a lexislación vixente ten como principal obxectivo atender da forma máis segura o interese superior de nenos, nenas e adolescentes. Con este obxectivo edítase esta Guía que serve tamén de apoio para os equipos técnicos que forman parte do sistema de protección (Servizos sociais especializados, servizos sociais comunitarios ou entidades do terceiro sector)
Publicación do equipo de Inclusión do Centro Penitenciario de Teixeiro destinada á distribución no propio centro penitenciario entre participantes e potenciais participantes no II Plan galego de inclusión social.
Segunda edición da Guía farmacoterapéutica de utilización no ámbito sociosanitario, especialmente naqueles centros que dispoñen de Convenio co Servizo Galego de Saúde para a subministración da prestación farmacéutica no marco do programa de atención farmacéutica e que viu a luz no ano 2017. Esta guía de medicamentos está dirixida a todos os profesionais sanitarios cuxo ámbito de actuación é o sociosanitario co obxectivo de homoxeneizar a prestación farmacéutica.
Esta nova edición actualiza e revisa a inclusión/ exclusión de principios activos e engade novos contidos (Tall- man letters, identificación de medicamentos perigosos, axustes insuficiencia renal/ hepática, etc).
