Revista de periodicidade anual que ten como obxectivo dotar o sector artesanal galego dunha canle de comunicación tanto interna -onde se dan a coñecer o traballo dos nosos artesáns e maís liñas de actuación da Fundación Centro Galego da Artesanía e do Deseño e da Dirección Xeral de Comercio-, coma externa, de cara a outros sectores de interese para a artesanía, como o turismo, a arquitectura, o deseño ou a formación.
Estudo sobre fíos e cores utilizados na elaboración do encaixe, que posibilitará a súa utilización como manual por parte do usuario final. Recóllense ademais vinte e cinco novos motivos, coas súas correspondentes variantes e cor e fichas informativas de cada deseño. Esta publicación servirá de orientación ás entidades e colectivos que elaboren, comercialicen e fagan uso de produtos de encaixe, entre os que se atopan palilleiras, asociacións de palilleiras, deseñadoras, interiorstas e profesionais do deseño en xeral.
Traballo de documentación sobre as técnicas tradicionais da artesanía do encaixe galego, reunidas nun mostrario para recuperar, xuntar e poñer a disposición das palilleiras técnicas e modelos esquecidos, co fin de que non se perdan.
Selección de receitas gastronómicas suxeridas por cada un dos restaurantes que forman parte da Asociación de Amigos da Cociña Galega. Contén textos introdutorios das institucións competentes en materia de turismo e gastronomía.
Catálogo da exposición do mesmo nome, celebrada na cidade de Lugo entre os meses de setembro e decembro de 2006. Ademais da relación de pezas da exposición, este libro recolle, entre outros, estudos referentes á vida do santo, a evolución do seu culto, a historia das festas de San Froilán etc.
Catálogo da exposición do mesmo nome, celebrada na cidade de Lugo entre os meses de setembro e decembro de 2006. Ademais da relación de pezas da exposición, este libro recolle, entre outros, estudos referentes á vida do santo, a evolución do seu culto, a historia das festas de San Froilán, etc.
Libro promocional de Galicia en xaponés concibido para a súa difusión no país do sol nacente. Fai un breve percorrido polas zonas máis representativas da nosa Comunidade, polos seus monumentos, as paisaxes, etc., e inclúe un apéndice gastronómico de carácter xeral (principais produtos do país, pratos etc.)
Libro promocional do Camiño de Santiago en xaponés concibido para a súa difusión no país do sol nacente. A través das súas 120 páxinas preténdese explicar, de xeito sinxelo, o que significa o Camiño de Santiago, as súas orixes, as súas distintas variantes, o seu patrimonio cultural e espiritual, etc.
Catálogo da exposición dedicada a Xaquín Lorenzo, realizada nunha colaboración entre o Arquivo do Reino de Galicia e o Museo Etnolóxico de Ribadavia, centros dependentes da Consellería de Cultura, Comunicación Social e Turismo. Baséase principalmente na colección fotográfica do Arquivo, concretamente naquelas pezas nas que se reflicte a paisaxe ou a vida cotiá de Galicia: territorio, hábitats rurais, labores agrícolas e gandeiros, traballos téxtiles, aproveitamento fluvial, vida doméstica, feiras e mercados. En definitiva, aqueles aspectos que deron lugar a unha imaxe idílica de Galicia e centraron os estudos etnográficos de Xaquín Lorenzo.
Percorrido pola historia da cociña monacal galega, que se abre cun breve texto de presentación de Miguel Vila, para nos introducir a continuación Xavier Castro no mundo da respostaría dos conventos e mosteiros de Galicia. A publicación complétase cunha guía dos principais cenobios do país, así como cunha breve recensión histórica de cada un deles, datos prácticos e as súas principais receitas.
Percorrido pola historia da cociña monacal galega, que se abre cun breve texto de presentación de Miguel Vila, para nos introducir a continuación Xavier Castro no mundo da respostaría dos conventos e mosteiros de Galicia. A publicación complétase cunha guía dos principais cenobios do país, así como cunha breve recensión histórica de cada un deles, datos prácticos e as súas principais receitas.
A gaita, presente nos poetas galegos desde hai douscentos anos, non tiña unha antoloxía propiamente dita. Teñen cantando a gaita algún dos poetas máis imprtantes de Galicia: Rosalía de Castro, Curros Enríquez, Ramón Cabanillas, García Lorca e Celso Emilio Ferreiro. Mesmo hai dous poemas excelsos, Escolma de poemas dende 1853 ata 2012.
