Seguridad y eficacia de los estents recubiertos de anticuerpos en el tratamiento de la estenosis coronaria en pacientes con lesiones de novo

O cancro de mama é unha enfermidade de grande impacto no sistema sanitario. O programa de detección de tecnoloxías novas e emerxentes do Ministerio de Sanidade busca priorizar tecnoloxías que melloren o manexo desta doenza. O uso de marcadores metálicos na disección axilar dirixida (DAD) seleccionouse como unha tecnoloxía nova que permite extraer selectivamente tecido axilar afectado. Como resultado da extracción selectiva redúcense os efectos secundarios e mellórase a calidade de vida das pacientes. A evidencia publicada sobre os marcadores metálicos describe unha taxa de falsos negativos inferior ao 10 %, límite marcado polos expertos para o emprego da DAD. Sería necesaria a súa avaliación comparativa co sistema actualmente utilizado para coñecer a súa seguridade e efectividade relativas.

O obxectivo do informe consitiu en valorar a utilidade clínica da ablación mediante radiofrecuencia ou a selaxe mediante cianocrilato no tratamento das varices. Segundo a evidencia publicada, ambas as técnicas parecen ser seguras e reducen a sintomatoloxía asociada a esta patoloxía, cunha maioría dos pacientes tratados que se manisfestan satisfeitos cos resultados obtidos.

A avaliación da magnetoterapia estática ou imanterapia realizouse dentro do Plan para a protección da saúde fronte ás pseudoterapias. A técnica, que se basea na utilización de campos magnéticos xerados por imáns ou outros dispositivos magnéticos, avaliouse na súa indicación para o tratamento da dor crónica ou aguda asociada a diversas enfermidades. Os estudos dispoñibles actualmente non demostran que a magnetoterapia sexa un tratamento eficaz para o alivio da dor, polo que non se considera adecuado o seu uso como terapia para o control da dor aguda ou crónica.

O principal obxectivo é avaliar a seguridade e efectividade comparada das principais estratexias de cribado co test de ADN fetal para a detección das trisomías 21(T21), 18(T18) e 13 (T13), establecendo a validez diagnóstica (variables intermedias) e as implicacións en termos de medidas de resultado pertinentes para a muller embarazada e/ou feto. Preténdese tamén analizar os custos e as principais cuestións organizativas, éticas e sociais relacionadas coa implantación das distintas estratexias de cribado a nivel nacional.

O obxectivo deste informe é avaliar a seguridade e a efectividade da epiduroscopia con intervención mecánica, con o sin ablación por radiofrecuencia, no tratamento do síndrome de cirurxía fallida de costas e da estenose espinal lumbar.

O obxectivo deste documento é avaliar a efectividade e seguridade do dispositivo iSYS1®, que é un sistema remoto de guía e posicionamento sen armazón para intervencións en neurocirurxía estereotáctica guiada por imaxes. Este sistema consiste nunha unidade de microposicionamento robótico para guiar e posicionar de forma precisa os instrumentos (catéteres/eléctrodos) e unha unidade de macroposicionamento para a adaptación da unidade robótica ás diferentes mesas de intervención cirúrxica.

O obxectivo deste documento é avaliar, mediante revisión sistemática, a efectividade e seguridade do PET cerebral de amiloide no diagnóstico do deterioro cognitivo, enfermidade de Alzheimer ou outras demencias, así como o seu impacto no manexo diagnóstico e terapéutico destes pacientes.

O obxectivo deste documento é avaliar mediante revisión sistemática a efectividade clínica do cribado neonatal da inmunodeficiencia combinada grave (DCG) mediante a detección de TRC (círculo de escisión do receptor de linfocito T) por PCR cuantitativa (qPCR).

O obxectivo deste documento é avaliar a efectividade, seguridade, e eficiencia do chaleco LifeVest para a prevención da morte súbita cardíaca debido a taquiarritmias ventriculares fronte a tratamentos habituais.

O obxectivo deste documento é analizar a seguridade, a efectividade, así como as consideracións de implementación e os aspectos económicos, de organización, sociais, éticos ou legais derivados do uso dos DAVI como terapia de destino.